ശനിയാഴ്ചയില്ല, റൂട്ട് ഇങ്ങനെ; ഒഡീഷയുടെ രണ്ടാം വന്ദേ ഭാരത് ഫ്ലാഗ് ഓഫിന് മോദി; ഒപ്പം ട്രാക്കിലിറങ്ങുമോ കേരളത്തിന്‍റെ പുത്തൻ ട്രെയിൻ?

ചാണ്ടിയോ ജെയ്ക്കോ? പുതുപ്പള്ളി വിധിയെഴുതാൻ മണിക്കൂറുകൾ മാത്രം; ഏഴ് സ്ഥാനാർഥികൾ

മണിക്കൂറിൽ 130 കിലോമീറ്റർ വേഗതയിൽ ട്രെയിൻ സർവീസ് നടത്താൻ കഴിയുന്ന രീതിയിൽ മുഴുവൻ പാതയും നവീകരിച്ച ശേഷമാണ് റൂട്ടിൽ വന്ദേ ഭാരത് സർവീസ് ആരംഭിക്കാൻ റെയിൽവേ തീരുമാനിച്ചത്. രാവിലെ 5 മണിക്ക് പുരിയിൽ നിന്ന് സർവീസ് ആരംഭിച്ച് ഉച്ചയ്ക്ക് 12:45ന് റൂർക്കേലയിൽ എത്തിച്ചേരുന്ന വിധത്തിലാണ് സർവീസ് ക്രമീകരിച്ചിരിക്കുന്നത്. തിരികെയുള്ള സർവീസ് 2:10ന് റൂർക്കേലയിൽനിന്ന് ആരംഭിച്ച് രാത്രി 9:40ന് പുരിയിൽ എത്തിച്ചേരും. ഭൂവനേശ്വറിൽ 5 മിനിറ്റും മറ്റു സ്റ്റേഷനുകളിൽ 2 മിനിറ്റുമാണ് ട്രെയിൻ നിർത്തുക.

അതേസമയം ദക്ഷിണ റെയിൽവേയ്ക്ക് കൈമാറിയ വന്ദേ ഭാരതിന്‍റെ അന്തിമ റൂട്ട് സംബന്ധിച്ച് ഇതുവരെയും തീരുമാനമായിട്ടില്ല. റേക്ക് ഇപ്പോഴും ചെന്നൈയിൽ തുടരുകയാണ്. ബേസിൻ ബ്രിഡ്ജിലെ റെയിൽവേ യാർഡിൽ നിർത്തിയിട്ടിരിക്കുകയാണ് ട്രെയിൻ. പുതിയ വന്ദേ ഭാരത് ട്രെയിനുകളുടെ ഉദ്ഘാടന ചടങ്ങിന് പ്രധാനമന്ത്രി തീയതി നൽകാത്തതാണ് തീരുമാനത്തിന് പിന്നിലെന്നും റിപ്പോർട്ടുണ്ട്.

കോന്നി താലൂക്കില്‍ വിദ്യാഭ്യാസ സ്ഥാപനങ്ങൾക്ക് ഇന്ന് അവധി; മുൻ നിശ്ചയിച്ച പൊതു പരീക്ഷകൾക്ക് മാറ്റം ഉണ്ടാകുന്നതല്ല

മംഗളൂരു – എറണാകുളം റൂട്ടിലാകും വന്ദേ ഭാരത് സർവീസ് നടത്തുകയെന്നായിരുന്നു നേരത്തെ പുറത്തുവന്ന റിപ്പോർട്ട്. എന്നാൽ സെമി ഹൈ സ്പീഡ് ട്രെയിൻ ഗോവയിലേക്ക് കൊണ്ടുപോകാനുള്ള നീക്കങ്ങൾ നടക്കുന്നുണ്ടെന്നും റിപ്പോർട്ടുകളുണ്ട്. വരുംദിവസങ്ങളിൽ മാത്രമേ ഇക്കാര്യത്തിൽ വ്യക്തത വരികയുള്ളൂ.