അന്താരാഷ്ട്രതലത്തില്‍ ജലം സംരക്ഷിക്കുന്നതിനും ജലസുസ്ഥിരത ഉറപ്പാക്കുന്നതിനുമുള്ള അറിവുകളും വൈദഗ്ധ്യവും കൈമാറ്റം ചെയ്യാനും സാങ്കേതികവിദ്യ മെച്ചപ്പെടുത്താനും നവീകരണത്തെ പ്രോത്സാഹിപ്പിക്കാനും ഗവേഷണ-വികസന അനുഭവങ്ങള്‍ പങ്കിടാനുമാണ് ഗ്ലോബല്‍ വാട്ടര്‍ ഓര്‍ഗനൈസേഷന്‍ സ്ഥാപിക്കുന്നത്. ജലക്ഷാമം നേരിടുന്ന രാജ്യങ്ങളുമായും ദേശീയ നയപരിപാടികളില്‍ അത്തരം പദ്ധതികള്‍ക്ക് മുന്‍ഗണന നല്‍കുന്ന രാജ്യങ്ങളുമായും സഹകരിക്കാന്‍ സംഘടന ലക്ഷ്യമിടുന്നു.
ജലസ്രോതസ്സുകളുടെ സംരക്ഷണം ഉറപ്പാക്കുകയും എല്ലാവര്‍ക്കുമായി അവയുടെ പ്രയോജനം ലഭ്യമാക്കുകയും ചെയ്യുന്ന പദ്ധതികള്‍ ആവിഷ്‌കരിക്കുകയും ധനസഹായം നല്‍കി പ്രോത്സാഹിപ്പിക്കുകയും ചെയ്യുക എന്നതും ലക്ഷ്യമാണ്. ജലവിതരണവുമായി ബന്ധപ്പെട്ട ആഗോള വെല്ലുവിളികളെ അഭിമുഖീകരിക്കാനുള്ള രാജ്യത്തിന്റെ പ്രതിബദ്ധതയാണ് ഇത് വ്യക്തമാക്കുന്നതെന്നും പാരിസ്ഥിതിക സുസ്ഥിരതയ്ക്കായി പ്രവര്‍ത്തിക്കുകയെന്ന ദേശീയ നയവുമായി പൊരുത്തപ്പെടുന്നതാണ് പുതിയ സംരംഭമെന്നും എസ്പിഎ റിപ്പോര്‍ട്ട് ചെയ്തു.
പ്രാദേശികമായി വികസിപ്പിച്ച നൂതനമായ പരിഹാരങ്ങള്‍ പ്രയോജനപ്പെടുത്തി ജല ഉത്പാദനം, വിതരണം എന്നിവയില്‍ രാജ്യം ശ്രദ്ധേയമായ നേട്ടങ്ങള്‍ കൈവരിച്ചിരുന്നു.
മെമ്പര്‍ഷിപ്പ് കാര്‍ഡ് വിതരണവും ഐക്യദാര്‍ഢ്യ സമ്മേളനവും
റിയാദ്: ഒഐസിസി ആലപ്പുഴ ജില്ല മെമ്പര്‍ഷിപ്പ് കാര്‍ഡ് വിതരണവും ചാണ്ടി ഉമ്മന് ഐക്യദാര്‍ഢ്യ സമ്മേളനവും സംഘടിപ്പിച്ചു. മലസിലെ അല്‍മാസ് ഓഡിറ്റോറിയത്തില്‍ നടന്ന യോഗത്തില്‍ ആലപ്പുഴ ജില്ലാ പ്രസിഡന്റ് സുഗതന്‍ നൂറനാട് അധ്യക്ഷത വഹിച്ചു.
ജനറല്‍ സെക്രട്ടറി നൗഷാദ് കറ്റാനം ആമുഖ പ്രസംഗം നടത്തി. സെന്‍ട്രല്‍ കമ്മിറ്റി വൈസ് പ്രസിഡന്റ് ഷംനാദ് കരുനാഗപ്പള്ളി പുതുപ്പള്ളി ഉപതെരഞ്ഞെടുപ്പില്‍ മത്സരിക്കുന്ന ചാണ്ടി ഉമ്മന് പിന്തുണ പ്രഖ്യാപിച്ചു കൊണ്ടുള്ള ഐക്യദാര്‍ഢ്യ സമ്മേളനം ഉദ്ഘാടനം ചെയ്തു. സെന്‍ട്രല്‍ കമ്മിറ്റി ജനറല്‍ സെക്രട്ടറി അബ്ദുല്ല വല്ലാഞ്ചിറ മെമ്പര്‍ഷിപ്പ് വിതരണം ഉദ്ഘാടനം ചെയ്തു.
കൊല്ലം ജില്ലാ പ്രസിഡന്റ് ബാലുക്കുട്ടന്‍, മലപ്പുറം ജില്ലാ പ്രസിഡന്റ് അമീര്‍ പട്ടണത്ത്, സെന്‍ട്രല്‍ കമ്മിറ്റി ജനറല്‍ സെക്രട്ടറി യഹിയ കൊടുങ്ങല്ലൂര്‍, സലീം അര്‍ത്തിയില്‍, ഷഫീഖ്, കരീം കൊടുവള്ളി, ജോണ്‍സന്‍ മാര്‍ക്കോസ്, ആലപ്പുഴ ഒഐസിസി നേതാക്കളായ ജലീല്‍ ആലപ്പുഴ, അബ്ദുല്‍ വാഹിദ്, ബിജു വെണ്‍മണി, അനീഷ് ഖാന്‍, ഷാജി മുളക്കുഴ, മുജീബ് കായംകുളം, ഷിബു ഉസ്മാന്‍, റഫീഖ് വെട്ടിയാര്‍, ഷിബിന്‍ വെട്ടിയാര്‍, രമണന്‍, കെജി സന്തോഷ്, വിനോദ് സക്കറിയ എന്നിവര്‍ ആശംസകള്‍ അര്‍പ്പിച്ചു സംസാരിച്ചു. ജനറല്‍ സെക്രട്ടറി ശരത് സ്വാമിനാഥന്‍ സ്വാഗതവും വൈസ് പ്രസിഡന്റ് ഹാഷിം ചിയാവെളിയില്‍ നന്ദിയും പറഞ്ഞു.
