ജിദ്ദയിലേക്ക് പുറപ്പെട്ട ഫ്ലൈനാസ് വിമാനത്തിലെ എൻജിനിൽ തീപ്പൊരി; എമർജൻസി ലാൻഡിങ്

Also Read: യുഎഇയിലെ പ്രമുഖ കമ്പനിയിലേക്ക് വിവിധ തസ്തികകളിലേക്ക് നിയമനം; താമസം, വിസ, എയർ ടിക്കറ്റ് സൗജന്യം
അന്താരാഷ്ട്ര ഖുർആൻ പാരായണ മത്സരത്തിലെ വിജയികളെ പ്രഖ്യാപിച്ചു

43ാമത് കിങ് അബ്ദുൽ അസീസ് അന്താരാഷ്ട്ര ഖുർആൻ പാരായണ, മനഃപാഠ മത്സരത്തിലെ വിജയികളെ പ്രഖ്യാപിച്ചു. സൗദി പൗരനായ അയൂബ് ബിൻ അബ്ദുൽ അസീസ് അൽവുഹൈബിയാണ് ഒന്നാം സ്ഥാനം സ്വന്തമാക്കിയത്. അഞ്ച് ലക്ഷം റിയാലാണ് സമ്മാനം ലഭിച്ചിരിക്കുന്നത്. വിജയികൾക്ക് സമ്മാനം നൽകി ആദരിച്ചു. വിവിധ വിഭാഗങ്ങളിലായി ആകെ 21 പേരാണ് മത്സരത്തിൽ വിജയിച്ചിരിക്കുന്നത്. മക്ക ഹറമിൽ വെച്ചാണ് ചടങ്ങ് നടന്നത്. ചടങ്ങിൽ സൽമാൻ രാജാവിനുവേണ്ടി മക്ക ഡെപ്യൂട്ടി ഗവർണർ അമീർ ബദർ ബിൻ സുൽത്താനാണ് വിജയികളെ പ്രഖ്യാപിച്ചത്. അദ്ദേഹം തന്നെയാണ് സമ്മാനങ്ങളും നൽകിയത്.

വിജയികളുടെ ഖുർആൻ പാരായണം ശ്രവിച്ചുകൊണ്ടാണ് ചടങ്ങ് തുടങ്ങിയത്. മത്സരത്തെക്കുറിച്ചും അതിന്റെ ലക്ഷ്യങ്ങളെക്കുറിച്ചും അധികൃതർ ഒരു വീഡിയോ പുറത്തുവിട്ടിരുന്നു. മത്സരത്തിൽ പങ്കെടുത്തവരെ പ്രതിനിധാനം ചെയ്ത് ഒമാൻ പൗരനായ അബ്ദുല്ല ബിൻ നുഅ്മാൻ സംസാരിച്ചു. അമീറുമാർ, പണ്ഡിതന്മാർ, വിവിധ രാജ്യങ്ങളുടെ അംബാസഡർമാർ, എന്നിവർ പരിപാടിയിൽ പങ്കെടുക്കാൻ എത്തിയിരുന്നു. കൂടാതെ സർക്കാർ ഉദ്യോഗസ്ഥ, മക്കയിലെ പ്രബോധകരും ഖതീബുമാരും ചടങ്ങിൽ പങ്കെടുക്കാൻ എത്തിയിരുന്നു.

ലോകത്തിലെ വിവിധ രാജ്യങ്ങളിലെ മുസ്ലിം കുട്ടികൾ ഖുർആൻ മത്സത്തിൽ പങ്കെടുക്കാൻ എത്തിയിരുന്നു. മത്സരത്തിലെ ഏറ്റവും ഉയർന്ന സമ്മാന തുകയാണ് അഞ്ച് ലക്ഷം റിയാൽ മതകാര്യ വകുപ്പ് മന്ത്രി ഡോ. അബ്ദുൽ അസീസ് ബിൻ ആലുശൈഖ് ആണ് പരിപാടിയിൽ ആമുഖ പ്രസംഗം നടത്തിയത്.

Read Latest Gulf News and Malayalam News