കൊച്ചി> കേരളത്തിലെ നക്ഷത്ര ഹോട്ടലുകള്‍, റിസോര്‍ട്ടുകള്‍, ആശുപത്രികള്‍, ഫസിലിറ്റി മാനേജ്മെന്റ് സ്ഥാപനങ്ങള്‍ തുടങ്ങിയവയില്‍ ജോലി ചെയ്യുന്ന ഹൗസ്‌കീപ്പിംഗ് പ്രൊഫഷനലുകളുടെ സംഘടനയായ കേരള പ്രൊഫഷനല്‍ ഹൗസ്കീപ്പേഴ്സ് അസോസിയേഷന്‍ (കെപിഎച്ച്എ) എട്ടാമത് വാര്‍ഷിക പരിപാടികള്‍ സെപ്തംബര്‍ 12 ചൊവ്വാഴ്ച ഗോകുലം കണ്‍വെന്‍ഷന്‍ സെന്ററില്‍ നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. രാവിലെ 9-30ന് കൊച്ചി മേയര്‍ അഡ്വ. എം. അനില്‍കുമാര്‍ ഉദ്ഘാടനം ചെയ്യും. ഹൈബി ഈഡന്‍ എംപി വിശിഷ്ടാതിഥിയാകും.
സംസ്ഥാനത്തിന്റെ വിവിധ ഭാഗങ്ങളില്‍ നിന്നുള്ള ഇരുന്നൂറോളം ഹൗസ്‌കീപ്പിംഗ് എക്സിക്യുട്ടീവുകള്‍, വിവിധ ഹോട്ടലുകളുടെ മാനേജിംഗ് ഡയറക്ടര്‍മാര്‍, ജനറല്‍ മാനേജര്‍മാര്‍, പര്‍ച്ചേസ് മാനേജര്‍മാര്‍, ആതിഥേയ വ്യവസായ മേഖലയില്‍ പ്രവര്‍ത്തിക്കുന്ന എന്‍ജിനീയേഴ്‌സ് ഫോറത്തില്‍ നിന്നുള്ള എന്‍ജിനീയര്‍മാര്‍ തുടങ്ങിയവര്‍ പങ്കെടുക്കും.
പ്രൊഫഷനല്‍ ഹൗസ്‌കീപ്പര്‍മാരുടെ ദേശീയ സംഘടനയായ പ്രൊഫഷനല്‍ ഹൗസ്കീപ്പേഴ്സ് അസോസിയേഷന്‍ (പിഎച്ച്എ) കേരള ചാപ്റ്ററിനും സംഗമത്തില്‍ തുടക്കമാകും. മാലിന്യസംസ്‌കരണ വിഷയത്തില്‍ പാനല്‍ ഡിസ്‌കഷന്‍ നടക്കും. ഉദ്യോഗക്കയറ്റം നേടിയവരെ ചടങ്ങില്‍ ആദരിക്കും. വിവിധ മത്സരങ്ങളില്‍ വിജയികളായവര്‍ക്കുള്ള സമ്മാനങ്ങളും വിതരണം ചെയ്യും. അംഗങ്ങളുടെ കലാപരിപാടികളും ഉണ്ടാകും.
കെപിഎച്ച്എ സംസ്ഥാന പ്രസിഡന്റ് ബിന്ദു പ്രവീഷ്, സെക്രട്ടറി രൂപേഷ്, ട്രഷറല്‍ ബീനാ സതീഷ്, കമ്മിറ്റി അംഗം കല്യാണി മേനോന്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
