15 ഓളം ട്രെയിനുകളുടെ റൂട്ടിൽ മാറ്റം വരുത്തിയിട്ടുണ്ട്. ആറ് ട്രെയിനുകൾ വഴിതിരിച്ചുവിടുമെന്നും റെയിൽവേ അറിയിച്ചു. ഉച്ചകോടി നടക്കുന്ന ദിവസങ്ങളിൽ ഡൽഹിയിൽ ഗതാഗത നിയന്ത്രണമുണ്ടാകും. ഡൽഹിയിൽ നിന്ന് പുറപ്പെടുകയോ, അവസാനിക്കുകയോ ചെയ്യുന്ന നിരവധി ട്രെയിനുകൾ ഇനി ഗാസിയാബാദിൽ നിന്നോ ഹസ്രത് നിസാമുദ്ദീൻ റെയിൽവേ സ്‌റ്റേഷനിൽ നിന്നോ ആകും സർവീസ് ആരംഭിക്കുകയും അവസാനിപ്പിക്കുകയും ചെയ്യുക.
KK Shailaja teacher about Puthuppally election: യുഡിഎഫ് തുടർച്ചയായി ഭരിച്ച പുതുപ്പളളിയിൽ മാറ്റമുണ്ടോ?
നിയന്ത്രണങ്ങൾ മനസിലാക്കി ജനങ്ങൾ സഹകരിക്കണമെന്ന് ഇന്ത്യൻ റെയിൽവേ അറിയിച്ചു. പല സ്ഥലങ്ങളിലേക്കും വാഹനങ്ങൾ പ്രവേശിക്കുന്നതിന് നിയന്ത്രണമേർപ്പെടുത്തിയിട്ടുണ്ട്. അത്യാവശ്യ യാത്രയ്ക്ക് മാത്രമാകും ജനങ്ങൾക്ക് അനുമതി നൽകുക. നിയന്ത്രണങ്ങൾക്ക് മുന്നോടിയായി ട്രയൽ റൺ ഡൽഹി പോലീസ് നടത്തിയിരുന്നു.
സമ്പൂർണ ക്രാന്തി എക്സ്പ്രസ്, സ്വതന്ത്ര സേനാനി എക്സ്പ്രസ്, ഗോമതി എക്സ്പ്രസ്, ആഗ്ര കന്‍റോൺമെന്‍റ് ഇന്‍റർസിറ്റി എക്സ്പ്രസ് തുടങ്ങി ആറ് ട്രെയിനുകളുടെ റൂട്ടുകളിൽ മാറ്റം വരുത്തിയിട്ടുണ്ട്. കൂടാതെ, 70 ട്രെയിനുകൾക്ക് അധിക സ്റ്റോപ്പുകളുണ്ടാകും, 36 ട്രെയിനുകൾ ഷെഡ്യൂൾ ചെയ്ത റെയിൽവേ സ്റ്റേഷന് മുമ്പായി യാത്ര അവസാനിപ്പിക്കുമെന്നും റെയിൽവേ അറിയിച്ചു.
യുവാക്കള്‍ ശല്യം ചെയ്തു, അപായച്ചങ്ങല വലിച്ചു ട്രെയിൻ നിർത്തി യുവതി; കണ്ണൂരിൽ മൂന്നുപേർ കസ്റ്റഡിയിൽ
അതേസമയം ജി20 ഉച്ചകോടി നടക്കുന്ന ദിവസങ്ങളിൽ ഡൽഹിയിലെ സ്കൂളുകൾ അടച്ചിടും. വിദ്യാർഥികൾക്ക് അവധി നൽകുകയോ, ഓൺലൈൻ ക്ലാസ് നടത്തുകയോ ആകും ഈ ദിവസങ്ങളിൽ ചെയ്യുക. കോളേജുകളിലെ ക്ലാസുകൾ ഓൺലൈനിലേക്ക് മാറ്റാനും ഓഫീസുകൾ വർക്ക് ഫ്രം ഹോം രീതിയിലേക്ക് മാറ്റാനും നിർദേശങ്ങളുണ്ടെന്നും റിപ്പോർട്ടുകളുണ്ട്.
ലിജിൻ കടുക്കാരം നെ കുറിച്ച്
ലിജിൻ കടുക്കാരം സീനിയർ ഡിജിറ്റൽ കണ്ടൻ്റ് പ്രൊഡ്യൂസർ
സമയം മലയാളം വാർത്താ വിഭാഗത്തിൽ സീനിയർ ഡിജിറ്റൽ കണ്ടൻ്റ് പ്രൊഡ്യൂസറാണ് ലിജിൻ കടുക്കാരം. കണ്ണൂർ യൂണിവേഴ്സിറ്റിയിൽ നിന്ന് ഇംഗ്ലീഷിൽ ബിരുദവും കാലിക്കറ്റ് യൂണിവേഴ്സിറ്റിയിൽ നിന്ന് ജേണലിസത്തിൽ ബിരുദാനന്തര ബിരുദവും പൂർത്തിയാക്കി. 2016 മുതൽ മാധ്യമപ്രവർത്തനത്തിൽ സജീവം. ഓൺലൈൻ മാധ്യമമായ ഡൂൾ ന്യൂസിലാണ് തുടക്കം. പിന്നീട് ന്യൂസ് 18 മലയാളത്തിൽ ജനറൽ ന്യൂസിനൊപ്പം സ്പോർട്സ് സെക്ഷനും കൈകാര്യം ചെയ്തു. 2019ലാണ് സമയം മലയാളത്തിൻ്റെ ഭാഗമായത്. നിലവിൽ രാഷ്ട്രീയ, സാമൂഹിക വിഷയങ്ങളിൽ ലേഖനങ്ങൾ എഴുതുന്നു.Read More
