പറ്റിക്കാൻ വേണ്ടിയാണെങ്കിലും ഇങ്ങനെ ഒന്നും ചെയ്യല്ലേ ആമസോണേ

ഇംഗ്ലണ്ടിലെ നോർത്തംബർലാൻഡിലെ ആൽ‌ൻ‌വിക്കിൽ താമസിക്കുന്ന 55 കാരനായ മാർക്ക് റീഡ് അടുത്തിടെയാണ് ഒരു ചെറിയ കുപ്പി വിറ്റാമിൻ ഗുളികകളും ഇറച്ചി ഗ്രിൽ ചെയ്യാൻ സ്‌ക്യൂവറും ആമസോണിലൂടെ വാങ്ങിയത്. ദിവസങ്ങൾക്ക് ശേഷം ഒരു പാർസൽ വീട്ടിലെത്തി. പക്ഷെ പാഴ്സലിന്റെ വലിപ്പം കണ്ട് മാർക്ക് തെറ്റായ പാഴ്സലാണ് തനിക്ക് ലഭിച്ചത് എന്നാണ് ആദ്യം തെറ്റിദ്ധരിച്ചത്.



കാരണം ഒരു ടിവി പായ്ക്ക് ചെയ്യുന്ന അത്രയും വലിപ്പമുള്ള ബോക്‌സിലാണ് 815 രൂപ വിലയുള്ള 120 വിറ്റാമിൻ ഡി3 ഗുളികകളുടെ കുപ്പിയും, 768 രൂപ വിലയുള്ള നീളമുള്ള സ്‌ക്യൂവറും മാർക്കിന്റെ വീട്ടുപടിക്കലെത്തിയത്. മൂന്ന് ഇഞ്ച് ഉയരമുള്ള പ്ലാസ്റ്റിക് കുപ്പിയും ഏകദേശം രണ്ടര അടി നീളമുള്ള ബാർബിക്യൂ സ്‌ക്യൂവറും പായ്ക്ക് ചെയ്യാൻ ടിവി പായ്ക്ക് ചെയ്യുന്ന അത്രയും വലിപ്പമുള്ള ബോക്‌സ് ആവശ്യമില്ലല്ലോ. എന്നാൽ പായ്ക്കറ്റ് പൊളിച്ചപ്പോൾ മാർക്ക് ധാരാളം പേപ്പർ കൊണ്ട് പൊതിഞ്ഞ വിറ്റാമിൻ ഗുളികയുടെ കുപ്പിയും സ്‌ക്യൂവറും കണ്ടെത്തി.

സമോസയ്ക്ക് വില കൂട്ടി! കടയുടമയുമായി തർക്കം, ഒടുവിൽ ആത്മഹത്യ

“ഒടുവിൽ ഞാൻ ബോക്സിന്റെ അടി വരെ തപ്പിയ ശേഷം വിറ്റാമിൻ ഗുളികയുടെ കുപ്പിയും സ്‌ക്യൂവറും കണ്ടെത്തി. മാജിക്കുകാരുടെ കയ്യിൽ നിന്നും വരുന്ന അനന്തമായ തൂവാല പോയെയായിരുന്നു ബോക്‌സിനകത്തെ പായ്ക്കിങ്,” മാർക്ക് മാർക്ക് പറഞ്ഞതായി മിറർ റിപ്പോർട്ട് ചെയ്യുന്നു. “വളരെ ചെറിയ രണ്ട് ഇനങ്ങൾക്കായി അവർ ഇത്രയധികം പാക്കേജിംഗ് ഉപയോഗിക്കുമെന്ന് എനിക്ക് വിശ്വസിക്കാനായില്ല. ബോക്സിനും പേപ്പറിനും ഗുളികയുടെ കുപ്പിയേക്കാൾ ഭാരമുണ്ട്” മാർക്ക് കൂട്ടിച്ചേർത്തു.

പഴുക്കുന്നതനുസരിച്ച് ഓരോ ദിവസവും ഓരോ പഴം! ഇതാണ് കച്ചവടം

“താരതമ്യേന ചെറുതും ഭാരം കുറഞ്ഞതുമായ രണ്ട് ഇനങ്ങൾക്കായി ഇത്രയേറെ കടലാസ് ബോക്‌സിൽ നിറക്കുന്നത് എന്തിന് എന്ന് എനിക്ക് തോന്നി. ഞാൻ ബോക്സും പേപ്പറും റീസൈക്കിൾ ചെയ്തു, പക്ഷേ അതിൽ വലിയ കാര്യമല്ല. ഈ വലിയ കമ്പനികൾ ഒരു മാതൃക കാണിക്കണം” മാർക്ക് തുടർന്നു. എളുപ്പത്തിൽ തുറക്കാവുന്നതും 100 ശതമാനം പുനരുപയോഗിക്കാവുന്നതുമായ റെഡി പാക്കേജിംഗ് ആണ് തങ്ങൾ ഉപയോഗിക്കുന്നത് എന്നാണ് ആമസോൺ വ്യക്തമാക്കുന്നത്.