സംസാരിച്ചില്ല, വിദ്യാർഥിനിയുടെ കവിളിൽ കടിച്ച് യുവാവ്; സംഭവം ആളുകൾ നോക്കിനിൽക്കെ, പ്രതിയെ തിരിച്ചറിഞ്ഞില്ലെന്ന് പോലീസ്
Edited by ജിബിൻ ജോർജ് | Samayam Malayalam | Updated: 27 Aug 2023, 5:20 pm
സ്കൂളിൽ നിന്ന് വീട്ടിലേക്ക് പോകുകയായിരുന്ന വിദ്യാർഥിനിയെ റോഡിൽ തടഞ്ഞുനിർത്തി കവിളിൽ കടിച്ച് ഭീഷണിപ്പെടുത്തി യുവാവ്. പെൺകുട്ടിയുടെ പരാതിയിൽ അന്വേഷണം തുടരുകയാണെന്ന് പോലീസ്
ഹൈലൈറ്റ്:
- ആളുകൾ നോക്കിനിൽക്കെ പെൺകുട്ടിയുടെ കവിളിൽ കടിച്ച് യുവാവ്.
- മധ്യപ്രദേശിലെ ഭോപ്പാലിൽ വെള്ളിയാഴ്ച വൈകുന്നേരമാണ് സംഭവം.
- പ്രതിയെ തിരിച്ചറിയാനായിട്ടില്ലെന്ന് പോലീസ്.
പെൺകുട്ടികളെ വീട്ടിൽ നിന്ന് തട്ടിക്കൊണ്ട് പോയി കൂട്ടബലാത്സംഗം ചെയ്ത് കൊന്നു; പ്രതിക്ക് ജീവപര്യന്തം ശിക്ഷഭോപ്പാലിലെ ടിടി നഗറിലെ ജവഹർ ചൗക്കിലാണ് സംഭവം. വെള്ളിയാഴ്ച വൈകുന്നേരം ആളുകൾ നോക്കിനിൽക്കെ വിദ്യാർഥിനിയെ റോഡിൽ തടഞ്ഞുനിർത്തിയ പ്രതി വലതു കവിളിൽ കടിക്കുകയായിരുന്നു. ഇത്തവണ നിന്റെ മുഖത്ത് അടയാളം വരുത്തുക മാത്രമാണ് ചെയ്തത്, അടുത്ത തവണ നിന്റെ മുഖം വികൃതമാക്കുമെന്നും യുവാവ് കുട്ടിയെ ഭീഷണിപ്പെടുത്തി. സംഭവസമയം റോഡിൽ നൂറുകണക്കിനാളുകൾ ഉണ്ടായിരുന്നുവെന്നും ആരും സഹായിക്കാൻ എത്തിയില്ലെന്നും പെൺകുട്ടി പറഞ്ഞു.
Onam security: ഓണത്തിരക്ക് സുരക്ഷയ്ക്കായി ആയിരത്തിഅഞ്ഞൂറോളം പോലീസ് സേന
ശനിയാഴ്ച വൈകിട്ടുവരെ പ്രതിയെ കണ്ടെത്താനയിട്ടില്ലെന്ന് പോലീസ് പറഞ്ഞു. സിസിടിവി ദൃശ്യങ്ങളിൽ നിന്ന് പ്രതിയെ തിരിച്ചറിയാനുള്ള ശ്രമത്തിലാണ് പോലീസ്. പോക്‌സോ നിയമപ്രകാരമാണ് പ്രതിക്കെതിരെ കേസെടുത്തിരിക്കുന്നത്. കഴിഞ്ഞ ദിവസങ്ങളിൽ പ്രതിയും സുഹൃത്തുക്കളും വിദ്യാർഥിനിയെ പിന്തുടരുകയും കമൻ്റുകൾ പറയുകയും ചെയ്തിരുന്നു. സംസാരിക്കാൻ ശ്രമം നടത്തിയെങ്കിലും വിദ്യാർഥിനി ഒഴിഞ്ഞുമാറി. ഇതിനെത്തുടർന്നാണ് പ്രതി കുട്ടിയുടെ മുഖത്ത് കടിച്ചത്.
വിവാഹം ചെയ്യാൻ പെണ്ണിനെ കണ്ടെത്തി നൽകിയില്ല; അമ്മയെ കൊന്ന് മൃതദേഹം കഷണങ്ങളാക്കി മകൻ, അറസ്റ്റ്
കഴിഞ്ഞ വ്യാഴാഴ്ച ബൈക്കിലെത്തിയ പ്രതി പെൺകുട്ടിയുടെ മുന്നിൽ വാഹനം നിർത്തി സംസാരിക്കാൻ ശ്രമം നടത്തിയെങ്കിലും കുട്ടി ഒഴിഞ്ഞുമാറുകയായിരുന്നുവെന്നാണ് എഫ്‌ഐ‌ആറിൽ വ്യക്തമാക്കുന്നത്. ഇതിൻ്റെ അടുത്ത ദിവസമാണ് പെൺകുട്ടിക്ക് നേരെ അതിക്രമം ഉണ്ടായത്. മറ്റേ കവിളിലും കടിക്കാൻ ശ്രമിച്ചെങ്കിലും കുട്ടി പ്രതിയെ തള്ളിമാറ്റി ഓടിരക്ഷപ്പെടുകയായിരുന്നു. പ്രതിക്കൊപ്പം സുഹൃത്തുക്കളും ഉണ്ടായിരുന്നതായി പോലീസ് പറഞ്ഞു. വീട്ടിലെത്തിയ കുട്ടി മാതാപിതാക്കളെ വിവരമറിയിക്കുകയും ടിടി നഗർ പോലീസ് സ്റ്റേഷനിൽ പരാതി നൽകുകയുമായിരുന്നു. പോക്‌സോ ഉൾപ്പെടയുള്ള വകുപ്പുകൾ പ്രകാരമാണ് കേസെടുത്തത്.
Read Latest National News and Malayalam News
ജിബിൻ ജോർജ് നെ കുറിച്ച്
ജിബിൻ ജോർജ് ഡിജിറ്റൽ കണ്ടൻ്റ് പ്രൊഡ്യൂസർ
ജിബിൻ ജോർജ്. മലയാളം വിഭാഗം മാധ്യമപ്രവർത്തകൻ. 12 വർഷമായി മാധ്യമ രംഗത്ത് സജീവമായി പ്രവർത്തിക്കുന്നു. രാഷ്ട്രീയ – സാമൂഹിക വിഷയങ്ങളിൽ വാർത്തകൾ ചെയ്യുന്നു. ആദ്യഘട്ടത്തിൽ മംഗളത്തിൽ പ്രിൻ്റ് മീഡിയയിൽ ബ്യൂറോയിലും ഡെസ്ക്കിലുമായി പ്രവൃത്തിപരിചയം. 2014 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. ഓൺലൈൻ വിഭാഗത്തിൽ വെബ്ദുനിയയിൽ ആയിരുന്നു തുടക്കം. 2019ൽ ടൈംസ് ഓഫ് ഇന്ത്യയുടെ സമയം മലയാളത്തിൻ്റെ ഭാഗമായി. മംഗളം പ്രിൻ്റ് മീഡിയയുടെ ഭാഗമായ ഡിപ്ലോമ കോഴ്സ് (പഞ്ചാബ് ടെക്നിക്കൽ യൂണിവേഴ്സിറ്റി) പാസായി. ഡിഗ്രി ബി.എ പൊളിറ്റിക്കൽ സയൻസ്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
