Also Read : ചൂടിന് ആശ്വാസമായി മഴ എത്തും; അഞ്ച് ദിവസവും വിവിധ ജില്ലകളിൽ മഴ മുന്നറിയിപ്പ്
സെപ്റ്റംബർ 9, 10 ദിവസങ്ങളിലായിട്ടാണ് നീറ്റ് എസ് എസ് പരീക്ഷ നടക്കാനിരുന്നത്. എന്നാൽ, 18ാമത് ജി20 ഉച്ചകോടി ഡൽഹിയിൽ നടക്കുന്നതിനാലാണ് ഈ തീയതികൾ മാറ്റാൻ അധികൃതർ തയ്യാറായത്. സെപ്റ്റംബർ എട്ട് മുതൽ 10 വരെയാണ് നടക്കാനിരുന്നത്.
പുതുക്കിയ പരീക്ഷ തീയതികൾ വരും ദിവസങ്ങളിൽ പ്രഖ്യാപിക്കുമെന്ന് അറിയിച്ചിട്ടുണ്ട്. നാഷണൽ ബോർഡ് ഓഫ് എക്സാമിനേഷൻ ഔദ്യോഗിക വെബ്‌സൈറ്റായ natboard.edu.in വഴി പുതിയ തീയതികൾ അറിയാൻ സാധിക്കുമെന്നും അറിയിച്ചിട്ടുണ്ട്.
പരീക്ഷാ ബോർഡ് പുറത്തിറക്കിയ വാർത്താക്കുറിപ്പിലാണ് ഇക്കാര്യം വ്യക്തമാക്കിയിരിക്കുന്നത്. സൂപ്പർ സ്പെഷ്യാലിറ്റി മെഡിക്കൽ പ്രോഗ്രാമുകളിലേക്കുള്ള പ്രവേശനത്തിന് അനുയോജ്യരായ ഉദ്യോഗാർത്ഥികളെ കണ്ടെത്തുന്നതിന് നടത്തുന്ന പരീക്ഷയാണ് നീറ്റ് എസ് എസ്.
Also Read : മുഖം മിനുക്കി കേരളത്തിലെ പാതകൾ; ദേശീയപാത വികസനത്തിൽ സംസ്ഥാനത്ത് പൂർത്തിയായത്‌ 5573 കോടിയുടെ പദ്ധതികൾ
NEET SS 2023 പരീക്ഷായുടെ ഫോർമാറ്റിൽ കമ്പ്യൂട്ടർ അധിഷ്ഠിത ടെസ്റ്റ് ഉൾപ്പെടും. നിയുക്ത പരീക്ഷാ ദിവസങ്ങളിൽ രാവിലെയോ ഉച്ചതിരിഞ്ഞോ ഷിഫ്റ്റുകളിൽ വിവിധ വിഷയ ഗ്രൂപ്പുകൾ പരിശോധിക്കും. ചോദ്യപേപ്പറിൽ സൂപ്പർ സ്പെഷ്യാലിറ്റിയിൽ നിന്നുള്ള 60% ചോദ്യങ്ങളും ഫീഡർ ബ്രോഡ് സ്പെഷ്യാലിറ്റിയിൽ നിന്നുള്ള 40% ചോദ്യങ്ങളും ഉണ്ടാകും. ഓരോ ക്വസ്റ്റിൻ പേപ്പറിലും 150 ചോദ്യങ്ങൾ വച്ചുണ്ടാകും. 2.5 മണിക്കൂറാണ് പരീക്ഷാ സമയം.
Read Latest National News and Malayalam News
