ഏത് വിട്ടുമാറാത്ത ചുമയും മാറും ഈ പനികൂർക്ക കൂട്ട് കുടിച്ചാൽ

പനികൂർക്ക

വീട്ടു മുറ്റത്തെ മികച്ച ഔഷധമാണ് പനികൂർക്ക. ചെറിയ കുട്ടികൾ മുതൽ മുതിർന്നവർക്ക് വരെ വളരെ പ്രയോജന പ്രദമാണ് പനികൂർക്ക. പനി. ചുമ, ശ്വാസകോശ പ്രശ്നങ്ങൾ എന്നിവയെല്ലാം അകറ്റാൻ ഏറെ നല്ലതാണ് പനികൂർക്ക. മിക്ക വീടുകളിലും പനികൂർക്കയുടെ ഇലയിട്ട വെള്ളം തിളപ്പിച്ച ്ആവി പിടിക്കാറുണ്ട്. ഇത് പല രോഗങ്ങൾക്കുമുള്ള മികച്ചൊരു പരിഹാര മാർഗമാണ്.

സാധാരണയായി ഉണ്ടാകുന്ന ചുമയും കഫക്കെട്ടും കുറയാൻ വീട്ടുവൈദ്യം

​

​

മഞ്ഞൾ

അടുക്കളയിലെ രാജ്ഞിയാണ് മഞ്ഞളെന്ന് തന്നെ പറയാം. ചർമ്മ സൌന്ദര്യത്തിനും അതുപോലെ രോഗങ്ങൾക്കും ഏറെ പേരു കേട്ടതാണ് മഞ്ഞളിൻ്റെ ഗുണങ്ങൾ. വിവിധ ശ്വാസകോശ സംബന്ധമായ അസുഖങ്ങൾക്ക് മഞ്ഞൾ ഉപയോഗിക്കാവുന്നതാണ്. ഇതിലെ കുർക്കുമിൻ എന്ന ഘടകമാണ് രോഗങ്ങൾ ഭേദമാക്കാൻ ഏറെ നല്ലതാണ്. മഞ്ഞൾ വെള്ളത്തിലിട്ട് തിളപ്പിച്ച് കുടിക്കുന്നത് പല തരത്തിലുള്ള രോഗങ്ങൾക്കും പരിഹാരം നൽകും.

തേൻ

വ്യത്യസ്തമായ ഔഷധ ഗുണങ്ങളുള്ളതാണ് തേൻ. ചർമ്മത്തിനും പല രോഗങ്ങൾക്കും തേൻ ഉപയോഗിക്കാവുന്നതാണ് തേൻ. ചുമയ്ക്കും ജലദോഷത്തിനും പ്രകൃതിദത്തമായ പരിഹാരമാണ് തേൻ. ജലദോഷത്തിന് കാരണമാകുന്ന ബാക്ടീരിയകളുടെയും വൈറസകളുടെയും വളർച്ച തടയാൻ ഏറെ നല്ലതാണ് തേൻ. തേനിൽ മഞ്ഞൾ ചേർത്ത് കഴിക്കുന്നതും നല്ലതാണ്.

മരുന്ന് തയാറാക്കാൻ

നാലോ അഞ്ചോ പനികൂർക്ക ചെടിയിൽ നിന്ന് പറിച്ചെടുക്കുക. ഇനി ഇത് ആവി കയറ്റിയ ശേഷം ഒരു നുള്ള കല്ല് ഉപ്പും ചേർത്ത് ഇടിച്ച് പിഴിഞ്ഞ് ചാർ എടുക്കുക. ഈ ചാറിലേക്ക് ഒരു നുള്ള് മഞ്ഞൾ പൊടിയും അൽപ്പം തേനും ചേർത്ത് യോജിപ്പിക്കുക. ആവശ്യമെങ്കിൽ ഇതിലേക്ക് ഒരു നുള്ള് കുരുമുളക് പൊടിയും ചേർത്ത് കുടിക്കാവുന്നതാണ്. രാവിലെയും വൈകിട്ടും ഇത് കുടിക്കുന്നത് ചുമ എളുപ്പത്തിൽ മാറ്റാൻ സഹായിക്കും.