എമിറേറ്റ്സ് ഐഡി പുതുക്കാത്തതിന് പിഴയിൽനിന്ന് മൂന്ന് വിഭാഗക്കാരെ ഒഴിവാക്കി; പിഴ ഒഴിവാക്കാനായി എങ്ങനെ അപേക്ഷിക്കാം

Also Read: പ്രവാസികൾ കൂടുതലായി നാട്ടിലേക്ക്; ബഹ്‌റൈനില്‍ ഫ്ലാറ്റുകള്‍ക്കും അപ്പാര്‍ട്ട്‌മെന്റുകള്‍ക്കും വാടക നിരക്ക് കുറഞ്ഞു

പെയ്ഡ് പാർക്കിങ് സ്ലോട്ടുകളിലെ പരിശോധന ; പുതിയ സംവിധാനം നിലവിൽ വരുന്നു

ദുബായ്: പെയ്ഡ് പാർക്കിങ് സ്ലോട്ടുകളിലെ വാഹനങ്ങളെ പരിശോധിക്കുന്നതിന് പുതിയ സംവിധാനവുമായി അധികൃതർ രംഗത്ത്. സ്മാർട്ട് സ്ക്രീനിങ് വാഹനങ്ങൾ ആണ് വരുന്നത്. ഈ വർഷം അവസാനത്തോടെ 9 വാഹനങ്ങൾ 18 ആയി വർധിപ്പിക്കാൻ തീരുമാനിച്ചു. 70ശതമാനം പാർക്കിങ് സ്ലോട്ടുകളും സ്മാർട്ട് വാഹനങ്ങളുടെ കാമറക്കണ്ണുകളിൽ ആയിരിക്കും. ഇതോടെ പാർക്കിങിലെ മുഴുവൻ സ്ഥലങ്ങളും ക്യാമറ നീരീക്ഷണത്തിലാകും.

പാർക്ക് ചെയ്ത വാഹനങ്ങൾ പേമെന്‍റ് നടത്തിയിട്ടുണ്ടോയെന്ന് പരിശോധിക്കാൻ സാധിക്കം. പരീക്ഷണാടിസ്ഥാനത്തിൽ നടപ്പിലാക്കിയ സ്മാർട്ട് സംവിധാനം വിജയകരമായ സാഹചര്യത്തിലാണ് കൂടുതൽ മെഷീനുകൾ ഇത്തരത്തിൽ പുറത്തിറക്കാൻ തീരുമാനിച്ചത്. നിർമിത ബുദ്ധിയും മെഷീൻ ലേണിങ് സാങ്കേതിക വിദ്യയും ഉപയോഗിച്ചുള്ള ഡിജിറ്റൽ കാമറകളാണ് ഇത്തരത്തിലുള്ള വാഹനത്തിൽ പിടിപ്പിച്ചിരിക്കുന്നത്.

എമിറേറ്റിലെ മുഴുവൻ റോഡുകളും 2026ഓടെ ഡിജിറ്റൽ സംവിധാനത്തിന് കീഴിൽ വരും. ഇതിന്റെ ഭാഗമായി ഘട്ടംഘട്ടമായി ഇത് പരീക്ഷിച്ച് നടത്തിവരുകയാണ് ചെയ്യുന്നത്. റോഡ് ഗതാഗത അതോറിറ്റിയാണ് അതുമായി ബന്ധപ്പെട്ട കാര്യങ്ങൾക്ക് നേതൃത്വം നൽകുന്നത്. ദുബായ് കിരീടാവകാശിയും എക്സിക്യൂട്ടിവ് കൗൺസിൽ ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാശിദ് ആൽ മക്തൂം ദുബായ് ആർടിഎയുടെ ഇന്‍റലിജന്‍റ് ട്രാഫിക് സിസ്റ്റംസ് കേന്ദ്രത്തിൽ സന്ദർശനത്തിന് എത്തിയിരുന്നു. സ്മാർട്ട് സേവനങ്ങൾ വിപുലമാക്കുന്നത് ഇവിടെ വെച്ച് ഉദ്യോഗസ്ഥർ അദ്ദേഹത്തിന് വിശദീകരിച്ച് നൽകി.

Read Latest Gulf News and Malayalam News