ഇനിയറിയേണ്ടത് റൂട്ട് മാത്രം, പരിഗണനകൾ ഇങ്ങനെ; കേരളത്തിനുള്ള രണ്ടാം വന്ദേ ഭാരത് ഏറ്റുവാങ്ങി പാലക്കാട് ഡിവിഷൻ
Edited by ജിബിൻ ജോർജ് | Samayam Malayalam | Updated: 2 Sep 2023, 7:23 am
കേരളത്തിന് അനുവദിച്ച രണ്ടാം വന്ദേ ഭാരത് ട്രെയിൻ പാലക്കാട് ഡിവിഷനിലെ എഞ്ചിനീയർമാർക്ക് കൈമാറി. ട്രെയിൻ കൈമാറിയതോടെ റൂട്ട് സംബന്ധമായ പ്രഖ്യാപനമാണ് ഇനി വരാനുള്ളത്
ഹൈലൈറ്റ്:
- കേരളത്തിന് രണ്ടാം വന്ദേ ഭാരത് ട്രെയിൻ.
- ട്രെയിൻ പാലക്കാട് ഡിവിഷനിലെ എഞ്ചിനീയർമാർക്ക് കൈമാറി.
- റൂട്ട് സംബന്ധമായ പ്രഖ്യാപനം വൈകാതെയുണ്ടാകും.
സൂര്യനെ പഠിക്കാൻ ആദിത്യ എൽ 1 ഇന്ന് കുതിച്ചുയരും; ലക്ഷ്യങ്ങൾ ഇങ്ങനെ, വിക്ഷേപണത്തിന് തയ്യാറെന്ന് ഐഎസ്ആർഒപാലക്കാട് ഡിവിഷനിലെ എഞ്ചിനീയർമാർക്ക് ട്രെയിൻ കൈമാറിയതോടെ കേരളം രണ്ടാം വന്ദേ ഭാരത് ഉറപ്പിച്ചു. ഡിസൈനിൽ മാറ്റം വരുത്തിയ പുതിയ ട്രെയിനാണ് കേരളത്തിന് കൈമാറിയത്. ട്രെയിനിൻ്റെ റൂട്ട് സംബന്ധിച്ച പ്രഖ്യാപനം ദിവസങ്ങൾക്കകം ഉണ്ടാകും.
ചെന്നൈ ഇൻ്റഗ്രൽ കോച്ച് ഫാക്ടറിയിൽ നിന്ന് ദക്ഷിണ റെയിൽവേ, പശ്ചിമ റെയിൽവേ, ഈസ്റ്റ കോസ്റ്റ് റെയിൽവേ എന്നിവയ്ക്കാണ് ഓരോ ട്രെയിനുകൾ കൈമാറിയത്.
P and T Colony: ദുരിതത്തിന് ശമനം: പിആൻഡ്ടി കോളനിക്കാർക്ക് ഫ്ലാറ്റ് സമുച്ചയം ഒരുങ്ങി
രണ്ടാം വന്ദേ ഭാരത് ട്രെയിൻ കേരളം ഉറപ്പിച്ചെങ്കിലും റൂട്ട് സംബന്ധമായ ആശയക്കുഴപ്പമാണ് നിലവിലുള്ളത്. ദക്ഷിണ റെയിൽവെയിലെ റൂട്ടുകൾ തീരുമാനിക്കുന്ന സമിതിയാണ് ഇക്കാര്യത്തിൽ തീരുമാനമെടുക്കുക. ഏതാകും റൂട്ട് എന്ന കാര്യത്തിൽ സെപ്റ്റംബർ രണ്ടാം വാരത്തോടെ പ്രഖ്യാപനമുണ്ടാകും. മംഗളൂരു – തിരുവനന്തപുരം, മംഗളൂരു – എറണാകുളം, മംഗളൂരു – കോയമ്പത്തൂർ, മഡ്ഗാവ് (ഗോവ) – എറണാകുളം എന്നീ റൂട്ടുകളാണ് പ്രധാനമായും പരിഗണനയിലുള്ളത്.
കേന്ദ്രമന്ത്രിയുടെ വസതിയിൽ യുവാവ് വെടിയേറ്റു മരിച്ച നിലയിൽ; റിവോൾവർ കണ്ടെത്തി, മൂന്നുപേർ കസ്റ്റഡിയിൽ
കേരളത്തിന് ആദ്യം അനുവദിച്ച വന്ദേ ഭാരത് ട്രെയിൻ ജനങ്ങൾ ഏറ്റെടുത്തിരുന്നു. കാസർകോട് – തിരുവനന്തപുരം റൂട്ടിൽ സർവീസ് നടത്തുന്ന ട്രെയിനിൽ യാത്രക്കാരുടെ എണ്ണം ഉയർന്ന തോതിലാണ്. രാജ്യത്തെ മറ്റ് റൂട്ടുകളേക്കാൾ മുന്നിലാണ് ഈ പാത. 100 സീറ്റിന് 183 യാത്രക്കാർ എന്ന തോതിലാണ് കാസർകോട് – തിരുവനന്തപുരം റൂട്ടിലെ സർവീസ്. തലസ്ഥാനമായ തിരുവനന്തപുരത്ത് നിന്ന് തിരികെയുള്ള സർവീസിൽ 100 സീറ്റിന് 173 യാത്രക്കാർ എന്നാണ് കണക്ക്.
Read Latest National News and Malayalam News
ജിബിൻ ജോർജ് നെ കുറിച്ച്
ജിബിൻ ജോർജ് ഡിജിറ്റൽ കണ്ടൻ്റ് പ്രൊഡ്യൂസർ
ജിബിൻ ജോർജ്. മലയാളം വിഭാഗം മാധ്യമപ്രവർത്തകൻ. 12 വർഷമായി മാധ്യമ രംഗത്ത് സജീവമായി പ്രവർത്തിക്കുന്നു. രാഷ്ട്രീയ – സാമൂഹിക വിഷയങ്ങളിൽ വാർത്തകൾ ചെയ്യുന്നു. ആദ്യഘട്ടത്തിൽ മംഗളത്തിൽ പ്രിൻ്റ് മീഡിയയിൽ ബ്യൂറോയിലും ഡെസ്ക്കിലുമായി പ്രവൃത്തിപരിചയം. 2014 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. ഓൺലൈൻ വിഭാഗത്തിൽ വെബ്ദുനിയയിൽ ആയിരുന്നു തുടക്കം. 2019ൽ ടൈംസ് ഓഫ് ഇന്ത്യയുടെ സമയം മലയാളത്തിൻ്റെ ഭാഗമായി. മംഗളം പ്രിൻ്റ് മീഡിയയുടെ ഭാഗമായ ഡിപ്ലോമ കോഴ്സ് (പഞ്ചാബ് ടെക്നിക്കൽ യൂണിവേഴ്സിറ്റി) പാസായി. ഡിഗ്രി ബി.എ പൊളിറ്റിക്കൽ സയൻസ്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
