രാജ്യത്തിൻ്റെ പേര് മാറുമോ? ഇന്ത്യ വെട്ടി ഭാരത് എന്നാക്കാൻ നീക്കം, സൂചന നൽകി രാഷ്ട്രപതിയുടെ ക്ഷണക്കത്ത്

തടസമില്ലാത്ത വൈദ്യുതി അടിസ്ഥാന അവകാശം; ലോഡ് ഷെഡിങ്ങെങ്കിൽ ഉപഭോക്താവിന് നഷ്ടപരിഹാരത്തിന് അർഹത

ജി20 ഉച്ചകോടിയിൽ പങ്കെടുക്കുന്ന രാജ്യങ്ങളുടെ രാഷ്ട്രത്തലവന്മാർക്ക് രാഷ്ട്രപതി നൽകിയ ഔദ്യോഗിക ക്ഷണക്കത്തിൽ പ്രസിഡൻ്റ് ഓഫ് ഇന്ത്യ എന്നതിന് പകരം പ്രസിഡൻ്റ് ഓഫ് ഭാരത് എന്നാണ് എഴുതിയിരിക്കുന്നത്. ഇതാണ് രാജ്യത്തിൻ്റെ പേരുമാറ്റാൻ നരേന്ദ്ര മോദി സർക്കാർ ശ്രമം നടത്തുന്നതായുള്ള വാർത്ത പുറത്തുവരാൻ കാരണം.

സെപ്റ്റംബർ ഒമ്പതിന് നടക്കുന്ന അത്താഴവിരുന്നിലേക്ക് ജി20 നേതാക്കന്മാരെയും മുഖ്യമന്ത്രിമാരെയും ക്ഷണിച്ചുകൊണ്ട് രാഷ്ട്രപതി ദ്രൗപതി മുർമു നൽകിയ കത്തിലാണ് ഇപ്രകാരം എഴുതിയിരിക്കുന്നത്. ‘ഇന്ത്യൻ പ്രസിഡന്റ്’ എന്നതിനുപകരം ‘പ്രസിഡന്റ് ഓഫ് ഭാരത്’ എന്ന പേരിലാണ് രാഷ്ട്രപതി കത്ത് എഴുതിയിരിക്കുന്നതെന്ന് കോൺഗ്രസ് നേതാവ് ജയറാം രമേശ് വ്യക്തമാക്കി.

ഇന്ത്യ എന്ന പേര് മാറ്റുന്നത് ഭരണഘടന മൂല്യങ്ങൾക്ക് എതിരായ നീക്കമെന്ന് കോൺഗ്രസ് ആരോപിചു. രാജ്യത്തിൻ്റെ ഔദ്യോഗിക പരിപാടിക്ക് ഇന്ത്യ എന്ന പേര് മാറ്റുന്നത് ആദ്യമായിട്ടാണ്. വിദേശ പ്രതിനിധികൾക്ക് കൈമാറിയ ജി20 ബുക്ക്‌ലെറ്റിലും ഇന്ത്യ എന്നതിന് പകരം ഭാരത് എന്ന് ഉപയോഗിച്ചിട്ടുണ്ട്

പോലീസ് എഫ്ഐആർ പകർപ്പ് വീട്ടിലിരുന്ന് ഡൗൺലോഡ് ചെയ്യാം, എങ്ങനെ? ഒറ്റ ക്ലിക്കിൽ വിവരമറിയിക്കാനും സൗകര്യം
ബിജെപി നേതാക്കളും നേതൃത്വവും രാജ്യത്തിൻ്റെ പേര് ഭാരതം എന്നാക്കുന്നതിനെ അനുകൂലിക്കുന്നുണ്ട്. ബിജെപിക്കെതിരെ പ്രതിപക്ഷ പാർട്ടികൾ ‘ഇന്ത്യ’ എന്ന പേരിൽ വിശാല സഖ്യം രൂപീകരിച്ചതാണ് ഇതിന് പ്രധാന കാരണം. അസം മുഖ്യമന്ത്രി ഹിമന്ത ബിശ്വ ശർമ്മ ഉൾപ്പെടെയുള്ള ബിജെപി നേതാക്കൾ രാജ്യത്തിന്റെ പേര് ഭാരത് എന്ന് പുനർനാമകരണം ചെയ്യുന്നതിനെ പിന്തുണച്ച് രംഗത്തെത്തി.

Read Latest National News and Malayalam News