നി​ർ​മാ​ണ​ത്തി​ലി​രു​ന്ന കെ​ട്ടി​ടം ത​ക​ർ​ന്ന് ഒമാനിൽ​ പ്ര​വാ​സി തൊ​ഴി​ലാ​ളി മ​രിച്ചു

Also Read: പ്രവാസികൾ കൂടുതലായി നാട്ടിലേക്ക്; ബഹ്‌റൈനില്‍ ഫ്ലാറ്റുകള്‍ക്കും അപ്പാര്‍ട്ട്‌മെന്റുകള്‍ക്കും വാടക നിരക്ക് കുറഞ്ഞു
വീണ്ടും ഉയർന്ന് ഒമാനിലെ എണ്ണവില

ഒമാനിലെ എണ്ണവില വീണ്ടും ഉയർന്നു. ബുധനാഴ്ച 90.41 ഡോളറിൽ ആണ് എത്തിയിരിക്കുന്നത്. ചൊവ്വാഴ്ച 89.21 ഡോളറായിരുന്നു. ഇതാണ് ഒരു ദിവസം കൊണ്ട് 1.20 ഡോളർ വർധിച്ചത്. ഈ വർഷത്തെ ഏറ്റവും ഉയർന്ന നിരക്കിലാണ് കഴിഞ്ഞ ദിവസം എത്തിയിരിക്കുന്നത്. കഴിഞ്ഞ വർഷം നവംബർ എട്ടിനാണ് ഇത്തരത്തിൽ വലിയൊരു ഉയർച്ച എണ്ണവിലയിൽ ഉണ്ടായത്. ഈ വർഷം എണ്ണവില കുറഞ്ഞ് 67 ഡോളർ വരെ എത്തിയിരുന്നു. അതിന് മുകളിൽ പോകുന്നത് ഇത് ആദ്യമാണ്.

സൗദി അറേബ്യയും ഒപെക് അംഗരാജ്യങ്ങളും ഉൽപാദനം വെട്ടിക്കുറച്ചതോടെയാണ് വില ഉയരാൻ തുടങ്ങിയത്. സൗദി ദിവസേനയുള്ള ഉൽപാദനം ഒരു ദശലക്ഷം ബാരൽ കുറക്കാൻ മാസങ്ങൾക്കു മുമ്പ് തന്നെ തീരുമാനിച്ചിരുന്നു. സമാനമായ രീതിയിൽ റഷ്യയും എണ്ണ ഉത്പാതനം കുറച്ചിരുന്നു. ഈ വർഷം ഒക്ടോബർ വരെയാണ് വെട്ടിച്ചുരുക്കാൻ തീരുമാനിച്ചിരിക്കുന്നത്. എന്നാൽ സമയ പരിധി ഇനിയും ദീർഘിപ്പിക്കാനാണ് സാധ്യത. തണുപ്പുകാലമാവുന്നതോടെ എണ്ണ ഉപഭോഗം വർധിച്ചതാണ് വില വർധിക്കാൻ പ്രധാന കാരണം.

അമേരിക്ക അടക്കമുള്ള രാജ്യങ്ങളിൽ എണ്ണയുടെ ആവശ്യം വർധിച്ചുവരുകയാണ്. കഴിഞ്ഞമാസം 24 മുതലാണ് എണ്ണവില ദിവസേന ഉയരാൻ തുടങ്ങിയത്. ഇനിയും എണ്ണ വില ഉയരാൻ തന്നെയാണ് സാധ്യതയെന്ന് ഈ രംഗത്തെ വിദഗ്ധർ വിലയിരുത്തുന്നു. വില വർധിക്കുന്നത് ഒമാൻ പോലുള്ള ചെറിയ രാജ്യങ്ങൾക്ക് വലിയ അനുഗ്രഹമാകും. കഴിഞ്ഞ വർഷത്തെ ഒമാൻ ബജറ്റിൽ ഇതുമായി ബന്ധപ്പെട്ട പരാമർശം നടത്തിയിട്ടുണ്ട്. എണ്ണവില ബാരലിന് 50 ഡോളറായി ആണ് വിലയിരുത്തിയിരിക്കുന്നത്. എണ്ണ വില കൂടുന്നത് ഒമാന്റെ സാമ്പത്തിക സ്ഥിതി ഉയർത്തുമെന്നാണ് കണക്കാക്കുന്നത്. രാജ്യത്തിൻരെ വികസനത്തിന് ഇത് വഴിയൊരുക്കും.

Read Latest Gulf News and Malayalam News