‘യോഗ ചെയ്യുന്നതിനാൽ കൊവിഡ് വാക്‌സിൻ്റെ ആവശ്യമില്ല’: വീണ്ടും വിവാദവുമായി രാംദേവ്

‘അവരുടെ പിതാക്കന്മാർക്ക് പോലും എന്നെ അറസ്‌റ്റ് ചെയ്യാനാകില്ല’: വിവാദ പരാമർശവുമായി രാംദേവ്

കൊവിഡ്- 19 ചികിത്സയുടെ ഭാഗമായി നടത്തുന്ന അലോപ്പതി – ആധൂനിക ചികിത്സകൾക്കെതിരെ ആരോപണം ഉന്നയിച്ചിരുന്നു. അലോപ്പതി മരുന്ന് കഴിച്ച് രാജ്യത്ത് ലക്ഷക്കണക്കിന് രോഗികൾ മരിച്ചെന്നായിരുന്നു രാംദേവിൻ്റെ വിവാദ പ്രസ്‌താവന. രാംദേവ് നടത്തിയ പ്രസ്‌താവനയ്‌ക്കെതിരെ കേന്ദ്ര ആരോഗ്യമന്ത്രി ഹർഷ് വർധൻ അടക്കമുള്ളവർ രൂക്ഷമായ ഭാഷയിൽ പ്രതികരിച്ചിരുന്നു.

ഗോവയിൽ ബീഫ് നിരോധനമില്ലാത്തത് എന്തുകൊണ്ട്? ലക്ഷദ്വീപ് വിഷയത്തിൽ ശിവസേന രംഗത്ത്

രാംദേവിൻ്റെ പ്രസ്‌താവനയ്‌ക്കെതിരെ ഇന്ത്യൻ മെഡിക്കൽ അസോസിയേഷൻ പ്രധാനമന്ത്രി നരേന്ദ്ര മോദിക്ക് കത്തയച്ചിരുന്നു. ആധൂനിക ചികിത്സകളെ രാം ദേവ് തള്ളിപ്പറയുകയും അപമാനിക്കുകയും ചെയ്‌തെന്നായിരുന്നു ആരോപണം. രാംദേവിനെതിരെ 1000 കോടി രൂപയുടെ മാനനഷ്‌ടത്തിനും ഐഎംഎ നോട്ടീസ് അയച്ചിരുന്നു.

രാംദേവിൻ്റെ പ്രസ്‌താവന വിവാദമായതോടെ സമൂഹമാധ്യമങ്ങളിൽ ‘അറസ്‌റ്റ് രാംദേവ്’ എന്ന ഹാഷ്‌ടാഗ് ട്രെൻഡ് ആയിരുന്നു. എന്നാൽ, തന്നെ അറസ്‌റ്റ് ചെയ്യാൻ ആവശ്യപ്പെടുന്നവരുടെ പിതാക്കന്മാർക്ക് പോലും തന്നെ അറസ്‌റ്റ് ചെയ്യാൻ കഴിയില്ലെന്നും അവർ വെറുതെ ശബ്‌ദമുണ്ടാക്കി കൊണ്ടിരിക്കുകയാണെന്നും അദ്ദേഹം പറഞ്ഞിരുന്നു.

കേന്ദ്രത്തിനും സംസ്ഥാനത്തിനും രണ്ടുവില എങ്ങനെ വന്നു? വാക്‌സിൻ നയത്തിനെതിരെ സുപ്രീം കോടതി

രാംദേവിൻ്റെ നേതൃത്വത്തിലുള്ള പതഞ്ജലി ആയുര്‍വേദിൻ്റെ ഡയറി ബിസിനസ് മേധാവി സുനിൽ ബൻസാൽ കൊവിഡ് ബാധിച്ച് മരിച്ചിരുന്നു. ബൻസാലിന് അലോപ്പതി ചികിത്സ നൽകിയിരുന്നുവെന്നും, മരണകാരണമായത് ഈ ചികിത്സയാണെന്നും ആരോപണം ശക്തമായതോടെയാണ് രാംദേവ് വിവാദ പ്രസ്‌താവനകൾ ആരംഭിച്ചത്.