Also Read : ഓണക്കാലത്ത് റെക്കോർഡ് വിൽപ്പനയുമായി കൺസ്യൂമർഫെഡ്; നടന്നത് 106 കോടിയുടെ വിൽപ്പന
15 ദിവസത്തേക്ക് തമിഴ്നാടിന് 5,000 ക്യൂബിക്സെക് വെള്ളം നൽകണമെന്ന് കാവേരി ജല നിയന്ത്രണ സമിതിയുടെ ശുപാർശ്ശയെക്കെതിരെയാണ് കർഷകർ സമരം നടത്തുന്നത്. വെള്ളം വിട്ടുനൽകുന്നതിന് കർണാടകയോട് നിർദേശിക്കണമെന്നാവശ്യപ്പെട്ടുള്ള ഹർജിയിൽ വാദം കേൾക്കാനായി തമിഴ്നാട് സുപ്രീം കോടതിയെ സമീപിച്ചിരുന്നു.
Mega Thiruvathira: 10,000 നർത്തകിമാരെ അണിനിരത്തി തൃശ്ശൂരിൽ മെഗാതിരുവാതിര
കാവേരി നദിജലം വിട്ടുകൊടുക്കുന്നതുമായി ബന്ധപ്പെട്ട് ഉപമുഖ്യമന്ത്രി ഡി കെ ശിവകുമാർ ഡൽഹിക്ക് പോകാനിരിക്കെയാണ് അപ്രതീക്ഷിതമായി കർഷകർ ഒത്തുകൂടിയത്. ഭരണകക്ഷിയായ കോൺഗ്രസിന്റെ പിന്തുണയുള്ള സ്വതന്ത്ര എംഎൽഎ ദർശൻ പുട്ടണയ്യയും പ്രതിഷേധവുമായി രംഗത്തെത്തിയിട്ടുണ്ട്.
അതേസമയം, ഇത് സാധാരണ മൺസൂൺ ആണെന്ന കണക്കുകൂട്ടലിലാണ് ട്രിബ്യൂണലിന്റെ ഉത്തരവെന്ന് അവകാശപ്പെട്ട് കർണാടകയും സത്യവാങ്മൂലം സമർപ്പിച്ചു. നിലവിലെ സാഹചര്യത്തിൽ ജലസംഭരണികൾ തുറന്നുകൊടുത്താൽ സംസ്ഥാനത്ത് കുടിവെള്ളക്ഷാമം ഉണ്ടാകുമെന്നതിനാൽ ഇതിന് സാധിക്കില്ലെന്നും മുഖ്യമന്ത്രി സിദ്ധരാമയ്യയും അറിയിച്ചു.
വിഷയത്തിൽ നിയമസംഘത്തെ കാണാൻ താൻ ഡൽഹിക്ക് പോകുമെന്നും. വെള്ളിയാഴ്ചയാണ് തമിഴ്നാടിന്റെ ഹർജിയിൽ വാദം കേൾക്കുന്നത്. തമിഴ്നാട് 24-25 ടിഎംസി ആവശ്യപ്പെട്ടതിന് ശേഷം ഞങ്ങളുടെ വകുപ്പ് ഉദ്യോഗസ്ഥർ നന്നായി വാദിച്ചിരുന്നു. 3,000 ക്യുസെക്‌സ് നൽകാമെന്നും പറഞ്ഞിരുന്നു.
“സംസ്ഥാനത്തെ സാഹചര്യം കോടതിയെ മനസ്സിലാക്കി തമിഴ്നാടിന് വിട്ടുനൽകുന്ന വെള്ളം എത്രത്തോളം കുറയ്ക്കാമെന്ന് ഞങ്ങൾ ചർച്ച ചെയ്യും. താക്കോൽ മറ്റുള്ളവർക്ക് കൈമാറാൻ ഞങ്ങൾ ആഗ്രഹിക്കുന്നില്ല. നിലവിൽ താക്കോൽ ഞങ്ങളുടെ പക്കലുണ്ട്. നമ്മുടെ കർഷകരെ സംരക്ഷിക്കേണ്ടതുണ്ട്,” ഡികെ ശിവകുമാർ വാർത്താ ഏജൻസിയോട് പറഞ്ഞു.
Also Read : ‘ചന്ദ്രയാൻ ലാൻഡർ ഡിസൈൻ ചെയ്തെന്ന് അവകാശവാദം, മാധ്യമങ്ങളിൽ അഭിമുഖം’; ട്യൂഷൻ അധ്യാപകൻ അറസ്റ്റിൽ
കാവേരി നദീജലത്തെച്ചൊല്ലി കേരളത്തിന്റെ അയൽ സംസ്ഥാനങ്ങൾ തമ്മിലുള്ള തർക്കത്തിന് ഒരു നൂറ്റാണ്ടോളം പഴക്കമുണ്ട്. 1990-ൽ കാവേരി നദീജല തർക്കങ്ങൾക്കിടയിൽ തീർപ്പുകൽപ്പിക്കാൻ കേന്ദ്രം ട്രിബ്യൂണൽ രൂപീകരിച്ചത്.
Read Latest National News and Malayalam News
