വെള്ളം കുടിയ്ക്കുന്നത്
വെറുംവയറ്റില്‍ കാപ്പി കുടിയ്ക്കുന്നത് സ്‌ട്രെസ് ഹോര്‍മോണുകളുടെ ഉല്‍പാദനത്തിന് വഴിയൊരുക്കുന്ന ഒന്നാണ്. അതായത് അഡ്രിനാലിന്‍, കോര്‍ട്ടിസോള്‍ എന്നിവ. ഇവ രാവിലെ തന്നെ കൂടിയ അളവില്‍ പുറപ്പെടുവിയ്ക്കുന്നത് ദോഷങ്ങളുണ്ടാക്കും. ഇതിനാല്‍ രാവിലെ ഉണര്‍ന്നെഴുന്നേറ്റയുടന്‍ ഒന്ന് രണ്ട് ഗ്ലാസ് വെള്ളം കുടിയ്ക്കുന്നത് ശീലമാക്കണം. ഇത് ഇഷ്ടമുള്ള തരം വെള്ളമാകാം, ഇളം ചൂടുവെള്ളമാകാം, അല്‍പം നാരങ്ങാനീര് കലര്‍ത്തിയ വെള്ളമാകാം.
ഫൈബറും പ്രോട്ടീനും
ഇതുപോലെ തന്നെ വെറും വയറ്റില്‍ കാപ്പി കുടിയ്ക്കാതെ ഫൈബറും പ്രോട്ടീനും അടങ്ങിയ ഭക്ഷണം കഴിയ്ക്കണം. ചിയ സീഡ്‌സ്, മുട്ട എന്നിവ കഴിയ്ക്കാം. കാപ്പി വെറുംവയറ്റില്‍ കുടിയ്ക്കുമ്പോള്‍ കോര്‍ട്ടിസോള്‍ ഹോര്‍മോണ്‍ കൂടുതല്‍ ഉല്‍പാദിപ്പിയ്ക്കപ്പെടുന്നു. ഇതിനാല്‍ രക്തത്തിലെ ഷുഗര്‍ തോത് വര്‍ദ്ധിയ്ക്കുന്നു. ഇതിനാല്‍ ഇത്തരം ഭക്ഷണം കഴിയ്ക്കും വരെ കാപ്പി ഒഴിവാക്കുന്നതാണ് ആരോഗ്യകരം. പ്രാതല്‍ കഴിയ്ക്കുന്നത് വരെ കാപ്പി ഒഴിവാക്കാന്‍ സാധിയ്ക്കില്ലെങ്കില്‍ നാരുകള്‍, പ്രോട്ടീന്‍ എന്നിവയുള്ള ഏതെങ്കിലും ലഘുഭക്ഷണം കഴിച്ച ശേഷം കാപ്പിയാകാം.
കുട്ടികളിലെ തലകറക്കം മാതാപിതാക്കള്‍ ശ്രദ്ധിക്കാതെ പോകരുത്
കുട്ടികളിലെ തലകറക്കം മാതാപിതാക്കള്‍ ശ്രദ്ധിക്കാതെ പോകരുത്
വ്യായാമം
ഇതു പോലെ വ്യായാമം രാവിലെ ചെയ്യുന്നവര്‍ കാപ്പി കുടിച്ച് ഇത് ചെയ്യുന്നത് നല്ലതല്ല. ഇത് സ്‌ട്രെസ് ഹോര്‍മോണ്‍ ഉല്‍പാദനം വര്‍ദ്ധിപ്പിയ്ക്കുന്നു. രാവിലെ വ്യായാമം പതിവുള്ളവര്‍, ഇത് നടത്തമാണെങ്കില്‍ തന്നെയും വ്യായാമശേഷം മാത്രം കാപ്പി കുടിയ്ക്കുക. ഉണര്‍ന്നെഴുന്നേറ്റ ശേഷം ഒന്നര മണിക്കൂര്‍ കഴിഞ്ഞ് മാത്രം കാപ്പി കുടിയ്ക്കുകയെന്നതാണ് ആരോഗ്യകരം. ഇത് ഹോര്‍മോണ്‍ സന്തുലനം സാധ്യമാക്കുന്നു. നാഡീവ്യവസ്ഥയുടെ ആരോഗ്യത്തിനും ശരീരത്തിന്റെ പ്രതിരോധം ശക്തിപ്പെടുത്തുന്നതിനും ഇത് സഹായിക്കുന്നു.
ഗ്യാസ്, അസിഡിറ്റി
വെറും വയറ്റില്‍ കാപ്പി കുടിയ്ക്കുന്നത് ഗ്യാസ്, അസിഡിറ്റി പ്രശ്‌നങ്ങള്‍ക്കുള്ള കാരണം കൂടിയാണ്. രാവിലെ ഉണര്‍ന്നാല്‍ വെളളം കുടിയ്ക്കാം, ശേഷം വ്യായാമമാകാം, രാവിലെ സൂര്യപ്രകാശം ഏല്‍ക്കുന്നതും നല്ലതാണ്. ഇത് ശരീരത്തിന്റെ സ്വാഭാവിക താളം നില നിര്‍ത്താന്‍ സഹായിക്കുന്നു. ഇതിന് ശേഷം അല്‍പം പ്രോട്ടീന്‍, നാര് സമ്പുഷ്ടമായ ഭക്ഷണം കഴിച്ച ശേഷം കാപ്പി കുടിയ്ക്കുക. ഇതാണ് ആരോഗ്യകരമായ ശീലം.
സരിത പിവി നെ കുറിച്ച്
സരിത പിവി കൺസൾട്ടൻറ് കണ്ടൻറ് റൈറ്റർ
ജേര്‍ണലിസം രംഗത്ത് 17 വര്‍ഷങ്ങളിലേറെ പരിചയ സമ്പത്ത്. പ്രിന്റ് മീഡിയായില്‍ തുടങ്ങി ഡിജിറ്റല്‍ മീഡിയയില്‍ സജീവം. വാര്‍ത്താ, ലൈഫ്‌സ്റ്റൈല്‍ മേഖലകളില്‍ കൂടുതല്‍ പരിചയം. വായനക്കാര്‍ക്ക് താല്‍പര്യമുള്ള മേഖലകള്‍ കണ്ടെത്തി ലളിതമായ രീതിയില്‍ അവതരിപ്പിയ്ക്കാന്‍ വൈദഗ്ധ്യം.വായനയും എഴുത്തും താല്‍പര്യം.സമകാലീന വിഷയങ്ങള്‍ അടിസ്്ഥാനമാക്കി ലേഖനങ്ങള്‍ എഴുതുന്നതില്‍ പ്രത്യേക ശ്രദ്ധ. എഴുത്തിന് പുറമേ വായന, മ്യൂസിക് എന്നിവയോട് കൂടുതല്‍ താല്‍പര്യം.Read More
