Also Read : വീണ്ടും കിംവദന്തി; എന്നാൽ, ആ‍ർക്കാണ് ‘ഭാരത്’ എന്ന പേരിനോട് ഇത്ര അലർജി: കേന്ദ്രമന്ത്രി
തമിഴ്നാട് മുഖ്യമന്ത്രിയുടെ മകനും ഡിഎംകെ മന്ത്രിയുമായ ഉദയനിധി സ്റ്റാലിന്റെ സനാതന ധർമത്തെ ഉന്മൂലനം ചെയ്യണമെന്ന വിവാദ പരാമർശത്തിൽ തക്കതായ മറുപടി നൽകണമെന്നാണ് മന്ത്രിമാർക്ക് പ്രധാനമന്ത്രി നരേന്ദ്രമോദിയുടെ നിർദ്ദേശം. ന്യൂഡൽഹിയിൽ നടക്കുന്ന ജി20 ഉച്ചകോടിക്ക് മുന്നോടിയായുള്ള മന്ത്രിസഭാ യോഗത്തിൽ സംസാരിക്കവെ പ്രധാനമന്ത്രിയുടെ നിർദ്ദേശം.
Cat Missing: കാണാതായ പൂച്ചയെ കണ്ടെത്താനുള്ള ഒരുക്കത്തിലാണ് എറണാകുളം സ്വദേശിനിയായ വീട്ടമ്മ
ചരിത്രത്തിലേക്ക് പോകരുത്, പക്ഷേ ഭരണഘടനയനുസരിച്ച് വസ്തുതകളിൽ ഉറച്ചുനിൽക്കുക. കൂടാതെ, പ്രശ്നത്തിന്റെ സമകാലിക സാഹചര്യത്തെക്കുറിച്ചും സംസാരിക്കുക എന്നായിരുന്നു പ്രധാനമന്ത്രിയുടെ നിർദ്ദേശം. ഇന്ത്യയുടെ പുനർനാമം സംബന്ധിച്ച് പരസ്യമായി പ്രതികരിക്കരുതെന്നും അതിനായി നിർദ്ദേശം നൽകിയിരിക്കുന്ന മന്ത്രിമാർ മാത്രമേ ഇക്കാര്യത്തിൽ പ്രതികരിക്കാവൂ എന്നും അദ്ദേഹം കൂട്ടിച്ചേർത്തു.
സനാതന ധർമം ഉന്മൂലനം ചെയ്യപ്പെടണമെന്ന ഉദയനിധിയുടെ പ്രസ്താവനയ്ക്കെതിരെ ബിജെപി കഴിഞ്ഞ ദിവസങ്ങളിൽ വിമർശനവുമായി രംഗത്തുവന്നിരുന്നു. എന്നാൽ, നിലപാട് തിരിത്തില്ലെന്നും പ്രസ്താവനയിൽ മാപ്പ് പറയില്ലെന്നും വ്യക്തമാക്കി ഉദയനിധി തന്നെ രംഗത്തുവന്നിരുന്നു.
ഹിന്ദു മതത്തിന് എതിരായല്ല തന്റെ പ്രസ്താവന എന്നും സമാതന ധർമത്തിലെ ജാതിവിവേചനത്തിനെതിരെയാണ് തൻ്റെ പ്രസംഗമെന്നും അദ്ദേഹം ന്യായീകരിച്ചിരുന്നു. ഇതിന് പിന്നാലെ മോദിയുടെ പ്രതികരണം ഉണ്ടായിരിക്കുന്നത്.
Also Read : ‘പ്രചരിക്കുന്നത് 100 ശതമാനവും തെറ്റ്’; ദിവ്യ സ്പന്ദനയുടെ മരണവാർത്ത തള്ളി കോൺഗ്രസും
സനാതന ധർമ്മം പിന്തുടരുന്ന 80 ശതമാനത്തോളം വരുന്ന ജനങ്ങളെ വംശഹത്യ ചെയ്യുന്നതിനുള്ള ആഹ്വാനമാണ് ഉദയനിധിയുടെ ഈ പരാമർശമെന്ന് ഐടി വകുപ്പ് മേധാവി അമിത് മാളവ്യ പറഞ്ഞു. മതവികാരം വൃണപ്പെട്ടുവെന്ന് കാണിച്ച് ഉദയനിധിക്കെതിരെ ലഭിച്ച പരാതിയിൽ കേസെടുക്കുകയും ചെയ്തു. ഏത് തരത്തിലുള്ള നിയമനടപടികളും നേരിടാൻ താൻ ഒരുക്കമാണെന്ന് ഉദയനിധി ആവർത്തിച്ചിരുന്നു.
Read Latest National News and Malayalam News
