മുഖത്തെ ചുളിവുകള്‍ക്ക് ഷഹ്നാസ് ഹുസൈന്‍ ടിപ്‌സ്….
Authored by സരിത പിവി | Samayam Malayalam | Updated: 5 Sep 2023, 2:41 pm
മുഖത്തെ ചുളിവുകള്‍ മാറാന്‍ വീട്ടില്‍ തന്നെ തയ്യാറാക്കി ഉപയോഗിയ്ക്കാന്‍ സാധിയ്ക്കുന്ന ചില ഫേസ്പായ്ക്കുകള്‍ ഉണ്ട്. ഇതെക്കുറിച്ചറിയൂ.
ചര്‍മസംരക്ഷണം
ചര്‍മസംരക്ഷണം ചെറുപ്പത്തില്‍ തന്നെ തുടങ്ങണം. 30കളില്‍ തന്നെ ചര്‍മത്തില്‍ ചുളിവുകള്‍ വീഴാതിരിയ്ക്കാന്‍ ശ്രദ്ധിയ്ക്കണം. ഇതിനായി ചര്‍മം വരണ്ടു പോകുന്ന ചില കാര്യങ്ങള്‍, അമിതമായ സൂര്യപ്രകാരം, മേയ്ക്കപ്പ്, ആര്‍ട്ടിഫിഷ്യല്‍ ഹീറ്റിംഗ്, എയര്‍ കണ്ടീഷന്‍, കെമിക്കലുകള്‍ ഉള്ള കോസ്‌മെറ്റിക്‌സ് എന്നിവ ഒഴിവാക്കണം. സണ്‍സ്‌ക്രീന്‍ പുറത്ത് പോകുന്നതിന് മുന്‍പ് 20 മിനിറ്റിന് മുന്‍പെങ്കിലും പുരട്ടണം, വീട്ടിലുള്ളപ്പോഴും പുരട്ടണം. ചര്‍മത്തില്‍ ഈര്‍പ്പം നില നിര്‍ത്താനുള്ള വഴികള്‍ ചെയ്യുക.
ഗ്രീന്‍ ടീ
അടുക്കളയിലെ പല ചേരുവകളും നമ്മുടെ ചര്‍മത്തിലെ ചുളിവുകള്‍ മാറ്റാന്‍ സഹായിക്കുന്നതാണെന്ന് ഷഹ്നാസ് ഹുസൈന്‍ പറയുന്നു. ഇതില്‍ ഒന്നാണ് ഗ്രീന്‍ ടീ. അരകപ്പ് വെള്ളം തിളപ്പിയ്ക്കാം. ഒരു ബൗളില്‍ 2 ടീസ്പൂണ്‍ ഗ്രീന്‍ ടീ ഇലകള്‍ ഇട്ട് ഇതിലേയ്ക്ക് ഈ വെള്ളം ഒഴിയാക്കാം. ഇത് 2 മിനിറ്റ് അടച്ച് വയ്ക്കാം. പിന്നീട് ഇത് ഊറ്റിയെടുത്ത് മുഖത്ത് പുരട്ടാം.
എള്ള്
എള്ള് നല്ലൊരു വഴിയാണ്. ഇത് മൃതകോശങ്ങള്‍ അകറ്റാന്‍ ഗുണം നല്‍കും. പുതിയ കോശങ്ങളുടെ രൂപീകരണത്തിന് സഹായിക്കുന്നു. എള്ള് പൊടിയ്ക്കുക. വല്ലാതെ പൊടിയാകരുത്. ഇത് തേനില്‍ കലര്‍ത്താം. ഇതിലേയ്ക്ക് ഉണങ്ങിയ മിന്റ് ഇലകള്‍ ചേര്‍ക്കാം. ഇതല്ലെങ്കില്‍ ബദാം പൊടിച്ചതും തൈരും കലര്‍ത്തിയതും ഉപയോഗിയ്ക്കാം. ഇത് മുഖത്തിട്ട് പതിയെ മസാജ് ചെയ്ത് അല്‍പം കഴിയുമ്പോള്‍ കഴുകാം.
പഴങ്ങള്‍
പഴം, ആപ്പിള്‍, പപ്പായ, തണ്ണിമത്തന്‍ തുടങ്ങിയ പഴങ്ങള്‍ ഒരുമിച്ച് അടിച്ച് മുഖത്ത് മാസ്‌കായി ഇടാം. ഏത് തരം ചര്‍മത്തിനും ഇത് ചേരും. പപ്പായയില്‍ ധാരാളം എന്‍സൈമുകള്‍ ഉണ്ട്. ഇത് ചര്‍മകോശങ്ങളെ ക്ലീന്‍ ചെയ്യും. പഴം ചര്‍മത്തിന് ഇറുക്കം നല്‍കും. ആപ്പിള്‍ വൈറ്റമിന്‍ സമ്പുഷ്ടമാണ്. തണ്ണിമത്തന്‍ മുഖത്തിന് ഈര്‍പ്പം നല്‍കും. ഇത് മുഖത്തിട്ട് അല്‍പം കഴിയുമ്പോള്‍ കഴുകാം.
സരിത പിവി നെ കുറിച്ച്
സരിത പിവി കൺസൾട്ടൻറ് കണ്ടൻറ് റൈറ്റർ
ജേര്‍ണലിസം രംഗത്ത് 17 വര്‍ഷങ്ങളിലേറെ പരിചയ സമ്പത്ത്. പ്രിന്റ് മീഡിയായില്‍ തുടങ്ങി ഡിജിറ്റല്‍ മീഡിയയില്‍ സജീവം. വാര്‍ത്താ, ലൈഫ്‌സ്റ്റൈല്‍ മേഖലകളില്‍ കൂടുതല്‍ പരിചയം. വായനക്കാര്‍ക്ക് താല്‍പര്യമുള്ള മേഖലകള്‍ കണ്ടെത്തി ലളിതമായ രീതിയില്‍ അവതരിപ്പിയ്ക്കാന്‍ വൈദഗ്ധ്യം.വായനയും എഴുത്തും താല്‍പര്യം.സമകാലീന വിഷയങ്ങള്‍ അടിസ്്ഥാനമാക്കി ലേഖനങ്ങള്‍ എഴുതുന്നതില്‍ പ്രത്യേക ശ്രദ്ധ. എഴുത്തിന് പുറമേ വായന, മ്യൂസിക് എന്നിവയോട് കൂടുതല്‍ താല്‍പര്യം.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
