ഹൈലൈറ്റ്:
- രണ്ട് തരം വാക്സിനുകള്‍ നല്‍കാമെന്ന് ഐസിഎംആര്‍
- പഠനം പുറത്ത്
- സുരക്ഷിതമെന്ന് ഐസിഎംആര്‍
ഒരേ ഡോസ് വാക്സിൻ നല്‍കുന്നതിനു സമാനമായ പാര്‍ശ്വഫലങ്ങള്‍ തന്നെയാണ് വാക്സിൻ കൂട്ടിക്കലര്‍ത്തിയപ്പോഴും കണ്ടതെന്നും ഇത് സുരക്ഷിതമാണെന്നും ഐസിഎംആര്‍ വ്യക്തമാക്കുന്നു. ഓക്സ്ഫഡ് സര്‍വകലാശാല വികസിപ്പിച്ച അഡിനോവൈറസ് വെക്ടര്‍ വാക്സിനാണ് കൊവിഷീൽഡ്. കൊവാക്സിനിലുള്ളത് നിര്‍ജീവ കൊറോണ വൈറസാണ്. മെഡ്ര്‍ക്സിവ് എന്ന മെഡിക്കൽ വെബ്സൈറ്റിൽ അപ്‍ലോഡ് ചെയ്തിട്ടുള്ള ഈ പഠനഫലം ഇതുവരെ പിയര്‍ റിവ്യൂ ചെയ്തിട്ടില്ല. അഡിനോവൈറസ് വെക്ടര്‍ വാക്സിനും ഇനാക്ടിവേറ്റഡ് വൈറസ് വാക്സിനും തമ്മിൽ കൂട്ടിക്കലര്‍ത്തിയുള്ള പരീക്ഷണം ഇതാദ്യമായാണെന്നാണ് ഗവേഷകര്‍ പറയുന്നത്.
Also Read: മാനസ കൊലപാതകം: രാഖിലിനെ തോക്ക് പരിശീലിപ്പിക്കുന്ന ദൃശ്യങ്ങൾ പുറത്ത്
രാജ്യത്ത് ആദ്യമായി വിതരണത്തിന് അനുമതി നല്‍കിയിരുന്നത് കൊവിഷീൽഡിനും കൊവാക്സിനുമാണ്. രണ്ട് ഡോസുകളും ഒരേ തരം വാക്സിൻ തന്നെ നല്‍കുന്നതാണ് നിലവിലെ രീതി. എന്നാൽ ഉത്തര്‍ പ്രദേശില സിദ്ധാര്‍ഥ് നഗറിൽ 18 പേര്‍ക്ക് ആദ്യ ഡോസായി കൊവിഷീൽഡും രണ്ടാം ഡോസായി കൊവാക്സിനും നല്‍കുകയായിരുന്നു. 40 പേരെയാണ് മൊത്തം പഠനത്തിനായി തെരഞ്ഞെടുത്തത്. മെയ്, ജൂൺ മാസങ്ങളിലായിരുന്നു പഠനം നടന്നത്. ഇവരുടെ ശരീരത്തിലുണ്ടായ പാര്‍ശ്വഫലങ്ങളും രോഗപ്രതിരോധശേഷിയും താരതമ്യം ചെയ്തു നോക്കുകയും ചെയ്തു.
Also Read: ഓണത്തിനു മുമ്പ് രണ്ടു മാസത്തെ ക്ഷേമ പെൻഷൻ ഒരുമിച്ച്; 3200 കയ്യിൽ കിട്ടും
രണ്ട് തരം വാക്സിൻ സ്വീകരിച്ചവര്‍ക്ക് ഡെൽറ്റ വകഭേദം അടക്കമുള്ള കൊറോണവൈറസ് വകഭേദങ്ങള്‍ക്കെതിരെ കൂടുതൽ രോഗപ്രതിരോധ ശേഷിയും ശരീരത്തിൽ കൂടുതൽ ആൻ്റിബോഡികളും രൂപപ്പെട്ടെന്നാണ് പഠനത്തിൽ പറയുന്നത്. ഒന്നാം ഡോസായി കൊവിഷീൽഡും രണ്ടാം ഡോസായി കൊവാക്സിനും നല്‍കുന്നത് സുരക്ഷിതവും കടുതൽ ഫലപ്രദവുമാണെന്നും പഠനം അടിവരയിടുന്നു.
ഫഹദ് ഫാസിലിന് നിയമ വിദ്യാർത്ഥിനിയുടെ വെറൈറ്റി പിറന്നാൾ സമ്മാനം!
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : icmr claims mixim covaxin with covishield shows better results as new study shows better immunogenicity
Malayalam News from malayalam.samayam.com, TIL Network
