പ്രാങ്ക് വീഡിയോ: ‘വില്ലൻ ഹബ്’ അരിച്ചുപെറുക്കി പോലീസ്, കൊച്ചിയില്‍ യുവാവ് അറസ്റ്റില്‍

കൊച്ചി: സ്ത്രീകൾക്ക് ബുദ്ധിമുട്ട് ഉണ്ടാക്കുന്ന തരത്തിൽ പൊതുസ്ഥലങ്ങളിൽ പ്രാങ്ക് വീഡിയോ ചെയ്ത യു ട്യൂബർ കൊച്ചിയിൽ അറസ്റ്റിൽ. എറണാകുളം ചിറ്റൂർറോഡ് സ്വദേശി ആകാശ് സൈമൺ മോഹൻ (26) എന്നയാളെയാണ് എറണാകുളം നോർത്ത് പോലീസ് അറസ്റ്റ് ചെയ്തത്. അറസ്റ്റ് രേഖപ്പെടുത്തിയതിന് പിന്നാലെ ഇയാളെ ജാമ്യത്തിൽ വിട്ടു.

‘കേരളാ കോൺഗ്രസ് (എം) വന്നത് നേട്ടമായി’: പാർട്ടി കോൺഗ്രസ് കണ്ണൂരിൽ, സിപിഎം കേരളാ ഘടകത്തിന് പ്രശംസ

ആകാശിനൊപ്പം പ്രവർത്തിച്ച സുഹൃത്തുക്കളെക്കുറിച്ചും പോലീസ് അന്വേഷണം ആരംഭിച്ചു. വീഡിയോ പകർത്താൻ ഇവരാണ് സഹായം ചെയ്ത് നൽകിയത്. സ്ത്രീകളെ പരിഹസിക്കുന്ന തരത്തിലുള്ള ആറ് വീഡിയോകൾ ‘വില്ലൻ ഹബ്’ എന്ന യു ട്യൂബ് ചാനലിലൂടെ പുറത്തുവിട്ടതായി പോലീസ് കണ്ടെത്തി. ഇത്തരം വീഡിയോകൾ നീക്കം ചെയ്യാനുള്ള നടപടികൾ ആരംഭിച്ചുവെന്ന് പോലീസ് പറഞ്ഞു.

എറണാകുളം കച്ചേരിപ്പടിയിൽ വീഡിയോ ചിത്രീകരിക്കുന്നതിനിടെയാണ് ആകാശിനെ പോലീസ് പിടികൂടിയത്. വീഡിയോ ചിത്രീകരിക്കുന്നതിൻ്റെ ഭാഗമായി അശ്ലീല ആംഗ്യം സ്ത്രീകൾക്ക് നേരെ കാണിക്കുകയും മോശം ഭാഷയിൽ സംസാരിക്കുകയും ചെയ്തുവെന്ന പരാതി ലഭിച്ചതോടെയാണ് പോലീസ് നടപടി സ്വീകരിച്ചത്.

ചെങ്കോട്ടയ്ക്ക് മുന്നിൽ വൻമതിലായി കൂറ്റൻ കണ്ടെയ്‌നറുകൾ; സ്വാതന്ത്ര്യദിനത്തിൽ ഡൽഹിയിൽ ശക്തമായ സുരക്ഷ

എറണാകുളത്തെ വിവിധ ഭാഗങ്ങളിൽ നിന്നായി യുവാവ് വീഡിയോ ചിത്രീകരിച്ചതായി പോലീസ് പറഞ്ഞു. സ്ത്രീകളെ ശല്യം ചെയ്തത് ഉൾപ്പടെയുള്ള വകുപ്പുകളാണ് ആകാശ് സൈമൺ മോഹനെതിരെ ചുമത്തിയിരിക്കുന്നത്.