കരിവാളിച്ച് പോയ ചർമ്മത്തിൻ്റെ തിളക്കം വീണ്ടെടുക്കാൻ ഈ ഡ്രിങ്ക് കുടിച്ചോളൂ

ചർമ്മ പ്രശ്നങ്ങൾ കാരണം പൊറുതി മുട്ടുന്നവരാണ് ഭൂരിഭാഗം ആളുകളും. എത്ര ശ്രമിച്ചാലും പലപ്പോഴും ചർമ്മത്തിന് പല പ്രശ്നങ്ങളും ഉണ്ടാകാറുണ്ട്. ചർമ്മ പ്രശ്നങ്ങൾ മാറ്റാൻ പല തരത്തിലുള്ള വഴികളും ശ്രമിക്കാറുണ്ട്. ജീവിതശൈലിയിലെ മാറ്റങ്ങളാണ് പലപ്പോഴും ഇത്തരം പ്രശ്നങ്ങളുടെ പ്രധാന കാരണങ്ങളാണ്. അതുപോലെ ഭക്ഷണത്തിലും ശ്രദ്ധിക്കേണ്ടത് ഏറെ പ്രധാനമാണ്. ദിവസവും കഴിക്കുന്ന ഭക്ഷണത്തിൽ അൽപ്പം ശ്രദ്ധിച്ചാൽ ചർമ്മം നന്നായി തിളങ്ങാൻ സഹായിക്കും. ദിവസവും രാവിലെ ഈ ഡ്രിങ്ക് കുടിക്കുന്ന് ഏറെ സഹായിക്കും.

പുതിനയില

ചർമ്മത്തിനും മുടിക്കും സംരക്ഷണം നൽകാൻ സഹായിക്കുന്നതാണ് പുതിനയില. ഇതിലെ പല ഘടകങ്ങളും ചർമ്മ സംരക്ഷണത്തിന് ഏറെ പ്രധാനമാണ്. പുതിനയിലയിൽ ആന്റിസെപ്റ്റിക്, ആൻറി പ്രൂറിറ്റിക് ഘടകങ്ങളുണ്ട്. ഇതൊരു ഫേസ് ക്ലെൻസറായി പ്രവ‍‍ർത്തിക്കാൻ ഏറെ സഹായിക്കും. ഇത് വീക്കം തടയാനും അതുപോലെ ആൻ്റി ഇൻഫ്ലമേറ്ററി ഘടകമായി പ്രവർത്തിക്കാനും ഏറെ സഹായിക്കുന്നതാണ്.

എണ്ണമയം അകറ്റി ചർമ്മം മനോഹരമാക്കാൻ ഈ പാക്ക് മതി

ജീരകം

അടുക്കളയിൽ വളരെ സുലഭമായി ഉപയോഗിക്കുന്നതാണ് ജീരകം. വെള്ളത്തിൽ ജീരകമിട്ട് തിളപ്പിച്ച് കുടിക്കുന്ന സ്വഭാവം എല്ലാർക്കുമുണ്ട്. ആരോഗ്യഗുണങ്ങളുടെ കാര്യത്തിൽ ജീരത്തിനുള്ള പങ്ക് വളരെ വലുതാണ്. ഔഷധ ഗുണങ്ങൾക്കൊപ്പം നിരവധി പോഷക ഗുണങ്ങളും ഇതിൽ അടങ്ങിയിട്ടുണ്ട്. ജീരകം ഉപയോഗിക്കുന്നത് ചർമ്മം വരണ്ട് പോകുന്നത് തടയാൻ ഏറെ സഹായിക്കും.

ഏലയ്ക്ക്

കറികൾക്ക് നല്ല മണവും രുചിയും നൽകാൻ ഏലയ്ക്ക ഏറെ സഹായിക്കും. രക്തചംക്രമണം മെച്ചപ്പെടുത്തുന്ന വൈറ്റമിൻ സി ഏലയ്ക്കയിൽ ധാരാളമായി അടങ്ങിയിട്ടുണ്ട്. ശക്തമായ ആൻ്റി ഓക്സിഡൻ്റ് കൂടിയാണ് ഏലയ്ക്ക. ചർമ്മത്തിൻ്റെ മിക്ക പ്രശ്നങ്ങളും ഇല്ലാതാക്കാൻ ഏലയ്ക്ക് ധാരാളമായി സഹായിക്കും. മുഖക്കുരു മാറ്റാൻ ഏറെ നല്ലതാണ് ഏലയ്ക്ക.

ഗ്രാമ്പൂ

ഭക്ഷണത്തിന് നല്ല രുചി കിട്ടാൻ സഹായിക്കുന്നതാണ് ഗ്രാമ്പൂ. പല തരത്തിലുള്ള ആരോഗ്യ ഗുണങ്ങൾ ഗ്രാമ്പൂവിൽ അടങ്ങിയിട്ടുണ്ട്. ഇതിലെ ആൻ്റി ബാക്ടീരിയിൽ ഗുണങ്ങൾ മുഖക്കുരുവും പാടുകളും ഇല്ലാതാക്കാൻ ഏറെ സഹായിക്കും. അതുപോലെ ആൻ്റി ഓക്ഡിസഡൻ്റുകൾ ചർമ്മത്തിലെ ചുളിവുകളെ മാറ്റുകയും വരകൾ വീഴുന്നത് തടയുകയും ചെയ്യും. നിരവധി രോഗങ്ങൾക്കുള്ള മരുന്ന് കൂടിയാണ് ഗ്രാമ്പൂ എന്ന് തന്നെ പറയാം.

ഡ്രിങ്ക് തയാറാക്കാൻ

ഒരു പാത്രത്തിൽ വെള്ളം എടുത്ത് തിളപ്പിക്കുക. തിളയ്ക്കുന്ന വെള്ളത്തിലേക്ക് കുറച്ച് പുതിനയില, 2 ഏലയ്ക്ക, 2 ഗ്രാമ്പൂ, 1 ടേബിൾ സ്പൂൺ ജീരകം എന്നിവ ചേർത്ത് നന്നായി തിളപ്പിക്കുക. വെള്ളം തിളച്ച് നിറം മാറുന്നത് വരെ വയ്ക്കണം. ഇതിന് ശേഷം ഈ വെള്ളം അരിച്ചെടുത്ത് രാവിലെ വെറും വയറ്റിൽ കുടിക്കാവുന്നതാണ്.

റ്റീന മാത്യു നെ കുറിച്ച്

റ്റീന മാത്യു ഡിജിറ്റൽ കണ്ടൻ്റ് പ്രൊഡ്യൂസർ

ന്യൂസ് ചാനലിൽ പ്രവർത്തനം ആരംഭിച്ച് വാർത്ത മേഖലയിൽ 5 വർഷത്തെ പ്രവൃത്തി പരിചയമുള്ള വ്യക്തിയാണ് ടീന അന്ന മാത്യു. ദീർഘനാളത്തെ പ്രവൃത്തി പരിചയത്തിലൂടെ വാർത്ത മേഖലയിൽ കൃത്യമായ കഴിവ് തെളിയിച്ച ടീന നിലവിൽ ലൈഫ്സ്റ്റൈൽ, വൈറൽ എന്നീ വിഭാഗങ്ങളിലാണ് എഴുതുന്നത്. കുറഞ്ഞ കാലം കൊണ്ട് ഈ വിഭാഗങ്ങളിൽ കഴിവ് തെളിയിച്ച ടീന, ഫാഷൻ, ഹെൽത്ത്, ബ്യൂട്ടി തുടങ്ങിയ മേഖലകളിൽ വൈവിധ്യങ്ങളായ വിഷയങ്ങൾ കൈകാര്യം ചെയ്യുന്നു. ജോലിയ്ക്ക് പുറമെ പാചകം ടീന ഏറെ ഇഷ്ടപ്പെടുന്നു. ചിത്രകലയും ടീനയ്ക്ക് ഏറെ ഇഷ്ടമുള്ള മേഖലയാണ്.Read More