ഇനി പൈസ ചിലവില്ലാതെ മുടി സ്ട്രെയ്റ്റ് ചെയ്യാം വളരെ സിമ്പിളായി

Authored by റ്റീന മാത്യു | Samayam Malayalam | Updated: 8 Sep 2023, 10:38 pm

നല്ല നീളമുള്ള മുടി ആഗ്രഹിക്കാത്തവരായി ആരും കാണില്ല. പലർക്കും ചുരുളൻ മുടിയെക്കാൾ ഇഷ്ടം നല്ല സ്ട്രെയ്റ്റ് ഹെയർ ആയിരിക്കും. മുടി സ്ട്രെയ്റ്റ് ചെയ്യാൻ ഇനി പാർലറിൽ പോകണ്ട എളുപ്പത്തിൽ വീട്ടിൽ തന്നെ ചെയ്യാം. അടുക്കളയിൽ വളരെ സുലഭമായി ലഭിക്കുന്ന ചില സാധനങ്ങൾ മാത്രം മതി മുടി സ്ട്രെയ്റ്റ് ചെയ്ത് എടുക്കാം.

പപ്പായ

നേന്ത്രപ്പഴവും പപ്പായയും തുല്യമായി എടുത്ത് നന്നായി യോജിപ്പിക്കുക. ഇതിലേക്ക് 1 ടേബിൾ സ്പൂൺ തേൻ ചേർത്ത് ഹെയർ മാസ്കായി പുരട്ടുക.എന്നിട്ട് അര മണിക്കൂർ കഴിഞ്ഞ് വീര്യം കുറഞ്ഞ ഹെർബൽ ഷാംപൂ ഉപയോഗിച്ച് മുടി കഴുകുക. ഉണങ്ങിയ ശേഷം മുടിയുടെ വ്യത്യാസം കാണുക. മുടി നന്നായി സ്‌ട്രെയ്‌റ്റായതായി അനുഭവപ്പെടും.
വാഴപ്പഴം, തൈര്, തേൻ

രണ്ട് ഏത്തപ്പഴം എടുത്ത് രണ്ട് ടേബിൾസ്പൂൺ തേൻ, തൈര്, ഒലിവ് ഓയിൽ എന്നിവ ചേർത്ത് ‌യോജിപ്പിക്കുക. ഈ മിശ്രിതം മുടിയിൽ പുരട്ടി ഒരു മണിക്കൂർ വയ്ക്കുക. അതിന് ശേഷം മുടി നന്നായി ഒരു ഹെ‍ർബൽ ഷാംപൂ ഉപയോഗിച്ച് കഴുകി വ്യത്തിയാക്കുക.
കറ്റാർവാഴ

മുടിയുടെ അഴക് കൂട്ടാൻ ഏറെ നല്ലതാണ് കറ്റാർവാഴ.
അര കപ്പ് കറ്റാർ വാഴ ജെൽ എടുക്കുക. ഇതിലേക്ക് 5 സ്പൂൺ ചെറുചൂടുള്ള ഒലിവ് ഓയിൽ ചേർത്ത് നന്നായി ഇളക്കുക. വേണമെങ്കിൽ രണ്ട് തുള്ളി റോസ് മേരി ഓയിലും കൂടി ചേ‍ർക്കുക. ഇത് മുടിയിൽ തേച്ച് രണ്ട് മണിക്കൂ‍ വച്ച ശേഷം കഴുകി വ്യത്തിയാക്കാം.
മുട്ടയും ഒലീവ് ഓയിലും

ഒരു മുട്ടയിൽ 4-5 ടേബിൾസ്പൂൺ ഒലിവ് ഓയിൽ ചേർത്ത് നന്നായി ഇളക്കുക. ഇത് ഉപയോഗിക്കുമ്പോൾ മുടിയുടെ വരൾച്ച മാറുകയും മുടിക്ക് ആവശ്യമായ ഈർപ്പം ലഭിക്കുകയും ചെയ്യും.ഈ പായ്ക്ക് മുടിയിൽ പുരട്ടി അരമണിക്കൂറിനു ശേഷം ചെറുചൂടുള്ള വെള്ളവും ഹെർബൽ ഷാംപൂവും ഉപയോഗിച്ച് തല കഴുകി സൂര്യപ്രകാശത്തിൽ സ്വാഭാവികമായി ഉണങ്ങാൻ അനുവദിക്കുക. മുടിയുടെ സ്വാഭാവിക ഘടനയും മിനുസവും ലഭിക്കാൻ ആഴ്ചയിൽ രണ്ട് ദിവസം ഇത് ചെയ്യണം.
പാലും തേനും

പാലും തേനും പ്രകൃതിദത്ത ഹെയർ സ്ട്രെയ്റ്റനറായി പ്രവർത്തിക്കുന്നു. ഒരു കപ്പ് പാലിൽ ഒരു ടീസ്പൂൺ തേൻ ചേർത്ത് അതിൽ 4 സ്ട്രോബെറി ചതച്ച് പേസ്റ്റ് രൂപത്തിലാക്കുക. ഈ പേസ്റ്റ് നിങ്ങളുടെ മുടിയിൽ പുരട്ടി കുറഞ്ഞത് 2 മണിക്കൂറെങ്കിലും വയ്ക്കുക. ശേഷം വീര്യം കുറഞ്ഞ ഷാംപൂ ഉപയോഗിച്ച് തല കഴുകുക.
തേങ്ങാപ്പാൽ

തേങ്ങാപ്പാലിനൊപ്പം നാരങ്ങ നീര് യോജിപ്പിക്കുക. ഇത് മിക്സ് ചെയ്യുമ്പോൾ കിട്ടുന്ന പേസ്റ്റ് നന്നായി മുടിയിൽ തേച്ച് പിടിപ്പിക്കുക. ഇത് നല്ലൊരു കണീഷണറായും പ്രവർത്തിക്കുന്നു. ഇത് മുടിയിലിട്ട ശേഷം 20 മിനിറ്റ് കഴിഞ്ഞ് ചെറു ചൂടുവെള്ളത്തിൽ മുടി കഴുകി വ്യത്തിയാക്കുക.