Authored by സരിത പിവി | Samayam Malayalam | Updated: 8 Sep 2023, 5:46 pm
ചര്‍മം തിളങ്ങാന്‍ സഹായിക്കുന്ന ഗ്ലോ ഫേഷ്യല്‍ വീട്ടില്‍ തന്നെ തയ്യാറാക്കാന്‍ സാധിയ്ക്കും. ഇതെക്കുറിച്ചറിയൂ.
ഗ്ലോ ക്ലെന്‍സിംഗ്
പേര് സൂചിപ്പിയ്ക്കുന്നത് പോലെ തന്നെ നാല് സ്‌റ്റെപ്പുകളായാണ് ഇത് ചെയ്യേണ്ടത്. ആദ്യത്തെ സ്റ്റെപ്പ് ഗ്ലോ ക്ലെന്‍സിംഗ് ആണ്. ഇതില്‍ ആദ്യത്തെ സ്‌റ്റെപ്പിന് വേണ്ടത് മഞ്ഞള്‍ മിശ്രിതം തയ്യാറാക്കുകയാണ്. ഇതിനായി പാലില്‍ ഒരുവിധം മഞ്ഞള്‍പ്പൊടിയിടുക. ഇത് അടുപ്പില്‍ വച്ച ചൂടാക്കി കട്ടിയാ്ക്കി എടുക്കാം. ഇത് ഇളം ചൂടോടെ മുഖത്ത് പുരട്ടി മസാജ് ചെയ്യാം. ഒരു മിനിറ്റ് നേരം മുഖത്ത് മസാജ് ചെയ്ത ശേഷം ഇത് കഴുകാം.
മുഖം തിളങ്ങാൻ തക്കാളി പീൽ ഓഫ് മാസ്ക്
മുഖം തിളങ്ങാൻ തക്കാളി പീൽ ഓഫ് മാസ്ക്
ഗ്ലോ സ്‌ക്രബ്
രണ്ടാമത്തെ സ്റ്റെപ്പ് ഗ്ലോ സ്‌ക്രബ് ആണ്. ഇതിനായി അരിപ്പൊടി, ഉരുളക്കിഴങ്ങ്, തൈര് എന്നിവ വേണം. അരിപ്പൊടി നല്ലൊരു സ്‌ക്രബറാണ്. തൈരും ഉരുളക്കിഴങ്ങളുമെല്ലാം സ്വാഭാവിക ബ്ലീച്ചംഗ് ഇഫക്ടുള്ള, ചര്‍മത്തിന് തിളക്കവും മിനുസവും നല്‍കുന്ന ഘടകങ്ങളാണ് ഇതിനായി ഉരുളക്കിഴങ്ങിന്റെ നീര് വെള്ളം ചേര്‍ക്കാതെ എടുക്കാം. ഇതില്‍ അരിപ്പൊടി, തൈര് എന്നിവ ചേര്‍ത്ത് മിശ്രിതമാക്കി മുഖത്ത് പുരട്ടി പതിയെ സ്‌ക്രബ് ചെയ്യാം. ഇതിന് ശേഷം പത്തിരുപത് മിനിറ്റ് കഴിയുമ്പോള്‍ കഴുകാം.
സ്റ്റെപ്പ് ഗ്ലോ മസാജ്
അടുത്ത സ്റ്റെപ്പ് ഗ്ലോ മസാജ് ആണ്. ഇതിന് പാല്‍, ഓട്‌സ് എന്നിവയാണ് ഉപയോഗിയ്ക്കുന്നത്. ഇതിനായി പാലില്‍ ഓട്‌സ് ഇട്ട് വേവിയ്ക്കുക. ഇത് ചൂടാറുമ്പോള്‍ അടിച്ചെടുത്ത് മിശ്രിതമാക്കി ഉപയോഗിയ്ക്കാം. ഇത് മുഖത്തിടാം. ഇത് ഇട്ട ശേഷം മുഖം നല്ലതുപോലെ മസാജ് ചെയ്യം. താഴേ നിന്നും മുകളിലേയ്ക്ക് വേണം മസാജ് ചെയ്യാന്‍. ഇതിന് ശേഷം 10 മിനിറ്റ് കഴിഞ്ഞ് കഴുകാം.
ഗ്ലോ ഫേസ്പായ്ക്ക്
അടുത്ത സ്റ്റെപ്പ് ഗ്ലോ ഫേസ്പായ്ക്ക് സ്റ്റെപ്പാണ്. ഇതിനായി തക്കാളി, ഉരുളക്കിഴങ്ങ് എന്നിവ ചേര്‍ത്ത് മിക്‌സിയില്‍ അടിയ്ക്കാം. ഇതിലേയ്ക്ക് അല്‍പം മഞ്ഞള്‍പ്പൊടി, കടലമാവ് എന്നിവ ചേര്‍ത്തിളക്കാം. ഈ മിശ്രിതം മുഖത്ത് പുരട്ടി മസാജ് ചെയ്യാം. ഇത് അര മണിക്കൂര്‍ ശേഷം കഴുകാം. മുഖത്തിന് തിളക്കവും മിനുസവുമെല്ലാം നല്‍കുന്ന ഈ പായ്ക്ക് ഏ്ത് ചര്‍മത്തിനും ഉപയോഗിയ്ക്കാവുന്നതാണ്.
സരിത പിവി നെ കുറിച്ച്
സരിത പിവി കൺസൾട്ടൻറ് കണ്ടൻറ് റൈറ്റർ
ജേര്‍ണലിസം രംഗത്ത് 17 വര്‍ഷങ്ങളിലേറെ പരിചയ സമ്പത്ത്. പ്രിന്റ് മീഡിയായില്‍ തുടങ്ങി ഡിജിറ്റല്‍ മീഡിയയില്‍ സജീവം. വാര്‍ത്താ, ലൈഫ്‌സ്റ്റൈല്‍ മേഖലകളില്‍ കൂടുതല്‍ പരിചയം. വായനക്കാര്‍ക്ക് താല്‍പര്യമുള്ള മേഖലകള്‍ കണ്ടെത്തി ലളിതമായ രീതിയില്‍ അവതരിപ്പിയ്ക്കാന്‍ വൈദഗ്ധ്യം.വായനയും എഴുത്തും താല്‍പര്യം.സമകാലീന വിഷയങ്ങള്‍ അടിസ്്ഥാനമാക്കി ലേഖനങ്ങള്‍ എഴുതുന്നതില്‍ പ്രത്യേക ശ്രദ്ധ. എഴുത്തിന് പുറമേ വായന, മ്യൂസിക് എന്നിവയോട് കൂടുതല്‍ താല്‍പര്യം.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
