Also Read : ചന്ദ്രന് ശേഷം സൂര്യൻ; ആദിത്യ എൽ1 വിക്ഷേപണത്തിന് മണിക്കൂറുകൾ മാത്രം; കൗണ്ട്ഡൗൺ തുടങ്ങി
ഉച്ചകോടിയുടെ പശ്ചാത്തലത്തിൽ ഗതാഗത നിയന്ത്രണത്തിന്റെ ഭാഗമായി സ്കൂളുകൾക്കും ഗവൺമെന്റ് ഓഫീസുകളും കടകളും അടക്കം അവധി പ്രഖ്യാപിച്ചിട്ടുണ്ട്.
Guinness Record: ലോകത്തിലെ ഏറ്റവും പ്രായം കൂടിയ വ്യക്തിയായി ഗിന്നസ് നേടാനൊരുങ്ങി കുഞ്ഞിരുമ്മ
ഭീകരപ്രവർത്തനമോ അട്ടിമറിയോ നടക്കുന്നില്ലെന്ന് ഉറപ്പാക്കാൻ വിപുലമായ സുരക്ഷാ ക്രമീകരണങ്ങൾ ഏർപ്പെടുത്തിയതായി ഡൽഹി പോലീസ് അറിയിച്ചിട്ടുണ്ട്. ഉച്ചകോടിക്ക് സുരക്ഷ ഒരുക്കുന്നതിൽ ഡൽഹി പോലീസിന്റെ പകുതിയിലധികം പേരും പങ്കാളികളാകുമെന്ന് മുതിർന്ന പോലീസ് ഓഫീസർ മധുപ് തിവാരി പറഞ്ഞു.
കേന്ദ്ര സായുധ പോലീസ് സേനയും (സിഎപിഎഫ്) എലൈറ്റ് നാഷണൽ സെക്യൂരിറ്റി ഗാർഡും (എൻഎസ്ജി) ക്രമീകരണങ്ങളിൽ ഡൽഹി പോലീസിനെ സഹായിക്കും. “ഇത് ചരിത്രപരവും സുപ്രധാനവുമായ നിമിഷമാണ്,” നഗരത്തിലെ സുരക്ഷാ ക്രമീകരണങ്ങളുടെ ചുമതലയുള്ള ഡൽഹി പോലീസിന്റെ സ്‌പെഷ്യൽ കമ്മീഷണർ ദേവേന്ദ്ര പതക് പറഞ്ഞു.
ഉച്ചകോടിയുടെ പ്രധാന വേദിയായ പ്രഗതി മൈതാനം, ന്യൂഡൽഹി ജില്ലയിലെ കൺവെൻഷൻ-കം-എക്‌സിബിഷൻ സെന്റർ – എന്നിവിടങ്ങളിൽ ഡൽഹി പോലീസ് സ്‌പെഷ്യൽ കമ്മീഷണറായ രൺവീർ സിംഗ് കൃഷ്ണിയയുടെ കീഴിലുള്ള ഒരു സംഘമാണ് കാവൽ ഏർപ്പെടുത്തുന്നത്.
ഡൽഹിയിലും സമീപ പ്രദേശങ്ങളിലും സംയോജിത പ്രതിരോധത്തിനായി സമഗ്രമായ നടപടികൾ വിന്യസിക്കുമെന്ന് ഇന്ത്യൻ വ്യോമസേനയുടെ വക്താവിനെ ഉദ്ധരിച്ച് റോയിട്ടേഴ്‌സ് റിപ്പോർട്ട് ചെയ്യുന്നു. വ്യോമസേന ഉൾപ്പെടെയുള്ള സൈന്യവും ഡൽഹി പോലീസും അർദ്ധസൈനിക സേനയും ചേർന്ന് വ്യോമാക്രമണ ഭീഷണി തടയാൻ ഡ്രോൺ വിരുദ്ധ സംവിധാനങ്ങൾ വിന്യസിക്കുമെന്ന് വക്താവ് പറഞ്ഞു. നാനൂറോളം അഗ്നിശമന സേനാംഗങ്ങളും രംഗത്തിറങ്ങും.
വേദിയിൽ സുരക്ഷാ കൺട്രോൾ റൂമുകളും യുഎസ് പ്രസിഡന്റ് ജോ ബൈഡൻ താമസിക്കുന്ന ഐടിസി മൗര്യ ഹോട്ടൽ അടക്കമുള്ള പ്രധാന ഹോട്ടലുകളിൽ പ്രത്യേക സുരക്ഷാ ക്രമീകരണങ്ങളും ഏർപ്പെടുത്തിയിട്ടുണ്ട്. “ഹോട്ടലുകളിൽ, ഒരു ഡിസിപി റാങ്കിലുള്ള ഉദ്യോഗസ്ഥൻ ക്യാമ്പ് കമാൻഡറായി സേവനമനുഷ്ഠിക്കും. ഡൽഹിയുടെ ബാക്കി ഭാഗങ്ങൾ അതീവ ജാഗ്രതയിലായിരിക്കും,” മധുപ് തിവാരി പറഞ്ഞു.
അനാവശ്യമായ പ്രവേശനം തടയുന്നതിന്റെ ഭാഗമായി രാജ്യതലസ്ഥാനത്തേക്കുള്ള എല്ലാ അതിർത്തികളും അടച്ചിടുമെന്നും അധികൃതർ പറഞ്ഞു. എന്നിരുന്നാലും സാധാരണ വാഹനങ്ങളും പൊതു സഞ്ചാരങ്ങളും അനുവദിക്കുമെന്നും ഉദ്യോഗസ്ഥർ കൂട്ടിച്ചേർത്തു.
ലോകനേതാക്കൾക്ക് സഞ്ചരിക്കുന്നതിന് വേണ്ടി സർക്കാർ 18 കോടി രൂപ ചെലവിൽ 20 ബുള്ളറ്റ് പ്രൂഫ് ലിമോസിനുകൾ വാടകയ്ക്ക് എടുത്തിട്ടുണ്ട്. സെൻട്രൽ റിസർവ് പോലീസ് സേനയുടെ വിഐപി സെക്യൂരിറ്റി വിഭാഗത്തിലെ 450 ഡ്രൈവർമാരെ പ്രത്യേക ലെഫ്റ്റ് ഹാൻഡ് ഡ്രൈവ് ചെയ്യുന്ന ബുള്ളറ്റ് പ്രൂഫ് വാഹനങ്ങൾക്ക് പൈലറ്റ് ചെയ്യാൻ പരിശീലിപ്പിച്ചിട്ടുണ്ടെന്ന് ഔദ്യോഗിക വൃത്തങ്ങളെ ഉദ്ധരിച്ച് വാർത്താ ഏജൻസി പിടിഐ റിപ്പോർട്ട് ചെയ്യുന്നു.
അതിഥികളായി എത്തുന്നവരുടെ പങ്കാളികൾക്ക് സുരക്ഷ ഒരുക്കുന്നതിന് വേണ്ടി മറ്റൊരു അർദ്ധസൈനിക സേനയുടെ പ്രത്യേക പരിശീലനം ലഭിച്ച സ്ത്രീ-പുരുഷ കമാൻഡോകൾ സംരക്ഷണം നൽകും.
സെപ്റ്റംബർ 9ന് ആരംഭിക്കുന്ന ദ്വിദിന ഉച്ചകോടിയിൽ യുഎസ് പ്രസിഡന്റ് ജോ ബൈഡൻ, ബ്രിട്ടീഷ് പ്രധാനമന്ത്രി ഋഷി സുനാക്, സൗദി അറേബ്യയുടെ രാജകുമാരൻ മുഹമ്മദ് ബിൻ സൽമാൻ എന്നിവർ പങ്കെടുക്കും. ജപ്പാൻ, ഓസ്‌ട്രേലിയ, ഫ്രാൻസ്, ജർമ്മനി എന്നിവിടങ്ങളിൽ നിന്നുള്ള നേതാക്കളും പങ്കെടുക്കുമെന്ന് പ്രതീക്ഷിക്കുന്നു.
Also Read : ജയ വർമ സിൻഹ: 166 വർഷത്തിന് ശേഷം റെയിൽവേ ബോർഡിൽ ആദ്യമായി ഒരു വനിതാ സിഇഒ
ചൈനീസ് പ്രസിഡന്റ് ഷി ജിൻപിംഗ് യോഗത്തിൽ നിന്ന് വിട്ടുനിൽക്കാൻ സാധ്യതയുണ്ടെന്ന് റിപ്പോർട്ടുകൾ. റഷ്യൻ പ്രസിഡന്റ് വ്‌ളാഡിമിർ പുടിൻ നേരിട്ട് യോഗത്തിൽ പങ്കെടുക്കില്ല, വിദേശകാര്യ മന്ത്രി സെർജി ലാവ്‌റോവാകും അദ്ദേഹത്തെ പ്രതിനിധീകരിക്കുക.
Read Latest National News and Malayalam News
