ഇനി വന്ദേ ഭാരതിന് വേഗത കൂടും; അരമണിക്കൂറോളം യാത്രാ സമയം ലാഭിക്കാം; സിഎസ്എംടി – ഷിർദി എക്സ്പ്രസ് വേഗത കൂട്ടാൻ റെയിൽവേ
Edited by ലിജിൻ കടുക്കാരം | Samayam Malayalam | Updated: 31 Aug 2023, 7:15 pm
പുതിയ വേഗത കൈവരിക്കുന്നതോടെ ഈ റൂട്ടിൽ ഓടുന്ന ട്രെയിനുകളുടെ യാത്രാസമയം 30 മിനിറ്റോളം ലാഭിക്കാൻ കഴിയും. സെൻട്രൽ റെയിൽവേയാണ് ഇതുസംബന്ധിച്ച് നടപടികൾ സ്വീകരിക്കുന്നത്
ഹൈലൈറ്റ്:
- ഇനി വന്ദേ ഭാരതിന് വേഗത കൂടും
- സിഎസ്എംടി – ഷിർദി എക്സ്പ്രസിന് പറക്കാ
- അരമണിക്കൂറോളം യാത്രാ സമയം ലാഭിക്കാം
ഇഗത്പുരിക്കും ഷിർദിക്കും ഇടയിലുള്ള 125 കിലോമീറ്ററിൽ നിലവിൽ മണിക്കൂറിൽ 110 കിലോമീറ്റർ വേഗതയിലാണ് വന്ദേ ഭാരത് കടന്നുപോകുന്നത്. വേഗത 130 കിലോമീറ്ററായി ഉയർത്തുന്നതോടെ യാത്രാ സമയം 30 മിനിറ്റോളമാണ് ലാഭിക്കാൻ കഴിയുകയെന്ന് ഫ്രീപ്രസ് ജേണലാണ് റിപ്പോർട്ട് ചെയ്തത്. വന്ദേ ഭാരത് ട്രെയിനിന് മണിക്കൂറിൽ 160 കിലോമീറ്റർ വേഗതയുണ്ടെങ്കിലും ട്രാക്കുകളുടെ പരിമിതി മൂലം ഈ വേഗത കൈവരിക്കാൻ കഴിയുന്നില്ല.
Jayasurya Kalamassery Issue: നിലപാടില്‍ ഉറച്ചു നില്‍ക്കുന്നുവെന്ന് ജയസൂര്യ
റെയിൽവേ ബോർഡ് നിർദ്ദേശങ്ങൾ അനുസരിച്ച് ഇഗത്പുരി റൂട്ടിൽ ട്രാക്ക് നവീകരണ പ്രവർത്തനങ്ങൾ നടത്തുകയാണ്. ഇതിന്‍റെ അടിസ്ഥാനത്തിലാണ് വന്ദേ ഭാരതിന്‍റെ വേഗത വർധിപ്പിക്കാൻ സെൻട്രൽ റെയിൽവേ ഒരുങ്ങുന്നത്. പ്രവൃത്തികൾ പൂർത്തിയായാലുടൻ വേഗ പരിധി ഉയർത്തി ഉത്തരവിറക്കിയേക്കും.
ട്രാക്കിലെ നവീകരണ പ്രവർത്തനങ്ങൾ പൂർത്തിയായാൽ വന്ദേ ഭാരതിന് പുറമെ ഈ റൂട്ടിലൂടെ സർവീസ് നടത്തുന്ന മറ്റ് ട്രെയിനുകളുടെ സ്പീഡും ഉയർത്തും. ഈ ട്രെയിനുകൾക്കും യാത്രാ സമയത്തിൽ 30 മിനിറ്റ് ലാഭിക്കാൻ കഴിയുമെന്നാണ് റിപ്പോർട്ടുകൾ വ്യക്തമാക്കുന്നത്. മറ്റു വന്ദേഭാരതുകൾക്ക് സമാനമായി ആഴ്ചയിൽ ആറ് ദിവസമാണ് സിഎസ്എംടി – ഷിർദി വന്ദേ ഭാരതും സർവീസ് നടത്തുന്നത്. ചൊവ്വാഴ്ചയാണ് ട്രെയിൻ സർവീസ് ഇല്ലാത്തത്.
എസി റോഡ് നിർമ്മാണം അന്തിമഘട്ടത്തിൽ; നവംബറോഡുകൂടി പൂർണ്ണമായി തുറന്നു കൊടുത്തേക്കും
ഫെബ്രുവരിയിൽ പ്രധാനമന്ത്രി നരേന്ദ്ര മോദിയായിരുന്നു സിഎസ്എംടി – ഷിർദി വന്ദേ ഭാരത് സർവീസ് ഫ്ലാഗ് ഓഫ് ചെയ്തത്. സിഎസ്എംടിയിൽ നിന്ന് (Train no. 22223) രാവിലെ 6:20ന് സർവീസ് ആരംഭിക്കുന്ന ട്രെയിൻ 11:40നാണ് ഷിർദിയിൽ എത്തിച്ചേരുന്നത്. മടക്കയാത്ര (Train no. 22224) വൈകീട്ട് 5:25ന് ഷിർദിയിൽനിന്ന് പുറപ്പെട്ട് രാത്രി 10:50ന് സിഎസ്എംടിയിൽ എത്തിച്ചേരും.
ലിജിൻ കടുക്കാരം നെ കുറിച്ച്
ലിജിൻ കടുക്കാരം സീനിയർ ഡിജിറ്റൽ കണ്ടൻ്റ് പ്രൊഡ്യൂസർ
സമയം മലയാളം വാർത്താ വിഭാഗത്തിൽ സീനിയർ ഡിജിറ്റൽ കണ്ടൻ്റ് പ്രൊഡ്യൂസറാണ് ലിജിൻ കടുക്കാരം. കണ്ണൂർ യൂണിവേഴ്സിറ്റിയിൽ നിന്ന് ഇംഗ്ലീഷിൽ ബിരുദവും കാലിക്കറ്റ് യൂണിവേഴ്സിറ്റിയിൽ നിന്ന് ജേണലിസത്തിൽ ബിരുദാനന്തര ബിരുദവും പൂർത്തിയാക്കി. 2016 മുതൽ മാധ്യമപ്രവർത്തനത്തിൽ സജീവം. ഓൺലൈൻ മാധ്യമമായ ഡൂൾ ന്യൂസിലാണ് തുടക്കം. പിന്നീട് ന്യൂസ് 18 മലയാളത്തിൽ ജനറൽ ന്യൂസിനൊപ്പം സ്പോർട്സ് സെക്ഷനും കൈകാര്യം ചെയ്തു. 2019ലാണ് സമയം മലയാളത്തിൻ്റെ ഭാഗമായത്. നിലവിൽ രാഷ്ട്രീയ, സാമൂഹിക വിഷയങ്ങളിൽ ലേഖനങ്ങൾ എഴുതുന്നു.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
