കുവൈത്ത് സിറ്റി> കുവൈത്തിലെ കൊല്ലം ജില്ലാ നിവാസികളുടെ കൂട്ടായ്മയായ കൊല്ലം ജില്ലാ പ്രവാസി സമാജം, കുവൈത്തിന്റെ പതിനെഴാമത് വാർഷികാഘോഷം കൊല്ലം ഫെസ്റ്റ് 2023 സ്നേഹ നിലാവ് എന്ന പേരിൽ ഒക്ടോബർ പതിമൂന്നിന് അബ്ബാസിയ ഇന്ത്യൻ സെൻട്രൽ സ്കൂൾ ഓഡിറ്റോറിയത്തിൽ നടക്കും. പ്രശസ്ത മോട്ടിവേഷൻ സ്പീക്കറും ഡിഫറന്റ് ആർട്ട് സെന്റർ ഡയറക്ടറുമായ പ്രോഫസർ ഗോപിനാഥ് മുതുകാട് ആണ് മുഖ്യാതിഥി.
ഉച്ചയ്ക്ക് 01.30 മുതൽ 02. 30 വരെ കുവൈത്തിലെ വിവിധ ഇന്ത്യൻ സ്കൂളിലെ 8 മുതൽ +2 ക്ലാസ് വരെയുള്ള കുട്ടികൾക്കായി പ്രൊഫസർ ഗോപിനാഥ് മുതുകാട് നയിക്കുന്ന മോട്ടിവേഷൻ ക്ലാസ്സും ഉണ്ടായിരിക്കും. സൗജന്യമായി നടത്തപ്പെടുന്ന ക്ലാസിൽ പങ്കെടുക്കുവാൻ താല്പര്യമുള്ളവർ ഭാരവാഹികളുമായി ബന്ധപ്പെടുക. തുടർന്നു ഉച്ചക്ക് 3 മണി മുതൽ ആരംഭിക്കുന്ന പരിപാടിയിൽ സമാജം അംഗങ്ങളുടെ പരിപാടികളും തുടർന്നു നടക്കുന്ന പൊതു സമ്മേളനത്തിൽ പ്രൊഫസർ ഗോപിനാഥ് മുതുകാട്, ഇന്ത്യൻ എംബസി പ്രതിനിധി, മലയാള സംസാരത്തിലൂടെ പ്രശസ്തയായ സ്വദേശി വനിത മറിയം അൽ-ഖബന്ദി, കുവൈത്തിലെ സാമൂഹ്യ സാംസ്കാരിക, വ്യാപാര രംഗത്തെ പ്രമുഖരും പങ്കെടുക്കും.
സമ്മേളനത്തോടനുബന്ധിച്ചു കഴിഞ്ഞ പത്താം ക്ലാസ് പരീക്ഷയിൽ ഉന്നത വിജയം നേടിയ സമാജം അംഗങ്ങളുടെ കുട്ടികളെ അനുമോദിക്കുന്നതാണ്. പ്രശസ്ത ചലച്ചിത്രപിന്നണി ഗായകരായ അപർണ രാജീവ്, സജീവ് സ്റ്റാൻലി, വയലിൻ മന്ത്രികം കേരളത്തിൽ തരംഗമായ അപർണ ബാബു, കോമഡി താരങ്ങളായ – മണിക്കുട്ടൻ , മായാ കൊമ്പോയുടെ ചിരി അരങ്ങ് എന്നിവ ഉണ്ടായിരിക്കുന്നതാണ്. കുവൈത്തിലെ മലയാളികൾ ഹൃയത്തിലേറ്റിയ ഡി കെ ഡാൻസ്, ജാസ് ഡാൻസ് അക്കാഡമി, നാടൻപാട്ട് കൂട്ടം “ജടായു ബീറ്റ്‌സ് ” എന്നിവരുടെ പ്രകടനവും കൊല്ലം ഫെസ്റ്റിന് മിഴിവേകും എന്ന് സമാജം ഭാരവാഹികൾ പത്രസമ്മേളനത്തിൽ അറിയിച്ചു.
കൊല്ലം ജില്ലാ പ്രവാസി സമാജം പ്രസിഡന്റ്‌ അലക്സ് മാത്യു, ജനറൽ സെക്രട്ടറി ബിനിൽ ടി ഡി , ട്രെഷറർ തമ്പി ലൂക്കോസ്, പ്രോഗ്രാം ജനറൽ കൺവീനർ ശശി കർത്താ, മീഡിയാ സെക്രട്ടറി, പ്രമീൾ പ്രഭാകർ, വനിതാ വേദി ചെയർ പേഴ്സൺ രഞ്ജനാ ബിനിൽ എന്നിവർ സാന്നിഹിതർ ആയിരുന്നു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
