അത്താഴത്തിന് സാലഡ് വിളമ്പിയില്ല; യുവാവ് ഭാര്യയെ വെട്ടിക്കൊന്നു

ലഖ്നൗ: അത്താഴത്തിന് സാലഡ് വിളമ്പാൻ വൈകിയതിന്‍റെ പേരിൽ യുവാവ് ഭാര്യയെ വെട്ടിക്കൊന്നു. ഉത്തർപ്രദേശിലെ ശമീൽ എന്ന സ്ഥലത്താണ് കൃത്യം നടന്നത്. അമ്മയെ രക്ഷിക്കാൻ ശ്രമിക്കുന്നതിനിടെ മകനും വെട്ടേറ്റു. സംഭവത്തിന് പിന്നാലെ ഒളിവിൽ പോയ പ്രതിയെ പോലീസ് പിടികൂടി. രണ്ട് ദിവസം മുന്നേയായിരുന്നു കൊലപതകം നടന്നത്. ഇന്നാണ് പ്രതിയെ പിടികൂടുന്നത്.

സംഭവത്തിന് പിന്നാലെ ഒളിവിൽ പോയ മുരളി സിങ്ങിനായി പോലീസ് അന്വേഷണം ഈർജ്ജിതമാക്കിയിരുന്നു. കാട്ടിൽ ഒളിച്ചിരിക്കുന്നതിനിടെയാണ് ഇയാളെ പിടികൂടിയതെന്ന് പോലീസ് പറഞ്ഞു. തിങ്കളാഴ്ച രാത്രി വീട്ടിൽ നിന്ന് അത്താഴം കഴിക്കുന്നതിനിടെയായിരുന്നു സംഭവം.

Also Read : ഭർത്താവിനെ കൊന്ന് അടുക്കളയിൽ കുഴിച്ചു മൂടി ടൈൽസിട്ടു; കാമുകനൊപ്പം ജീവിക്കണമെന്ന് യുവതി



ഭക്ഷണ സമയത്ത് ഭാര്യ സുദേശിനോട് മുരളി സാലഡ് ആവശ്യപ്പെടുകയായിരുന്നു. മറ്റൊരു ജോലിയിലായിരുന്നതിനാൽ സാലഡ് നൽകാൻ യുവതി വൈകി. ഇതിനെ തുടർന്നുണ്ടായ വാക്കുതർക്കമാണ് കൊലപാതകത്തിൽ കലാശിച്ചത്. അമ്മയെ വെട്ടുന്നത് തടയാൻ ശ്രമിക്കുന്നതിനിടെയാണ് മകൻ അജയ് (20) പരിക്കേൽക്കുന്നത്.

Also Read : ഇസ്രായേലില്‍ കൊല്ലപ്പെട്ട സൗമ്യയുടെ മകന് 5 ലക്ഷം; വിദ്യാഭ്യാസ ചിലവ് സര്‍ക്കാര്‍ വഹിക്കും



സംഭവത്തിന് പിന്നാലെ മുരളി സ്ഥലത്ത് നിന്ന് രക്ഷപ്പെടുകയായിരുന്നു. ശബ്ദം കേട്ട് എത്തിയ നാട്ടുകാരാണ് അമ്മയെയും മകനെയും ആശുപത്രിയിൽ പ്രവേശിപ്പിച്ചത്. എന്നാല്‍ ചികിത്സയ്ക്കിടെ അമ്മ മരണത്തിന് കീഴടങ്ങുകയായിരുന്നു. സംഭവത്തിന് പിന്നാലെ കേസ് രജിസ്റ്റർ ചെയ്ത് അന്വേഷണം ആരംഭിച്ച പോലീസ് ബുധനാഴ്ചയാണ് ഇയാളെ അറസ്റ്റ് ചെയ്യുന്നത്. ദമ്പതികളുടെ മകൻ ആശുപത്രിയിൽ ചികിത്സയിൽ തുടരുകയാണ്.