Sumayya P | Samayam Malayalam | Updated: 02 Jun 2021, 05:35:21 PM
നിലവില്‍ 60 വയസ്സിന് മുകളില്‍ പ്രായമുള്ളവര്‍, കിഡ്നി രോഗികള്‍, ഡയാലിസിസ് ചെയ്യുന്നവര്‍, ശ്വാസകോശ സംബന്ധമായ പ്രശ്നങ്ങളുള്ളവര്‍, ആസ്ത്മ രോഗമുള്ളവര്‍ തുടങ്ങിയവര്‍ക്കും മുന്‍നിര ആരോഗ്യ പ്രവര്‍ത്തകര്‍ക്കുമാണ് ഒമാനില്‍ വാക്സിന് നല്‍കുന്നത്.
മസ്‌ക്കറ്റ്: ഒമാനില്‍ 45വയസ്സ് കഴിഞ്ഞവര്‍ക്കുള്ള വാക്സിന് വിതരണം ജൂണ്‍ മൂന്നാം വാരം ആരംഭിക്കുമെന്ന് ആരോഗ്യമന്ത്രാലയം അറിയിച്ചു. ഇതിനകം ആരംഭിച്ച മെഗാ വാക്സിന് ക്യാംപയിന്റെ ഭാഗമായാണ് 45 വയസ്സിന് മുകളിലുള്ളവര്‍ക്കും കൂടി വാക്സിന് നല്‍കുന്നതെന്ന് പകര്‍ച്ച വ്യാധി പ്രതിരോധ വിഭാഗം ഡയരക്ടര്‍ ബദര്‍ ബിന്‍ സെയ്‌റ് അല്‍ റുവാഹി അറിയിച്ചു. ജൂണ്‍ മാസത്തോടെ 12.5 ലക്ഷം ഡോസ് വാക്സിന് ഒമാനില്‍ എത്തിക്കാനാണ് സര്‍ക്കാര്‍ പദ്ധതി ആവിഷ്‌ക്കരിച്ചിരിക്കുന്നത്. ഓരോ ആഴ്ചയിലും രണ്ട് ലക്ഷം വീതം വാക്സിന് എത്തിക്കാനാണ് പദ്ധതി. ആദ്യ 2.05 ലക്ഷം ഡോസുകളുമായി ആദ്യ ബാച്ച് കഴിഞ്ഞ ശനിയാഴ്ച എത്തിക്കഴിഞ്ഞു. രണ്ട് ലക്ഷം ഡോസുകളുമായി രണ്ടാം ബാച്ച് ജൂണ്‍ അഞ്ചിന് എത്തിച്ചേരും.
മെഗാ വാക്സിന് ക്യാംപയിന് തുടക്കം
ഒമാനില്‍ മെയ് 25ന് തുടക്കം കുറിച്ച മെഗാ വ്കാസിന്‍ ക്യാംപയിന്റെ ഭാഗമായി 32,000 പ്ലസ്ടു വിദ്യാര്‍ഥികള്‍ക്ക് ഇതിനകം വാക്സിന് നല്‍കിക്കഴിഞ്ഞു. ജനറല്‍ എഡ്യുക്കേഷന്‍ ഡിപ്ലോമ പരീക്ഷയ്‌ക്കൊരുങ്ങുന്ന വിദ്യാര്‍ഥികള്‍ക്കാണ് മെഗാ ക്യാംപയിന്റെ ആദ്യഘട്ടത്തില്‍ വാക്സിന് നല്‍കുന്നത്. ജൂണ്‍ അവസാനത്തില്‍ ആരംഭിക്കുന്ന പരീക്ഷക്ക് മുമ്പായി 70,000ത്തിലേറെ വിദ്യാര്‍ത്ഥികള്‍ക്ക് വാക്സിന് നല്‍കാനാണ് തീരുമാനിച്ചിരിക്കുന്നത്. ഇവരില്‍ പകുതിയോളം പേര്‍ ഇതിനകം വാക്സിന് സ്വീകരിച്ചു. ബാക്കിയുള്ളവര്‍ വരുന്ന ഏതാനും ദിവസങ്ങള്‍ക്കുള്ളില്‍ കുത്തിവയ്‌പ്പെടുക്കും. എല്ലാ ഗവര്‍ണറേറ്റുകളിലും വിദ്യാഭ്യാസ-ആരോഗ്യ മന്ത്രാലയങ്ങള്‍ സഹകരിച്ചാണ് കുത്തിവെപ്പ് നടത്തുന്നത്.
വാക്സിന് നല്‍കുക മുന്‍ഗണനാ ക്രമത്തില്‍
തുടര്‍ന്ന് സര്‍ക്കാര്‍ സ്ഥാപനങ്ങളിലെ ജീവനക്കാരും സുരക്ഷാ-സൈനിക വിഭാഗങ്ങളിലെ അംഗങ്ങള്‍ക്കും 45 വയസ്സിന് മുകളിലുള്ളവര്‍ക്കും മുന്‍ഗണനാ ക്രമത്തില്‍ വാക്സിന് നല്‍കും. നേരത്തേ വാക്സിന് എടുക്കാത്ത സ്വകാര്യ മേഖലയിലെ ആരോഗ്യ പ്രവര്‍ത്തകര്‍ക്കും ആദ്യ ഘട്ടത്തില്‍ വാക്സിന് നല്‍കും. സര്‍ക്കാര്‍ ജീവനക്കാര്‍ക്കും സൈനികര്‍ക്കുമുള്ള വാക്സിന് വിതരണം അടുത്ത ആഴ്ചയോടെ തുടങ്ങും. ജൂണ്‍ മൂന്നാം വാരം മുതല്‍ 45 വയസ്സിന് മുകളിലുള്ളവര്‍ക്ക് വിതരണം ചെയ്യും. അതോടൊപ്പം നേരത്തേ ആദ്യ ഡോസ് എടുത്തവര്‍ക്കുള്ള രണ്ടാം ഡോസും നല്‍കിത്തുടങ്ങും. ആദ്യ ഡോസ് എടുത്ത് 10 ആഴ്ച പിന്നിട്ടവര്‍ക്കാണ് രണ്ടാം ഡോസ് നല്‍കുകയെന്നും ബദര്‍ ബിന്‍ സെയ്‌റ് അല്‍ റുവാഹി അറിയിച്ചു. അടുത്ത മാസത്തോടെ വിദ്യാഭ്യാസ മന്ത്രാലയത്തിലെ ജീവനക്കാര്‍ക്കും വാക്സിന് നല്‍കും.
ഊഹാപോഹങ്ങള്‍ വിശ്വസിക്കരുത്
നിലവില്‍ 60 വയസ്സിന് മുകളില്‍ പ്രായമുള്ളവര്‍, കിഡ്നി രോഗികള്‍, ഡയാലിസിസ് ചെയ്യുന്നവര്‍, ശ്വാസകോശ സംബന്ധമായ പ്രശ്നങ്ങളുള്ളവര്‍, ആസ്ത്മ രോഗമുള്ളവര്‍ തുടങ്ങിയവര്‍ക്കും മുന്‍നിര ആരോഗ്യ പ്രവര്‍ത്തകര്‍ക്കുമാണ് ഒമാനില്‍ വാക്സിന് നല്‍കുന്നത്. അതേസമയം, വാക്‌സിനുമായി ബന്ധപ്പെട്ട് പ്രചരിക്കുന്ന ഊഹാപോഹങ്ങള്‍ ആരും വിശ്വസിക്കരുതെന്നും ശാസ്ത്രീയമായ പരീക്ഷണങ്ങളുടെ അടിസ്ഥാനത്തിലാണ് വാക്സിന് വിതരണം ചെയ്യുന്നതെന്നും അദ്ദേഹം അറിയിച്ചു. മെഗാ ക്യാംപയിനിന്റെ ഭാഗമായി രാജ്യത്തെ 12 വയസ്സിന് മുകളിലുള്ള ജനസംഖ്യയുടെ 70 ശതമാനം ആളുകള്‍ക്കും വാക്സിന് നല്‍കാനാണ് പദ്ധതിയിട്ടിരിക്കുന്നത്. വാക്‌സിന്റെ ലഭ്യത അനുസരിച്ചായിരിക്കും തുടര്‍നടപടികള്‍ സ്വീകരിക്കുകയെന്നും അദ്ദേഹം അറിയിച്ചു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : all govt employees to be vaccinated this month extended to those above 45 years oman
Malayalam News from malayalam.samayam.com, TIL Network
