ജോലി ചെയ്ത സമയത്ത് ശമ്പളം ലഭിക്കാത്തതിനെ തുടര്‍ന്ന് സ്‌പോണ്‍സറുമായി തര്‍ക്കമുണ്ടായിരുന്നു. ഇതേ തുടര്‍ന്ന് സ്‌പോണ്‍സര്‍ കേസ് നല്‍കുകയായിരുന്നു. സ്‌പോണ്‍സറുമായി വാക്കേറ്റമുണ്ടായതോടെ കേസ് നല്‍കിയെന്നാണ് പറയപ്പെടുന്നത്.
GMUP School Areacode: സംസ്ഥാനത്തെ മികച്ച പിടിഎ കമ്മിറ്റിക്കുള്ള അവാർഡ് നേടി അരീക്കോട് ജിഎംയുപി സ്കൂൾ
കുടുംബത്തോടൊപ്പം ഉംറക്കെത്തിയ സമയത്താണ് ഗൗസം ഖാന്‍ വിമാനത്താവളത്തില്‍ പിടിക്കപ്പെടുന്നത്. ജിദ്ദ വിമാനത്താവളത്തില്‍ എമിഗ്രേഷന്റെ പരിശോധനയ്ക്കിടെയാണ് കേസുള്ളതായി കണ്ടെത്തിയത്. ഇതിനു പിന്നാലെ ഇദ്ദേഹത്തെ ദമാം അല്‍ഖോബാറിലെ പോലീസ് സ്റ്റേഷനിലെത്തിച്ചു. കേസ രേഖകള്‍ പരിശോധിച്ച ശേഷം
ജയിലിലേക്ക് മാറ്റുകയും ചെയ്തു.
കേസ് ഒത്തുതീര്‍പ്പാക്കാന്‍ ഇവിടെയുള്ള സാമൂഹിക പ്രവര്‍ത്തകരുമായി ബന്ധപ്പെടുകയും അന്നത്തെ സ്‌പോണ്‍സറെ കണ്ടെത്തി സംസാരിക്കുകയും ചെയ്തു. സാമൂഹിക പ്രവര്‍ത്തകരുടെ ഇടപെടലിനെ തുടര്‍ന്ന് 28 ദിവസത്തെ ജയില്‍വാസത്തിന് ശേഷം ഗൗസം ഖാന്‍ മോചിതനായി. കേസ് നടപടികള്‍ പൂര്‍ത്തിയായതോടെ ബന്ധുക്കള്‍ എടുത്ത് നല്‍കിയ വിമാനടിക്കറ്റില്‍ ഇന്നലെ നാട്ടിലേക്ക് തിരിക്കുകയായിരുന്നു.
ഇന്ത്യ-ഗള്‍ഫ്-അറബ് രാജ്യങ്ങളെ ബന്ധിപ്പിക്കുന്ന റെയില്‍വേ പദ്ധതിയുമായി യുഎസ്, ഇന്ത്യ, സൗദി, യുഎഇ രാജ്യങ്ങള്‍; ജി20 ഉച്ചകോടിയില്‍ കരാറിലെത്തും
വിമാനത്താവളത്തില്‍ ബയോമെട്രിക് വിവരങ്ങള്‍ ശേഖരിക്കുന്നതിനാലും ആഭ്യന്തര-തൊഴില്‍ മന്ത്രാലയ രേഖകളെല്ലാം ഡിജിറ്റലൈസ് ചെയ്തതിനാലും കേസുകളോ നിയമമലംഘനങ്ങളോ മുമ്പ് ചുമത്തപ്പെട്ടിട്ടുണ്ടെങ്കില്‍ എമിഗ്രേഷന്‍ സമയത്ത് കണ്ടെത്താനാവും.
യുഎഇയില്‍ ഒരു വര്‍ഷം ജോലിചെയ്താല്‍ വിരമിക്കല്‍ ആനുകൂല്യം; മന്ത്രാലയത്തിന്റെ മേല്‍നോട്ടത്തില്‍ പുതിയ നിക്ഷേപ പദ്ധതി
റിയാദില്‍ മരിച്ച മലയാളിയുടെ മൃതദേഹം സംസ്‌കരിച്ചു
റിയാദ്: അല്‍ ഖലീജില്‍ മരിച്ച കൊല്ലം കടപ്പാക്കട ശാസ്ത്രി ജംഗ്ഷന്‍ പൂലച്ചിറ വയലില്‍ വീട്ടില്‍ സതീഷ് കുമാര്‍ (51)ന്റെ മൃതദേഹം നാട്ടിലെത്തിച്ച് സംസ്‌കരിച്ചു. നാട്ടില്‍ നിന്ന് രണ്ടു മാസത്തെ അവധി കഴിഞ്ഞ് തിരിച്ചെത്തിയതിന്റെ പിറ്റേന്നാണ് മുറിയില്‍ മരിച്ചതായി കണ്ടെത്തിയത്.
കഴിഞ്ഞ വെള്ളിയാഴ്ച രാത്രി 10 മണിക്കാണ് എയര്‍ ലങ്ക വിമാനത്തില്‍ റിയാദിലിറങ്ങിയത്. അര്‍ധരാത്രി റൂമില്‍ എത്തി. പിറ്റേന്ന് ശനിയാഴ്ച ഉച്ചയ്ക്ക് സൃഹൃത്തുക്കളുമായി ഫോണില്‍ സംസാരിച്ചിരുന്നു. വാട്‌സ്ആപ്പ് ലാസ്റ്റ് സീന്‍ ശനി ഉച്ച ഒരു മണിക്കാണ്. ഞായര്‍ രാവിലെ വരെ ഇദ്ദേഹത്തിന്റെ യാതൊരു വിധ വിവരങ്ങളും അറിയാതിരുന്ന റിയാദിലുള്ള സൃഹൃത്തുക്കള്‍ അന്വേഷിച്ച് റൂമില്‍ എത്തിയപ്പോഴാണ് മരിച്ചതായി കണ്ടെത്തിയത്.
സ്വാഭാവിക മരണമാണെന്ന മെഡിക്കല്‍ റിപ്പോര്‍ട്ടിന്റെ അടിസ്ഥാനത്തില്‍ നിയമനടപടിക്രമങ്ങള്‍ പൂര്‍ത്തീകരിച്ച് മൃതദേഹം നാട്ടിലേക്ക് കൊണ്ടുപോവുകയായിരുന്നു. എയര്‍ ലങ്ക വിമാനത്തില്‍ തിരുവനന്തപുരത്ത് എത്തിച്ച മൃതദേഹം ബന്ധുക്കള്‍ ഏറ്റുവാങ്ങി സ്വദേശത്ത് സംസ്‌കരിച്ചു. മാതാവ്: കൃഷ്ണമ്മ. ഭാര്യ: ജനനി നിര്‍മല. മക്കള്‍: കാവ്യ, കൃഷ്ണ.
റിയാദ് മലപ്പുറം ജില്ലാ കെഎംസിസി വെല്‍ഫെയര്‍ വിങ് ആക്ടിങ് ചെയര്‍മാന്‍ റിയാസ് തിരൂര്‍ക്കാട്, ജനറല്‍ കണ്‍വീനര്‍ ഷറഫു പുളിക്കല്‍, ജാഫര്‍ വീമ്പൂര്‍, ഹനീഫ മുതുവല്ലൂര്‍ എന്നിവരുടെ നേതൃത്വത്തിലാണ് രേഖകള്‍ ശരിയാക്കി മൃതദേഹം നാട്ടിലേക്ക് അയച്ചത്.
