വിദേശരാജ്യങ്ങളിൽ വൻതോതിൽ വിതരണം ചെയ്യുന്ന ഫൈസര്‍, മോഡേണ വാക്സിനുകള്‍ക്ക് ഇന്ത്യയിൽ അനുമതി നല്‍കാനുള്ള നീക്കത്തിനിടെയാണ് വിദേശ വാക്സിൻ വിതരണത്തിന് കേന്ദ്രസര്‍ക്കാര്‍ ഇളവുകള്‍ പ്രഖ്യാപിച്ചത്.
പ്രതീകാത്മക ചിത്രം Photo: Reuters/File
ഹൈലൈറ്റ്:
- ഫൈസര്‍ വാക്സിൻ ഉടൻ ഇന്ത്യയിൽ
- വിദേശ വാക്സിനുകള്‍ക്ക് ബ്രിഡ്ജിങ് പഠനം വേണ
- ഇളവുമായി ഡിസിജിഐ
Also Read: കാർട്ടൂണിസ്റ്റ് ഇബ്രാഹിം ബാദുഷ അന്തരിച്ചു
ഈ സാഹചര്യത്തിൽ കൂടുതൽ സ്വകാര്യ വാക്സിൻ നിര്‍മാതാക്കള്‍ക്ക് ഇന്ത്യയിൽ വാക്സിൻ വിതരണം ചെയ്യാൻ അവസരമൊരുങ്ങും. യുഎസിലെ ഫുഡ് ആൻ്റ് ഡ്രഗ് അതോരിറ്റി, യൂറോപ്യൻ മെഡിസിൻസ് ഏജൻസി, യുകെയിലെ എംഎച്ച്ആര്‍എ, ജപ്പാനിലെ പിഎംഡിഎ എന്നീ ഏജൻസികളുടെ അനുമതിയുള്ള വാക്സിനുകള്‍ക്കാണ് ഇന്ത്യയിൽ ഇളവു നല്‍കുന്നതെന്നാണ് ചൊവ്വാഴ്ച പുറത്തിറക്കിയ നോട്ടീസിൽ വ്യക്തമാക്കുന്നത്.
അതേസമയം, വാക്സിൻ സ്വീകരിച്ച ആദ്യ നൂറുപേരുടെ ആരോഗ്യനില നിരീക്ഷിക്കുമെന്ന നിബന്ധനയിൽ മാറ്റമുണ്ടാകില്ല. എന്നാൽ ഓരോ ബാച്ച് വാക്സിനും പ്രത്യേകം പരിശോധിക്കണമെന്ന നിബന്ധന പ്രായോഗികമല്ലെന്ന് വാക്സിൻ നിര്‍മാതാക്കള്‍ അറിയിച്ചിട്ടുണ്ട്. ഇക്കാര്യം കേന്ദ്രം അംഗീകരിച്ചതായാണ് റിപ്പോര്‍ട്ട്.
Also Read: സർക്കാരിന് കിട്ടാത്ത വാക്സിൻ എങ്ങനെ സ്വകാര്യ ആശുപത്രികൾക്ക് ലഭിക്കുന്നു? ചോദ്യവുമായി ഹൈക്കോടതി
നിലവിൽ രാജ്യത്ത് സിറം ഇൻസ്റ്റിറ്റ്യൂട്ട് ഉത്പാദിപ്പിക്കുന്ന കൊവിഷീൽഡ്, ഭാരത് ബയോടെക്കിൻ്റെ കൊവാക്സിൻ എന്നിവയാണ് നിലവിൽ വൻതോതിൽ വിതരണം ചെയ്യുന്നത്. കൂടാതെ റഷ്യയുടെ സ്പുട്നിക് 5 വാക്സിനും വിതരമണം തുടങ്ങിയിട്ടുണ്ട്. ഇന്ത്യൻ ഫാര്‍മസ്യൂട്ടിക്കൽ കമ്പനിയായ സിപ്ലയുമായി ചേര്‍ന്ന് ഇന്ത്യയിൽ വൻതോതിൽ വാക്സിൻ ഉത്പാദിപ്പിക്കാനുള്ള നീക്കത്തിലാണ് ഫൈസര്‍. സ്പുട്നിക് വാക്സിനും ഇന്ത്യയിൽ വൻതോതിൽ ഉത്പാദനം നടത്താനാണ് പദ്ധതി. ഡിസംബര്‍ മാസത്തോടു കൂടി രാജ്യത്ത് എല്ലാവര്‍ക്കും കൊവിഡ് 19 വാക്സിൻ ലഭ്യമാക്കാനുള്ള ശ്രമത്തിലാണ് കേന്ദ്രസര്‍ക്കാര്‍.
മിഷന്‍ ചോക്സി; ഇന്ത്യന്‍ സംഘം ഡൊമനിക്കയിൽ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : dcgi relaxes terms for foreign made covid 19 vaccines to be used in india ahead of pfizer and moderna launch
Malayalam News from malayalam.samayam.com, TIL Network
