അബുദാബി> ഫെഡറൽ നാഷണൽ കൗൺസിൽ തെരഞ്ഞെടുപ്പിൽ വിജയിച്ച സ്ഥാനാർത്ഥികളെ അഭിനന്ദിച്ച് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം. സോഷ്യൽ മീഡിയ പോസ്റ്റിലൂടെ ആയിരുന്നു അദ്ദേഹത്തിന്റെ അഭിനന്ദന സന്ദേശം.
ലെജിസ്ലേറ്റീവ്, എക്സിക്യൂട്ടീവ്, ജുഡീഷ്യൽ അധികാരികളും എല്ലാ മേഖലകളിലെയും സർക്കാർ ടീമുകളും, ജനങ്ങൾക്ക് മികച്ച ഭാവി കെട്ടിപ്പടുക്കാൻ ഒറ്റക്കെട്ടായി നിലകൊള്ളുമെന്ന് എപ്പോഴും ഉറപ്പിക്കുന്നു. രാജ്യത്തെയും ജനങ്ങളെയും സേവിക്കുന്നതിൽ ദൈവം എല്ലാവർക്കും വിജയം നൽകട്ടെ എന്നും അദ്ദേഹം കുറിച്ചു. തെരഞ്ഞെടുപ്പിന്റെ വിജയത്തിൽ അറബ് പാർലമെന്റ് പ്രസിഡന്റ് അദേൽ ബിൻ അബ്ദുൾറഹ്മാൻ അലസൂമിയും യുഎഇയെ അഭിനന്ദിച്ചു. തെരഞ്ഞെടുപ്പ് പ്രക്രിയയിൽ യുഎഇയും അതിന്റെ മേൽനോട്ട സമിതികളും നടത്തുന്ന ശ്രമങ്ങളെ അദ്ദേഹം പ്രശംസിച്ചു.
ജനാധിപത്യത്തിന്റെ സംവിധാനങ്ങൾ ശക്തിപ്പെടുത്തുന്നതിനും സമൂഹത്തിലെ എല്ലാ വിഭാഗങ്ങളുടെയും രാഷ്ട്രീയ ശാക്തീകരണത്തിനും, ഭാവി കെട്ടിപ്പടുക്കുന്നതിലും പങ്കാളിത്തം നൽകുന്നതിനും അറബ് പാർലമെന്റിന്റെ പിന്തുണ അദ്ദേഹം ഊന്നിപ്പറഞ്ഞു. യുഎഇക്ക് മുന്നോട്ടുള്ള കാഴ്ചപ്പാട് ഉണ്ടെന്ന് അലസൂമി പറഞ്ഞു. അറബ് പാർലമെന്റ് കൗൺസിലിലെ പുതിയ അംഗങ്ങൾക്ക് യു.എ.ഇ.യിലെ ജനങ്ങളെ സേവിക്കുന്നതിന് ഏൽപ്പിച്ച ചുമതലകൾ നിർവഹിക്കുന്നതിൽ വിജയിക്കുന്നതിനും അറബ് പാർലമെന്റ് സ്പീക്കർ ആശംസകൾ അറിയിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
