‘ഖത്തര്‍ പരുന്തിന്റെ കണ്ണിലൂടെ’. മനോഹര വീഡിയോ പുറത്തിറക്കി ടൂറിസം വകുപ്പ്

പരുന്ത് അനായാസമായി ആകാശത്തിലൂടെ സഞ്ചരിക്കുമ്പോള്‍, ഖത്തറിന്റെ അതിമനോഹരമായ ഭൂപ്രകൃതിയിലൂടെ കാഴ്ചക്കാരെ കൊണ്ടുപോകുന്നു. അറേബ്യന്‍ മരുഭൂമിയിലെ മോഹിപ്പിക്കുന്ന മണ്‍കൂനകള്‍ മുതല്‍ ദോഹയിലെ തിളങ്ങുന്ന അംബരചുംബികള്‍ വരെ ഇതില്‍ കാണാം. 5,000 വര്‍ഷത്തിലേറെയായി മരുഭൂമിയില്‍ കാണപ്പെടുന്ന ഫാല്‍ക്കണുകള്‍ ഖത്തറിന്റെ ദേശീയ പക്ഷിയായി ആഘോഷിക്കപ്പെടുന്നു. രാജ്യത്തിന്റെ പൈതൃകത്തിന്റെ കൂടി പ്രതീകമാണിവ. ഫാല്‍ക്കണുകള്‍ക്ക് 3,000 അടി (ഏകദേശം 914 മീറ്റര്‍) വരെ ഉയരത്തില്‍ പറക്കാനും ഒറ്റ ദിവസം കൊണ്ട് 300 കിലോമീറ്ററിലധികം ദൂരം സഞ്ചരിക്കാനും കഴിയും. ഖത്തര്‍ ടൂറിസത്തിന്റെ വിസിറ്റ് ഖത്തര്‍ എന്ന പേരിലുള്ള യൂട്യൂബ് ചാനലില്‍ വീഡിയോ കാണാം.

യുഎഇയില്‍ ഒരു വര്‍ഷം ജോലിചെയ്താല്‍ വിരമിക്കല്‍ ആനുകൂല്യം; മന്ത്രാലയത്തിന്റെ മേല്‍നോട്ടത്തില്‍ പുതിയ നിക്ഷേപ പദ്ധതി
ടൂറിസം മേഖല ശക്തിപ്പെടുത്താന്‍ ഖത്തര്‍ പദ്ധതികള്‍ ആവിഷ്‌കരിച്ച് നടപ്പാക്കിവരികയാണ്. ഈ വര്‍ഷം സന്ദര്‍ശിച്ചത് 25.6 ലക്ഷം ലോകസഞ്ചാരികളാണ്. 2023ലെ ജനുവരി മുതല്‍ ഓഗസ്റ്റ് 25 വരെയുള്ള ആദ്യ എട്ട് മാസങ്ങളിലെ കണക്കാണിത്. ഈ വര്‍ഷം ഖത്തറിലെത്തിയ ടൂറിസ്റ്റുകളില്‍ രണ്ടാംസ്ഥാനത്ത് ഇന്ത്യക്കാരാണ്. ഏറ്റവും കൂടുതല്‍ സന്ദര്‍ശകര്‍ സൗദിയില്‍ നിന്നാണ്. ജര്‍മനി, അമേരിക്ക എന്നീ രാജ്യങ്ങളില്‍ നിന്നാണ് തുടര്‍ന്ന് ഏറ്റവും കൂടുതല്‍ സന്ദര്‍ശകരെ ലഭിച്ചത്. കുവൈറ്റ്, ഒമാന്‍, ബഹ്‌റൈന്‍, യുകെ, യുഎഇ, പാകിസ്ഥാന്‍ എന്നിവയാണ് മൂന്നു മുതല്‍ 10 വരെയുള്ള സ്ഥാനങ്ങളിലുള്ളത്.

യുഎഇയിലെത്തുന്ന ഇന്ത്യക്കാര്‍ക്ക് 14 ദിവസത്തെ വിസ എങ്ങനെ ലഭിക്കും? വിസ കാലാവധി നീട്ടാനുള്ള മാര്‍ഗങ്ങളും ഫീസ് ഘടനയും അറിയാം
2022 ലെ മൊത്തം സന്ദര്‍ശകരുടെ എണ്ണത്തേക്കാള്‍ കൂടുതലാണ് കഴിഞ്ഞ എട്ട് മാസത്തിനിടെ ലഭിച്ചത്. കഴിഞ്ഞ വര്‍ഷം ഇതേ കാലയളവിനെ അപേക്ഷിച്ച് 157 ശതമാനം വര്‍ധനവാണിത്. സന്ദര്‍ശകരുടെ എണ്ണത്തിലെ ഈ ഗണ്യമായ വളര്‍ച്ച, ലോകത്തിലെ പ്രമുഖ വിനോദസഞ്ചാര കേന്ദ്രമെന്ന നിലയില്‍ രാജ്യത്തിന്റെ ഉയര്‍ച്ചയെ പ്രതിഫലിപ്പിക്കുന്നു. കഴിഞ്ഞ 10 വര്‍ഷത്തിനിടെ ഏറ്റവും കൂടുതല്‍ സന്ദര്‍ശകരെത്തിയത് ഇക്കഴിഞ്ഞ മെയ്, ജൂണ്‍ മാസങ്ങളിലാണ്. 5.67 ലക്ഷം പേരെ രണ്ടു മാസത്തിനിടെ സ്വീകരിച്ചതായി ടൂറിസം വകുപ്പ് കണക്കുകള്‍ വ്യക്തമാക്കുന്നു. 2023ന്റെ ആദ്യ പകുതിയിലും ഖത്തര്‍ സന്ദര്‍ശിച്ചവരില്‍ രണ്ടാംസ്ഥാനത്ത് ഇന്ത്യക്കാരായിരുന്നു.