ശനിയാഴ്ച പുലർത്തെ കൊൽക്കത്തയിലെ നേതാജി സുഭാഷ് ചന്ദ്രബോസ് അന്താരാഷ്ട്ര വിമാനത്താവളത്തിലാണ് നാടകീയ സംഭവം. വിമാനം ലാൻഡ് ചെയ്ത ഉടനെ ശുചിമുറിയിൽ പുക വലിച്ച കുറ്റത്തിന് സുവം ശുക്ല എന്നയാളാണ് അറസ്റ്റിലായത്. ശുചിമുറിയിലേക്ക് കയറിയ ഉടൻ തന്നെ ഇയാൾ പുകവലിക്കാൻ ആരംഭിക്കുകയായിരുന്നെന്നാണ് ഉദ്യോഗസ്ഥർ പറയുന്നത്.
ആവശ്യക്കാരേറെ, ടിക്കറ്റ് കിട്ടാനുമില്ല; എന്നുവരും എറണാകുളം – ബെംഗളൂരു വന്ദേ ഭാരത്? പ്രതീക്ഷയോടെ യാത്രക്കാർ; സാധ്യതകൾ
PandTColony: പിആൻഡ്‌ടിക്കാരുടെ കിടപ്പാടം എന്ന സ്വപ്നം യാഥാർഥ്യം
പുകയും മണവും ശ്രദ്ധയിൽപ്പെട്ട ഉടനെ യാത്രക്കാരനും ക്യാബിൻ ക്രൂവും ഇക്കാര്യം വിമാനത്തിന്‍റെ പൈലറ്റിന്‍റെ ശ്രദ്ധയിൽപ്പെടുത്തുകയായിരുന്നു. വിമാനം ലാൻഡ് ചെയ്തയുടൻ പൈലറ്റ് എയർപോർട്ട് സെക്യൂരിറ്റി ജീവനക്കാരെയും സെൻട്രൽ ഇൻഡസ്ട്രിയൽ സെക്യൂരിറ്റി ഫോഴ്സ് ഉദ്യോഗസ്ഥരെയും വിവരം അറിയിച്ചു. തുടർന്ന് സിഐഎസ്എഫാണ് യാത്രക്കാരനെ കസ്റ്റഡിയിലെടുത്തത്.
പുകവലിച്ചയാളെ ചോദ്യം ചെയ്ത സിഐഎസ്എഫ് ഉദ്യോഗസ്ഥർ പിന്നീട് ഇയാളെ ബിധാനഗർ സിറ്റി പോലീസിന് കീഴിലെ എയർപോർട്ട് പോലീസിന് കൈമാറി. വിമാനത്തിലെ പുകവലിക്കലിന് പിന്നിൽ മറ്റെന്തെങ്കിലും കാരണങ്ങളുണ്ടോ എന്നതുൾപ്പെടെയുള്ള കാര്യങ്ങൾ പോലീസ് അന്വേഷിക്കുകയാണ്.
ഒരു രാജ്യം, ഒരു തെരഞ്ഞെടുപ്പ്: പരിഷ്‌കരണം പഠിക്കാൻ 8 അംഗ സമിതിയെ നിയമിച്ച് കേന്ദ്രം
വിമാനത്തിൽ പുകവലിച്ചതിന് എയർക്രാഫ്റ്റ് റൂൾസിലെ സെക്ഷൻ 25 പ്രകാരമാണ് കേസെടുത്തിരിക്കുന്നത്. യാത്രക്കാരൻ പുകവലിക്കുന്നത് കൃത്യസമയത്ത് ശ്രദ്ധയിൽപ്പെട്ടില്ലായിരുന്നെങ്കിൽ, അത് വലിയ അപകടത്തിന് ഇടയാക്കുമായിരുന്നെന്ന് ഇൻഡിഗോ എയർലൈൻസ് അധികൃതർ പറഞ്ഞു.
