സെമിയിൽ കാനഡയെ തോൽപ്പിച്ചു, കോപ്പ അമേരിക്ക ഫൈനലിൽ അർജന്റീന

ന്യൂയോർക്ക്: കോപ്പ അമേരിക്ക ടൂർണമെന്റ് ഫൈനലിൽ അർജന്റീന. സെമിയിൽ കാനഡയെ തോൽപ്പിച്ചാണ് നിലവിലെ ചാമ്പ്യന്മാരായ അർജന്റീന ഫൈനലിലേക്ക് കടന്നത്. സെമിയിൽ എതിരില്ലാത്ത രണ്ടു ഗോളുകൾക്കായിരുന്നു അർജന്റീനയുടെ ജയം. ജൂലിയൻ അൽവാരസും ലയണൽ മെസിയുമാണ് അർജന്റീനയ്ക്കായി ഗോൾ നേടിയത്. 

മത്സരത്തിന്റെ 23-ാം മിനിറ്റിൽ ജൂലിയൻ അൽവാരസാണ് അർജന്റീനയ്ക്കായി ആദ്യ ഗോൾ നേടിയത്. രണ്ടാം പകുതിയിൽ 51-ാം മിനിറ്റിൽ മെസിയും ഗോൾ വല ചലിപ്പിച്ചു. ഈ ടൂർണമെന്റിലെ മെസിയുടെ ആദ്യ ഗോളാണിത്. സെമിയിലെ മത്സരത്തിലുടനീളം മെസിയുടെ മികച്ച മുന്നേറ്റങ്ങളാണ് ഫുട്ബോൾ ആരാധകർക്ക് കാണാനായത്. ടൂര്‍ണമെന്റില്‍ അല്‍വാരസിന്റെ രണ്ടാം ഗോളായിരുന്നു ഇത്. ആദ്യ ഗോൾ നേടിയതും കാനഡയ്‌ക്കെതിരെയായിരുന്നു.

GOOOOOOOOOLLLLLLLLLL MEEEEEEEEEEEEEEEESSSI pic.twitter.com/O1PN3fl1oi

— messi depre (@leomessidepre) July 10, 2024

കൊളംബിയ-യുറഗ്വായ് രണ്ടാം സെമി ഫൈനല്‍ വിജയികളെയാണ് ഫൈനലില്‍ അർജന്റീന നേരിടുക. വ്യാഴാഴ്ച പുലര്‍ച്ചെയാണ് രണ്ടാം സെമി ഫൈനൽ മത്സരം നടക്കുക. 

Read More

• ഒടുവിൽ പ്രഖ്യാപനമെത്തി; ഇന്ത്യൻ ക്രിക്കറ്റ് ടീമിന്റെ പുതിയ പരിശീലകനായി ഗൗതം ഗംഭീർ
• ടി20 ലോകകപ്പ്: ഇന്ത്യൻ ടീമിന് ബിസിസിഐയുടെ 125 കോടി; സഞ്ജു സാംസണ് കിട്ടുന്നത് എത്ര?
• പക അത് വീട്ടാനുള്ളതാണ്; സിംബാബ്‌വെയെ നിഷ്പ്രഭമാക്കി ഇന്ത്യ
• ഇന്ത്യൻ നായകനായി രോഹിത് ശർമ്മ തുടരും; പൂർണ്ണ വിശ്വാസമെന്ന് ജയ് ഷാ