Also Read : റഷ്യ – യുക്രൈൻ യുദ്ധത്തിൽ ഇന്ത്യയുടെ നിലപാട് മാതൃകാപരം; മോദി സർക്കാരിനെ പ്രശംസിച്ച് മൻമോഹൻ സിങ്
രാത്രി ഏഴുമണിയോടെ ബൈഡന്റെ എയർഫോഴ്സ് വൺ വിമാനം ന്യൂഡൽഹി ഇന്ദിരാഗാന്ധി അന്താരാഷ്ട്ര വിമാനത്താവളത്തിൽ എത്തി. കേന്ദ്രമന്ത്രി ജനറൽ വി കെ സിങ് അടക്കമുള്ളവർ യുഎസ് പ്രസിഡന്റിനെ സ്വീകരിക്കാൻ വിമാനത്താവളത്തിൽ എത്തിയിരുന്നു.
KC Venugopal: യുഡിഎഫിൻ്റെ വിജയം മുഖ്യമന്ത്രി പിണറായി വിജയൻ്റെ ധാര്‍ഷ്ട്യത്തിനേറ്റ തിരിച്ചടി – കെസി വേണുഗോപാൽ
ഇരുനേതാക്കളും തമ്മിൽ ചർച്ച നടത്തിയതായി പ്രധാനമന്ത്രിയുടെ ഓഫീസ് അറിയിച്ചു. ഇരുവരും ഒന്നിച്ചുള്ള ചിത്രങ്ങളും പുറത്തുവിട്ടിട്ടുണ്ട്. ഇന്ത്യയും യുഎസും തമ്മിലുള്ള ബന്ധം കൂടുതൽ ആഴത്തിലാക്കുന്ന വിവിധ വിഷയങ്ങളിൽ ഇരു നേതാക്കളും ചർച്ച നടത്തിയതായും ഓഫീസ് അറിയിച്ചു.
ഇരുരാജ്യങ്ങളും ഏറെ പ്രതീക്ഷയോടെയാണ് കൂടിക്കാഴ്ച്ചയെ നോക്കി കാണുന്നത്. പ്രസിഡന്റ് ആയതിന് ശേഷമുള്ള ആദ്യ ഇന്ത്യ സന്ദർശനമാണിത്. ജെറ്റ് എൻജിൻ കരാർ, പ്രിഡേറ്റർ ഡ്രോൺ കരാർ, 5ജി, 6ജി സ്പെക്ട്രം സിവിൽ ന്യൂക്ലിയർ മേഖലയിലും നൂതന സാങ്കേതിക വിദ്യയിലുമുള്ള സഹകരണം തുടങ്ങിയ വിഷയങ്ങൾ ചർച്ച ചെയ്യാനാണ് ഉദ്ദേശിക്കുന്നതെന്ന് യുഎസ് ദേശീയ സുരക്ഷാ ഉപദേഷ്ടാവ് പറഞ്ഞു.
ശനി ഞായർ ദിവസങ്ങളിലായിട്ടാണ് ജി20 ഉച്ചകോടി നടക്കുന്നത്. ബ്രിട്ടൺ പ്രധാനമന്ത്രി ഋഷി സുനക് അടക്കം ലോക നേതാക്കൾ ഉച്ചകോടിയിൽ പങ്കെടുക്കുന്നതിനായി ഡൽഹിയിൽ എത്തിയിട്ടുണ്ട്. ശനിയാഴ്ച അതിഥികൾക്കായി രാഷ്ട്രപതി ദ്രൗപതി മുർമു അത്താഴവിരുന്ന് സംഘടിപ്പിച്ചിട്ടുണ്ട്.
Also Read : നടപടിക്രമങ്ങൾ എല്ലാം പൂർ‌ത്തിയായാൽ ഭാരതം എന്ന പേര് അംഗീകരിക്കും; യുഎൻ
യുഎസ് പ്രസിഡന്റ് ജോ ബൈഡന് വേണ്ടി ഐടിസി മൗര്യയിലാണ് സൗകര്യങ്ങൾ ഒരുക്കിയിരിക്കുന്നത്. പഴുതടച്ച സുരക്ഷയാണ് ഇവിടെ ഒരുക്കിയിരിക്കുന്നത്. അമേരിക്കൻ പ്രസിഡന്റ് തങ്ങുന്ന ഹോട്ടലിന്റെ ഓരോ നിലയിലും അമേരിക്കൻ സീക്രട് സർവീസിലെ കമാന്റോമാർ ഉണ്ടാകും. പ്രസിഡന്റ് ഹോട്ടലിൻ്റെ 14ാം നിലയിലാകും താമസിക്കുക. ഹോട്ടലിലെ 400 മുറികളും ബുക്ക് ചെയ്തിട്ടുണ്ട്. ഓരോ നിലകളിലും പ്രത്യേകം ലിഫ്റ്റുകളും സ്ഥാപിച്ചിട്ടുണ്ട്.
Read Latest National News and Malayalam News
