ഹൈലൈറ്റ്:
- ഒന്നര വർഷത്തോളം വീട്ടുതടങ്കലിലിട്ടു
- ലൈംഗികമായി ഉപദ്രവിച്ചു, ഗർഭച്ഛിദ്രത്തിന് നിർബന്ധിച്ചു
- മൂന്ന് പെൺമക്കളെയും തടവിലിട്ടെന്ന് പരാതി
മഹാരാഷ്ട്രയിലെ സോളാപൂർ ജില്ലയിൽ നിന്നാണ് ഞെട്ടിക്കുന്ന വാർത്ത പുറത്ത് വന്നത്. പാണ്ഡാര്‍പൂര്‍ നഗരത്തിലെ വീട്ടിൽ തിങ്കളാഴ്ചയാണ് പോലീസ് റെയ്ഡ് നടത്തിയത്. തുടർന്ന് അമ്മയെയും മൂന്ന് പെണ്‍മക്കളെയും രക്ഷപ്പെടുത്തി. യുവതിയുടെ ഭർത്താവിനെ പീഡനക്കുറ്റവും, മറ്റു അനുബന്ധ വകുപ്പുകളും ചേർത്താണ് അറസ്റ്റ് ചെയ്തതെന്ന് ഹിന്ദുസ്ഥാൻ ടൈംസാണ് റിപ്പോർട്ട് ചെയ്തത്.
Also Read : വീട്ടുസാധനങ്ങളെന്ന പേരില്‍ പാര്‍സല്‍; 3.19 കോടിയുടെ ഐഫോണുകള്‍ പിടിച്ചെടുത്തു
വീട്ടുതടങ്കലിൽ കഴിയുകയായിരുന്ന സ്ത്രീ ഒരു കടലാസിൽ തങ്ങളുടെ അവസ്ഥ എഴുതി വീടിന് പുറത്തേക്ക് എറിയുകയായിരുന്നു. കടലാസ് ഒരു സ്ത്രീയുടെ ശ്രദ്ധയിൽപ്പെട്ടതോടെ പോലീസിനെ വിവരം അറിയിക്കുകയായിരുന്നെന്ന് പോലീസ് പറഞ്ഞു. തുടർന്ന് നിർഭയ സ്ക്വാഡ് സ്ഥലത്തെത്തിയാണ് അമ്മയെയും മക്കളെയും രക്ഷിച്ചത്. കുട്ടികൾ 8നും 14നും ഇടയിൽ പ്രായമുള്ളവരാണ്.
Also Read : ഐസിയു കിടക്കയിൽ 18കാരിയെ കുത്തിവെച്ച് ബോധം കെടുത്തി പീഡിപ്പിച്ചു; വാർഡ് ബോയ് പിടിയിൽ
അന്വേഷണത്തിനിടെയാണ് തന്നെ ഒന്നര വർഷമായി വീട്ടിൽ പൂട്ടിയിട്ടിരിക്കുകയാണെന്ന് യുവതി പോലീസിന് മൊഴി നൽകുന്നത്. വീട്ടിനകത്തെ ഒരു റൂമിൽ ആയിരുന്നു കഴിഞ്ഞിരുന്നത്. ആണ്‍കുട്ടിക്ക് ജന്മം നല്‍കാത്തതിന്‍റെ പേരിലായിരുന്നു കൃത്യമെന്നും അവർ പറയുന്നു. ഭർത്താവ് തന്നെ ലൈംഗികമായി ഉപദ്രവിച്ചതായും ഒന്നിലധികം തവണ ഗർഭച്ഛിദ്രം നടത്താൻ നിർബന്ധിച്ചതായും പരാതിയിലുണ്ട്.
കൊവിഡ് മരണ നിരക്കില്‍ സംശയങ്ങള്‍ ഉണ്ട്; ആവര്‍ത്തിച്ച് വി.ഡി സതീശന്‍
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : maharashtra man held for harassing wife holding her in confinement with their daughters
Malayalam News from malayalam.samayam.com, TIL Network
