ലക്ഷദ്വീപ് ജനതയെ ദ്രോഹിക്കില്ലെന്ന് അമിത് ഷാ ഉറപ്പ് നല്‍കി: എപി അബ്ദുള്ളക്കുട്ടി

ന്യൂഡല്‍ഹി: ലക്ഷദ്വീപ് ജനതയെ ദ്രോഹിക്കില്ലെന്ന് കേന്ദ്ര ആഭ്യന്തര മന്ത്രി അമിത് ഷാ ഉറപ്പ് നൽകിയെന്ന് ബിജെപി ദേശീയ ഉപാധ്യക്ഷൻ എപി അബ്ദുള്ളക്കുട്ടി. അമിത് ഷായുമായുള്ള കൂടിക്കാഴ്ചയ്ക്ക് ശേഷമാണ് അബ്ദുള്ളക്കുട്ടി ഇക്കാര്യം വ്യക്തമാക്കിയതെന്ന് മാതൃഭൂമി ന്യൂസാണ് റിപ്പോർട്ട് ചെയ്തത്. അഡ്മിനിസ്‌ട്രേറ്റര്‍ ഇറക്കിയ ഉത്തരവ് അതേപടി നടപ്പാക്കില്ലെന്ന് അമിത് ഷാ പറഞ്ഞെന്ന് അബ്ദുള്ളക്കുട്ടി പറയുന്നു.

ലക്ഷദ്വീപില്‍ അഡ്മിനിസ്‌ട്രേറ്റര്‍ നടപ്പാക്കിയ പരിഷ്കാരങ്ങൾക്കെതിരെ വിവിധ കോണുകളിൽ നിന്ന് പ്രതിഷേധം ഉയരുന്നതിനിടെയാണ് ബിജെപി ലക്ഷദ്വീപ് പ്രസിഡന്‍റ് അബ്ദുൾ ഖാദർ ഹാജിക്കും വൈസ് പ്രസിഡന്‍റ് കെപി മുത്തുകോയക്കും ഒപ്പം ലക്ഷദ്വീപിന്‍റെ ചുമതലയുമുള്ള അബ്ദുള്ളക്കുട്ടി അമിത് ഷായുമായി കൂടിക്കാഴ്ച നടത്തിയത്.

‘ലക്ഷദ്വീപ് ചുരുങ്ങുന്നു, ആളുകളുടെ എണ്ണം നിയന്ത്രിക്കണം’: ബിജെപി നേതാവ് അബ്‌ദുള്ളക്കുട്ടി

ബിജെപി ദേശീയ അധ്യക്ഷൻ ജെപി നദ്ദയെ കണ്ടതിനുശേശമാണ് സംഘം അമിത് ഷായുമായും കൂടിക്കാഴ്ച നടത്തിയത്. ജനങ്ങളുടെ അഭിപ്രായങ്ങള്‍ അനുസരിച്ച് തീരുമാനങ്ങള്‍ നടപ്പിലാക്കുമെന്ന് അമിത് ഷാ ഉറപ്പ് നല്‍കിയതായി അബ്ദുള്ളക്കുട്ടി പറഞ്ഞു.

കടലാക്രമണത്തിൽ ലക്ഷദ്വീപ് ചുരുങ്ങുന്നതിനാൽ ആളുകളുടെ എണ്ണം നിയന്ത്രിക്കേണ്ടതുണ്ടെന്ന് നേരത്തെ എപി അബ്‌ദുള്ളക്കുട്ടി പറഞ്ഞിരുന്നു. ജനസംഖ്യാ നിയന്ത്രണം ആധുനിക കാലത്തിന്‍റെ രാഷ്‌ട്രീയമാണ്. ദ്വീപിനെ ലോകത്തിലെ ഏറ്റവും വലിയ വിനോദസഞ്ചാര കേന്ദ്രമാക്കി മാറ്റാണ് കേന്ദ്ര സർക്കാർ ശ്രമിക്കുന്നതെന്നായിരുന്നു അബ്‌ദുള്ളക്കുട്ടിയുടെ വാക്കുകൾ.

ലക്ഷദ്വീപ് ഐക്യദാർഢ്യ പരിപാടിക്കിടെ അശ്ലീല വീഡിയോ; പരാതിയുമായി എസ്എഫ്ഐ

പ്രകൃതിയും സംസ്‌കാരവും സംരക്ഷിച്ച് കൊണ്ടായിരിക്കും ദ്വീപിനെ ടൂറിസ്‌റ്റ് കേന്ദ്രമാക്കുക. ഇതിനായി 5,000 കോടി രൂപയുടെ പദ്ധതികളും പ്രവർത്തനങ്ങളുമാണ് ദ്വീപിൽ നടക്കുന്നത്. ജനങ്ങൾ ആഗ്രഹിക്കുന്ന തരത്തിലുള്ള വികസനത്തിനൊപ്പമാണ് ബിജെപി നിലക്കൊള്ളുന്നതെന്നും അബ്‌ദുള്ളക്കുട്ടി പറഞ്ഞിരുന്നു.