ടര്‍മറിക് മില്‍ക് മുഖത്ത് പുരട്ടിയാല്‍….
C-saritha Pv | Samayam Malayalam | Updated: 7 Sep 2023, 11:11 pm
ടര്‍മറിക് മില്‍ക് മുഖത്ത് പുരട്ടിയാല്‍ പല സൗന്ദര്യപരമായ ഗുണങ്ങളും ലഭിയ്ക്കും. ഇതെക്കുറിച്ചറിയൂ.
ചര്‍മത്തിലെ ഈര്‍പ്പം
പാലില്‍ കാല്‍സ്യം അടക്കമുള്ള പല ചേരുവകളും ഗുണങ്ങളായുണ്ട്. ഇത് സ്വാഭാവിക ക്ലെന്‍സര്‍ ഗുണം നല്‍കുന്നു. ചര്‍മത്തിലെ ഈര്‍പ്പം നില നിര്‍ത്താന്‍ സഹായിക്കുന്ന ഒന്നാണ് പാല്‍. ചര്‍മത്തിന് മൃദുത്വവും തിളക്കവും നല്‍കുന്ന ഇത് ചര്‍മത്തിലെ ചുളിവുകളും വരകളുമെല്ലാം മാറാനും സഹായിക്കുന്നു.
മഞ്ഞള്‍
മഞ്ഞള്‍ പണ്ടു കാലം മുതലുള്ള സൗന്ദര്യസംരക്ഷണ വഴിയാണ്. ആന്റിഓക്‌സിഡന്റ് ഗുണങ്ങള്‍ അടങ്ങിയ ഒന്നാണിത്. ചര്‍മത്തിന് നിറം നല്‍കുന്ന മഞ്ഞള്‍ മുഖക്കുരുവിനുള്ള നല്ലൊരു പരിഹാരം കൂടിയാണ്. ചര്‍മത്തിലെ കരുവാളിപ്പ് മാറാനും പിഗ്മെന്റേഷന്‍ അകറ്റാനുമല്ലൊം ഏറെ ഗുണകരമാണ് ഇത്. പല ചര്‍മ പ്രശ്‌നങ്ങള്‍ക്കുമുള്ള സ്വാഭാവിക പരിഹാരമാണ് മഞ്ഞള്‍.
ചര്‍മത്തിന് നിറം
മഞ്ഞളും പാലും ചേര്‍ത്ത ടര്‍മറിക് മില്‍ക് ചര്‍മത്തിന് നിറം വര്‍ദ്ധിപ്പിയ്ക്കാന്‍ സഹായിക്കുന്ന ഒന്നാണ്. പാലും മഞ്ഞളും ഈ ഗുണങ്ങള്‍ നല്‍കുന്നവയാണ്. ഇവ ചേരുമ്പോള്‍ ഗുണം ഇരട്ടിയ്ക്കുന്നു. ഇത് അടുപ്പിച്ച് അല്‍പനാള്‍ പുരട്ടിയാല്‍ കാര്യമായ ഗുണമുണ്ടാകും. സ്വാഭാവിക ഫെയര്‍നസ് മിശ്രിതമായി ഉപയോഗിയ്ക്കാവുന്ന ഒന്നാണ് ടര്‍മറിക് മില്‍ക് എന്നത്.
മുഖക്കുരു
മുഖക്കുരു പോലുള്ള പല പ്രശ്‌നങ്ങള്‍ക്കും പിഗ്മെന്റേഷനുമെല്ലാം പരിഹാരമായി വര്‍ത്തിയ്ക്കാന്‍ സാധിയ്ക്കുന്ന ഒന്നാണിത്. വല്ലാതെ എണ്ണമയമുള്ള ചര്‍മമെങ്കില്‍ പാലിന് പകരം ഹജാം മില്‍ക്കോ സോയാ മില്‍ക്കോ ഉപയോഗിയ്ക്കാം. ഇത് സണ്‍സ്‌പോട്‌സും ഏജ് സ്‌പോട്‌നുമെല്ലാം നീക്കാന്‍ നല്ലതാണ്. ചര്‍മത്തിലെ ചുളിവുകള്‍ നീങ്ങാനും ചര്‍മത്തിന് ഇറുക്കം നല്‍കാനും ടര്‍മറിക് മില്‍ക് ഏറെ നല്ലതാണ്. ഇത് കുടിയ്ക്കുന്നത് ചര്‍മത്തെ ഉള്ളില്‍ നിന്നും നന്നാക്കുന്നു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
