ഞാൻ മരിച്ചിട്ട് നിങ്ങൾക്ക് സന്തോഷത്തോടെ ജീവിക്കണോ? കൊവിഡ് ബാധിച്ച അമ്മായിഅമ്മ മരുമകളെ കെട്ടിപ്പിടിച്ചു രോഗബാധിതയാക്കി

ഹൈദരാബാദ്: കൊവിഡ് ബാധിതയായി ഐസോലേഷനിൽ കഴിയേണ്ടി വന്നതിന്‍റെ ദേഷ്യം തീർക്കാൻ അമ്മായിഅമ്മ മരുമകളെ കെട്ടിപ്പിടിച്ചതായി പരാതി. മരുമകളും രോഗബാധിതയായതിന് പിന്നാലെയാണ് ആരോപണം ഉയർന്നിരിക്കുന്നത്. മരുമകൾ തന്നെയാണ് ഇക്കാര്യം വെളിപ്പെടുത്തിയതെന്ന് ടൈംസ് ഓഫ് ഇന്ത്യയാണ് റിപ്പോർട്ട് ചെയ്തത്.

തെലങ്കാനയിലെ സോമാരിപ്പേട്ട ഗ്രാമത്തിലാണ് അസാധാരണ സംഭവം റിപ്പോർട്ട് ചെയ്തിരിക്കുന്നത്. ഇരുപത്തഞ്ചുകാരിയായ മരുമകൾ കൊവിഡ് പോസിറ്റീവായതിന് പിന്നാലെ തന്നെ ഇവരെ വീട്ടിൽ നിന്ന്പുറത്താക്കുകയും ചെയ്തു. ഇതിന് പിന്നാലെ യുവതിയുടെ സഹോദരിയെത്തി ഇവരെ രാജന്ന സിര്‍സില്ല ജില്ലയിലെ തിമ്മപ്പൂരിലെ വീട്ടിലേക്ക് കൊണ്ടുപോവുകയായിരുന്നു.

സിസിടിവി പരിശോധിക്കൂ; തെളിവ് പുറത്തു വിടൂ; വെല്ലുവിളിയുമായി സികെ ജാനു

കൊവിഡ് പോസിറ്റാവായതിനെത്തുടർന്ന് അമ്മായിഅമ്മ ഐസോലേഷനിലായിരുന്നു. തന്നോട് എല്ലാവരും അകലം പാലിക്കുന്നതില്‍ അവർ അസ്വസ്ഥയായിരുന്നെന്നാണ് യുവതി പറയുന്നത്. ‘എനിക്കും കൊവിഡ്-19 പിടിക്കട്ടെ എന്ന് പറഞ്ഞായിരുന്നു അമ്മായിഅമ്മ എന്നെ കെട്ടിപ്പിടിച്ചത്’ യുവതി ആരോഗ്യ പ്രവർത്തകരോട് പറഞ്ഞു.

വൈറസ് ബാധ സ്ഥിരീകരിച്ചതിന് പിന്നാലെ അമ്മായിഅമ്മയെ നീരീക്ഷണത്തിലാക്കിയിരുന്നു. പ്രത്യേകസ്ഥലത്താണ് അവർക്ക് ഭക്ഷണം നല്‍കിയിരുന്നത്. കൊച്ചുമക്കളെയും അവരുടെ അടുത്തേക്ക് അയച്ചിരുന്നില്ല. ഇതേതുടര്‍ന്ന് അവര്‍ കടുത്ത നിരാശയിലായിരുന്നെന്നാണ് യുവതി പറയുന്നത്.

Also Read : നീതി ആയോഗിന്‍റെ എസ്ഡിജി സൂചികയില്‍ കേരളം വീണ്ടും ഒന്നാമത്; ഏറ്റവും പിന്നില്‍ ബിഹാര്‍



ഒറ്റപ്പെടലില്‍ പ്രകോപിതയായ അവര്‍ തനിക്കും കൊവിഡ് വരാന്‍ ആഗ്രഹിച്ചു. ‘ഞാൻ മരിച്ചിട്ട് നിങ്ങൾക്കെല്ലാവർക്കും സന്തോഷത്തോടെ ജീവിക്കണോ?’ എന്ന് ചോദിച്ചായിരുന്നു അവർ കെട്ടിപ്പിടിച്ചതെന്നും യുവതി പറയുന്നു. കൊവിഡ് ബാധിതയായ ഇവർ സഹോദരിയുടെ വീട്ടിലാണ് ഇപ്പോൾ നിരീക്ഷണത്തിൽ കഴിയുന്നത്.