‘ഇന്ത്യ’ സഖ്യത്തിൽ വീണ്ടും വിള്ളൽ? ബിഹാർ തെരഞ്ഞെടുപ്പിൽ നിതീഷിനെതിരെ മത്സരിക്കുമെന്ന് ആം ആദ്മി പാർട്ടി

2025ലാണ് ബിഹാറിൽ നിയമസഭാ തെരഞ്ഞെടുപ്പ് നടക്കുക. എഎപി ജനറൽ സെക്രട്ടറി സന്ദീപ് പതക് ദേശീയ തലസ്ഥാനത്ത് എഎപിയുടെ ബിഹാർ യൂണിറ്റ് നേതാക്കളുമായും പ്രവർത്തകരുമായും കൂടിക്കാഴ്ച നടത്തി. യോഗത്തിൽ സന്ദീപ് ബിഹാറിൽ പാർട്ടി ശക്തിപ്പെടേണ്ടതിന്റെ പ്രാധാന്യം ഊന്നിപ്പറഞ്ഞു. ഡൽഹിയിൽനിന്നുള്ള എഎപി. യോഗത്തിൽ എംഎൽഎയും ബിഹാറിന്റെ ചുമതലയുമുള്ള അജേഷ് യാദവും പങ്കെടുത്തിരുന്നു.

”മോശം രാഷ്ട്രീയാവസ്ഥ കാരണം ബിഹാർ മുന്നോട്ട് പോകാനാകാത്തത് ദൗർഭാഗ്യമാണ്. ബിഹാറിൽ ആം ആദ്മി പാർട്ടി തെരഞ്ഞെടുപ്പിൽ മത്സരിക്കും. പക്ഷേ, തെരഞ്ഞെടുപ്പിൽ മത്സരിക്കണമെങ്കിൽ കരുത്ത് അനിവാര്യമാണ്.” പഥക് പറഞ്ഞു.

ബിഹാറിലെ പാർട്ടി നേതാക്കളോട് തങ്ങളുടെ സംഘടന വിപുലീകരിക്കുന്നതിനായി എല്ലാ ഗ്രാമങ്ങളിലും കമ്മറ്റികൾ നിർമ്മിക്കാൻ പഥക് അഭ്യർത്ഥിച്ചു.

നമ്മൾ ബിഹാർ തെരഞ്ഞെടുപ്പുകളിൽ മത്സരിക്കും, പക്ഷെ എന്ന് മത്സരിക്കുമെന്ന് പാർട്ടി തീരുമാനിക്കും. നമുക്ക് നേരിട്ട് ബിഹാറിൽ മത്സരിക്കാൻ സാധിക്കില്ല, അതിനായി ആദ്യം സംഘടന ശക്തിപ്പെടുത്തേണ്ടതുണ്ട്. എല്ലാ ഗ്രാമങ്ങളിലും കമ്മിറ്റി രൂപീകരിക്കണം. സംഘടനയെ ശക്തിപ്പെടുത്തുന്നതിനും വിപുലീകരിക്കുന്നതിനും നാം ഇപ്പോൾ മുതൽ കഠിനാധ്വാനം ചെയ്യണം. സംഘടന ശക്തമായിക്കഴിഞ്ഞാൽ തെരഞ്ഞെടുപ്പിൽ മത്സരിക്കുകയും ജയിക്കുകയും ചെയ്യും. പഥക്ക് പറഞ്ഞു.

ഗുജറാത്തിൽ പ്രവർത്തിച്ചതിന് സമാനമായാകും ബിഹാറിലും പാർട്ടി പ്രവർത്തിക്കുക. സംഘടന ശക്തിപ്പെടുത്തുന്നതിന്റെ ഭാഗമായി തദ്ദേശ തെരഞ്ഞെടുപ്പുകളിൽ മത്സരിക്കുമെന്നും അദ്ദേഹം പറഞ്ഞു. ബിജെപിയിൽ നിന്നും രാജ്യത്തെ രക്ഷിക്കുക എന്നതാണ് തങ്ങളുടെ പ്രധാന ഉദ്ദേശമെന്നും അദ്ദേഹം അറിയിച്ചു.

“അഭിപ്രായങ്ങൾ വ്യത്യസ്തമാണെങ്കിലും, രാജ്യം ഒന്നാമതാണ്.” എന്നായിരുന്നു പ്രതിപക്ഷ ഐക്യത്തേക്കുറിച്ചുള്ള ചോദ്യത്തിന് മറുപടിയായി പറഞ്ഞത്.

Also Read : ബെംഗളൂരുവിൽ മലയാളി യുവതിയെ പങ്കാളി കുക്കർ ഉപയോഗിച്ച് തലയ്ക്കടിച്ച് കൊന്നു; കൊല്ലം സ്വദേശി അറസ്റ്റിൽ

അതേസമയം, സംഭവത്തിൽ പ്രതികരണവുമായി ബിഹാർ ബിജെപിയും രംഗത്തുവന്നു. “ബിഹാറിൽ 40 സീറ്റുണ്ട്, എല്ലാ സീറ്റുകളും എൻഡിഎ നേടും. എഎപിക്ക് ബിഹാറിൽ ലോക്‌സഭാ തെരഞ്ഞെടുപ്പിൽ മത്സരിക്കാം. ഞങ്ങൾക്ക് പ്രശ്‌നമില്ല, അവരെ ബിഹാറിലേക്ക് ക്ഷണിച്ചവർക്ക് അത് പ്രശ്‌നമാകും.” ബിജെപി നേതാവും മുൻ കേന്ദ്രമന്ത്രിയുായ സയ്ദ് ഷാനവാസ് ഹുസൈൻ പറഞ്ഞു.

Read Latest National News and Malayalam News