കെമിക്കലുകൾ വേണ്ട സിമ്പിളായി മുഖത്തെ രോമവും ബ്ലാക്ക് ഹെഡ്സും കളയാം

മുഖത്തെ രോമം

മിക്ക സ്ത്രീകളെയും പെൺകുട്ടികളെയും അലട്ടുന്ന പ്രധാന പ്രശ്നമാണ് മുഖത്തെ രോമവളർച്ച. പൊതുവെ ബ്യൂട്ടി പാർലറിൽ പോയി ബ്ലീച്ച് ചെയ്താണ് പലരും ഇത് കളയാന്നത്. ചിലർ ത്രെഡിങ്ങും പ്ലക്കിങ്ങുമൊക്കെ പരീക്ഷിക്കാറുണ്ട്. എന്നാൽ കെമിക്കലുകൾ ഉപയോഗിക്കാതെ സിമ്പിളായി ഇത് മാറ്റാൻ വീട്ടിൽ തന്നെ പരിഹാര മാർഗങ്ങളുണ്ട്. മുക്കിലും ചുണ്ടിലുമൊക്കെയാണ് പൊതുവെ ഇത്തരം രോമങ്ങൾ അമിതമായി കണ്ടുവരുന്നത്. വെറും രണ്ട് ചേരുവകൾ കൊണ്ട് സിമ്പിളായി വീട്ടിൽ ചെയ്യാൻ കഴിയുന്ന ഒരു പരിഹാര മാർഗമാണിത്.

​ഭംഗിയുള്ള ചർമ്മം നേടാൻ ഒരു നാച്വറൽ ബോഡി സ്‌ക്രബ്

​

​

തേൻ

ചർമ്മ പ്രശ്നങ്ങൾക്കുള്ള പരിഹാരം തേനിൽ അടങ്ങിയിട്ടുണ്ട്. ധാരാളം ഔഷധ ഗുണങ്ങളാൽ സമ്പുഷ്ടമാണ് തേൻ. ആരോഗ്യത്തിനും ചർമ്മത്തിനും ഒരു പോലെ ഉത്തമം എന്ന് തന്നെ പറയാം. തേനിലുള്ള ആൻ്റി ബാക്ടീരിയിൽ ഗുണങ്ങൾ ധാരാളം അടങ്ങിയിട്ടുണ്ട്. ചർമ്മത്തിന് തിളക്കവും അതുപോലെ മൃദുത്വവും നൽകാൻ തേൻ ഏറെ നല്ലതാണെന്ന് തന്നെ പറയാം. ഇതിലുള്ള വൈറ്റമിനുകളും ധാതുക്കളുമൊക്കെ ചർമ്മത്തെ ആരോഗ്യത്തോടെ തുടരാൻ സഹായിക്കുന്നതാണ്.

മുട്ടയുടെ വെള്ള

മുട്ടയുടെ വെള്ള കഴിക്കുന്നത് മികച്ച പ്രോട്ടീനാണെന്ന് എല്ലാവർക്കുമറിയാം. അതുപോലെ മുട്ടയുടെ വെള്ള ചർമ്മത്തിൻ്റെ ഉറ്റ സുഹൃത്താണ്. ചർമ്മത്തിൻ്റെ ആരോഗ്യത്തിനും വാർദ്ധക്യ സഹജമായ ലക്ഷണങ്ങൾ മാറ്റാനും ഏറെ നല്ലതാണ് മുട്ടയുടെ വെള്ള. നല്ല ആഴത്തിൽ ചർമ്മത്തെ ക്ലീൻ ചെയ്യാൻ ഏറെ നല്ലതാണ് മുട്ടയുടെ വെള്ള. ബ്ലാക്ക്ഹെഡ്സ് മാറ്റാനും അതുപോലെ അമിതമായ എണ്ണമയം കളയാനും മുട്ടുയടെ വെള്ള ഏറെ നല്ലതാണ്.

മാസ്ക് തയാറാക്കാൻ

1 മുട്ടയുടെ വെള്ളയിലേക്ക് 1 ടീ സ്പൂൺ തേൻ ചേർത്താണ് ഈ മാസ്ക് തയാറാക്കുന്നത്. ഈ രണ്ട് ചേരുവകളും നന്നായി യോജിപ്പിച്ച് എടുക്കാൻ ശ്രമിക്കുക. ഇനി ഇത് ഒരു ബ്രഷ് ഉപയോഗിച്ച് മുഖത്ത് തേച്ച് പിടിപ്പിക്കുക. അതിന് ശേഷം ഉണങ്ങി കഴിയുമ്പോൾ പതുക്കെ മാസ്ക് പോലെ ഇത് മുഖത്ത് നിന്ന് വലിച്ച് എടുക്കാവുന്നതാണ്. ചർമ്മത്തിലെ ബ്ലാക്ക് ഹെഡ്സും അതുപോലെ രോമവുമൊക്കെ സിമ്പിളായി ഇതിനൊപ്പം ഇളകി വരും. വലിച്ച് എടുക്കുമ്പോൾ അൽപ്പം വേദനയുണ്ടാകും അതുകൊണ്ട് തന്നെ പ്രത്യേകം ശ്രദ്ധിക്കണം.