Also Read : ന്യൂനമർദ്ദം: സംസ്ഥാനത്ത് ശക്തമായ മഴ തുടരും; കേരള തീരത്ത് മത്സ്യബന്ധനത്തിനും വിലക്ക്
ഇതിന് പിന്നാലെ തന്നെ ദിവ്യ സ്പന്ദന എന്ന ഹാഷ് ടാഗ് എക്സിൽ ട്രെൻഡിങ്ങ് ആകുകയും ചെയ്തിരുന്നു. ചില ഓൺലൈൻ മാധ്യമങ്ങളും ഇത് സംബന്ധിച്ച് വാർത്തകൾ നൽകിയിരുന്നു.
Leopard in Sulthan Batheri: സുൽത്താൻ ബത്തേരിയിലിറങ്ങിയ കടുവയെ പിടികൂട്ടിയെങ്കിലും ഭീതി മാറാതെ പ്രദേശവാസികൾ
എന്നാൽ, വൈകാതെ തന്നെ ഇതിന് വിശദീകരണവുമായി തമിഴ്നാട് കോൺഗ്രസ് രംഗത്തുവരികയായിരുന്നു. ചില ടെലിവിഷൻ ചാനലുകളിലും മറ്റുമായി വന്ന വാർത്ത 100 ശതമാനം തെറ്റാണെന്നും ദിവ്യ സുഖമായിരിക്കുന്നുവെന്നും വ്യക്തമാക്കി തമിഴ്നാട് കോൺഗ്രസ് ഘടകം വ്യക്തമാക്കി.
ദിവ്യ മരിച്ചിട്ടില്ലെന്നും നടിയുമായി സംസാരിച്ചതായും സ്ഥിരീകരിച്ച് മാധ്യമപ്രവർത്തക ധന്യ രേജാന്ദ്രനും രംഗത്തുവന്നു. കോൺഗ്രസ് നേതാവ് ജീവിച്ചിരിപ്പുണ്ടെന്നും ജനീവയിൽ പര്യടനത്തിലാണെന്നും റിപ്പോർട്ടിൽ പറയുന്നു. ഔദ്യോഗിക എക്സ് പ്ലാറ്റ്ഫോമിലൂടെയാണ് ഇക്കാര്യം വ്യക്തമാക്കിയത്.
ദിവ്യ സ്പന്ദനയുമായി സംസാരിച്ചതേയുള്ളു. അവർ ഇപ്പോൾ ജനീവയിലാണുള്ളത്. കോളുകൾ വരുന്നതുവരെ സമാധാനത്തോടെ ഉറങ്ങുകയായിരുന്നു. ഇത് ട്വീറ്റ് ചെയ്ത നിരുത്തരവാദപരമായ വ്യക്തി ആരായാലും വാർത്ത ഫ്ലാഷായി പുറത്തു വിട്ട വാർത്താ സംഘടനകളും ലജ്ജിക്കട്ടെ. #DivyaSpandana, എന്നായിരുന്നു ധന്യ രാജേന്ദ്രന്റെ എക്‌സിലെ ഒരു പോസ്റ്റ്.
ഇത് ശരിക്കും വിചിത്രമായ സംഭാഷണമായിരുന്നു, ദിവ്യസ്പന്ദനയെ വിളിച്ചുകൊണ്ടേ ഇരുന്നു. ആദ്യം അവർ ഫോൺകോളുകൾ എടുത്തിരുന്നില്ല. സ്വാഭാവികമായും ഞാ‍ൻ പരിഭ്രാന്തിയിലായി. ഒടുവിൽ അവർ ഫോൺ കോൾ എടുത്തു. നിങ്ങൾ ജീവിച്ചിരിക്കുന്നുവെന്ന് അറിഞ്ഞതിൽ സന്തോഷവതിയാണെന്ന് പറയേണ്ടിവന്നു. ആരാണ് ഇങ്ങനെ പറയുന്നതെന്നും ചോദിച്ചതായും ട്വീറ്റിൽ പറയുന്നു.
സ്പന്ദന ജനീവയിൽ “സമാധാനത്തോടെ ഉറങ്ങുകയായിരുന്നു”, കിംവദന്തിയെക്കുറിച്ച് അറിയില്ലായിരുന്നുവെന്ന് അവരുടെ പോസ്റ്റിൽ പറയുന്നു.
Also Read : ‘പലരെയും സനാതനികൾ കൊന്ന് കുഴിച്ച് മൂടിയിട്ടുണ്ട്’; ഉദയനിധി പറഞ്ഞതിൽ എന്താണ് തെറ്റെന്ന് പി ജയരാജൻ
വ്യാജമരണത്തേക്കുറിച്ചുള്ള പ്രചരണങ്ങൾ എവിടെ നിന്നും തുടങ്ങിയതെന്ന് വ്യക്തമല്ല. കഴിഞ്ഞ മാസം ബാങ്കോക്കിൽ പ്രമുഖ കന്നഡ നടനും സംവിധായകനുമായ വിജയ് രാഘവേന്ദ്രയുടെ ഭാര്യ സ്പന്ദന മരിച്ചിരുന്നു. ഇരുവരുടേയും പേരിലുള്ള സമാനതയാകാം ആശയക്കുഴപ്പങ്ങൾക്ക് കാരണമെന്നും റിപ്പോർട്ടുകൾ ഉണ്ട്.
Read Latest National News and Malayalam News
