തടസമില്ലാത്ത വൈദ്യുതി അടിസ്ഥാന അവകാശമായി മാറുന്നു; ലോഡ് ഷെഡിങ്ങെങ്കിൽ ഉപഭോക്താവിന് നഷ്ടപരിഹാരത്തിന് അർഹത

ന്യൂനമർദ്ദം; ഇന്ന് രണ്ട് ജില്ലകളിൽ ഓറഞ്ച് അലേർട്ട്, നാലിടത്ത് യെല്ലോ അലേർട്ട്; ഇടിയോടുകൂടിയ അതിശക്തമായ മഴയെത്തും

വൈദ്യുതി കണക്ഷൻ നൽകുന്നതിനും വിച്ഛേദിക്കുന്നതിനു, ഷിഫ്റ്റ്, റീ കണക്ഷൻ, കൺസ്യൂമർ കാറ്റഗറി മാറ്റൽ തുടങ്ങിയ അപേക്ഷകളിൽ എടുക്കാവുന്ന പരാമവധി സമയം സംബന്ധിച്ചുള്ള കാര്യങ്ങളിലും കേന്ദ്രസർക്കാർ നിർദേശങ്ങൾ നൽകിയിട്ടുണ്ട്. ഈ സേവനങ്ങൾ നൽകുന്നതിൽ കാലതാമസമുണ്ടായാലും വിതരണ കമ്പനി നഷ്ടപരിഹാരം നൽകേണ്ടിവരും.

2020ലെ ഇലക്ട്രിസിറ്റി (ഉപഭോക്താക്കളുടെ അവകാശങ്ങൾ) ചട്ടം അനുസരിച്ച് വൈദ്യുതി വിതരണം ചെയ്യുന്ന കമ്പനി എല്ലാ ഉപയോക്താക്കൾക്കും 24X7 എന്ന നിലയിൽതന്നെ വൈദ്യുതി നൽകുമെന്ന് നേരത്തെ സർക്കാർ അറിയിച്ചിരുന്നു. അഭിപ്രായങ്ങൾ സ്വീകരിക്കുന്നതിനായി കരട് നിയമങ്ങൾ പുറത്തുവിടുകയും ചെയ്തിരുന്നു.

05 September 2023 Kerala Vartha Live: ആറ് സംസ്ഥാനങ്ങളിലെ 7 നിയമസഭ മണ്ഡലങ്ങളിൽ ഇന്ന് ഉപതെരഞ്ഞെടുപ്പ്

നേരത്തെ ഊർജ്ജമന്ത്രാലയം കരട് നിയമം പുറത്തിറക്കിയ വേളയിൽ ഉപഭോക്താക്കൾ വൈദ്യുതി മേഖലയിലെ പ്രധാനപ്പെട്ട പങ്കാളികളാണെന്നും അവർ കാരണമാണ് ഈ മേഖല നിലനിൽക്കുന്നതെന്ന് പറഞ്ഞുകൊണ്ടായിരുന്നു വൈദ്യുതി വിതരണത്തിൻ്റെ പ്രധാന്യത്തെക്കുറിച്ച് നിർദേശം നൽകിയിരുന്നത്. ‘എല്ലാ പൗരന്മാർക്കും വൈദ്യുതി ലഭ്യമാക്കിയതിനാൽ, ഉപഭോക്തൃ സംതൃപ്തിയിൽ ശ്രദ്ധ കേന്ദ്രീകരിക്കേണ്ടത് ഇപ്പോൾ പ്രധാനമാണ്. ഇതിനായി, പ്രധാന സേവനങ്ങൾ തിരിച്ചറിയുകയും ഈ സേവനങ്ങളുമായി ബന്ധപ്പെട്ട് മിനിമം സേവന നിലവാരങ്ങളും മാനദണ്ഡങ്ങളും നിർദ്ദേശിക്കുകയും അവ ഉപഭോക്താക്കളുടെ അവകാശങ്ങളായി അംഗീകരിക്കുകയും ചെയ്യേണ്ടത് അത്യന്താപേക്ഷിതമാണ്.’ എന്നായിരുന്നു മന്ത്രാലയം പറഞ്ഞിരുന്നത്.

മതിയായ വൈദ്യുതി വിതരണ ക്രമീകരണങ്ങൾ ലഭ്യമല്ലാത്ത സാഹചര്യത്തിൽ വിതരണ കമ്പനിയുടെ ലൈസൻസ് സസ്പെൻഡ് ചെയ്യാനും മുൻകൂട്ടി കാണാൻ കഴിയാത്ത സാഹചര്യങ്ങളോ സാങ്കേതിക തകരാറുകളോ ഒഴികെയുള്ള സന്ദർഭങ്ങളിൽ ഉപഭോക്താക്കൾക്ക് വൈദ്യുതി വിതരണം തടസപ്പെട്ടാലും പിഴ ചുമത്തുമെന്നും സർക്കാർ പറഞ്ഞിരുന്നു.

നിലവിൽ വൈദ്യുതി പ്രതിസന്ധി നേരിടുന്ന പലസംസ്ഥാനങ്ങളെയും ബാധിക്കുന്ന നിയമമാണ് ഇത്. . നേരത്തെ നിരവധി കോടതികൾ ഇതിനുസമാനമായ നിർദേശം നൽകിയിരുന്നു. ഇതിനുപിന്നാലെയാണ് കേന്ദ്രം നിർണായക നിയമനിർമാണത്തിലേക്ക് കടന്നത്.

Also Read : Puthuppally Bypoll Election Live: പുതുപ്പള്ളിയിൽ ഇന്ന് വിധിയെഴുത്ത്; പ്രതീക്ഷയോടെ മുന്നണികൾ

Read Latest National News and Malayalam News