ഹൈലൈറ്റ്:
- തട്ടിപ്പിനിരയായത് 30കാരൻ
- സംഭവം ഗുജറാത്തിൽ
- പരാതിയുമായി യുവാവ്
അഹമ്മദാബാദ് ന്യൂ റാണിപ് സ്വദേശിയായ യുവാവാണ് പരാതിക്കാരൻ. കഴിഞ്ഞ മാര്‍ച്ച് മാസത്തിൽ സോഷ്യൽ മീഡിയ വഴി പ്രിയങ്ക പട്ടേൽ എന്ന യുവതിയെ ഇയാള്‍ പരിചയപ്പെടുകയായിരുന്നുവെന്നാണ് പോലീസ് പറയുന്നത്. സ്ത്രീകള്‍ക്കായി പുരുഷന്മാരായ ലൈംഗികത്തൊഴിലാളികളെ എത്തിച്ചു നല്‍കുന്ന എസ്കോര്ട്ട് സര്‍വീസ് താൻ നടത്തുന്നുണ്ടെന്ന് ഇവര്‍ യുവാവിനെ അറിയിക്കുകയായിരുന്നു. പണക്കാരായ യുവതികള്‍ക്കൊപ്പം കിടക്ക പങ്കിടാൻ അവസരം ലഭിക്കുമെന്നും തട്ടിപ്പുകാരി യുവാവിനെ അറിയിച്ചു. വിവാഹിതനായ പ്രതി ഈ ഓഫറിൽ വീഴുകയായിരുന്നു.
Also Read: സ്കൂളുകൾ തുറക്കുന്നത് ആലോചനയിൽ; ഈ രണ്ട് രീതികൾ പരിഗണനയിലെന്ന് വിദ്യാഭ്യാസ മന്ത്രി
മെമ്പര്‍ഷിപ്പ് ഫീസ് ഇനത്തിൽ കുറച്ച് പണം അടയ്ക്കേണ്ടതുണ്ടെന്നും പ്രിയങ്ക പട്ടേൽ ഇയാളെ അറിയിച്ചു. പണം നല്‍കിയതിനു പിന്നാലെ പവൻ എന്നു പേരുള്ള ഒരാളുമായി സംസാരിക്കാൻ ആവശ്യപ്പെട്ടു. തുടര്‍ന്ന് ഇയാള്‍ രണ്ട് യുവതികളുടെ ഫോൺ നമ്പറുകള്‍ നല്‍കുകയായിരുന്നു. ശ്വേത പട്ടേൽ, ഹിന പട്ടേൽ എന്നിങ്ങനെയായിരുന്നു നമ്പര്‍ ലഭിച്ച യുവതികളുടെ പേരെന്നാണ് പരാതിക്കാരൻ അറിയിച്ചതെന്നാണ് അഹമ്മദാബാദ് ടൈംസ് റിപ്പോര്‍ട്ട് ചെയ്യുന്നത്.
Also Read: ഓണത്തിനു മുമ്പ് രണ്ടു മാസത്തെ ക്ഷേമ പെൻഷൻ ഒരുമിച്ച്; 3200 കയ്യിൽ കിട്ടും
ഇവരുമായി കിടക്ക പങ്കിടുന്നതിന് മൊത്തം രണ്ടര ലക്ഷം രൂപ നല്‍കുമെന്നായിരുന്നു വാഗ്ദാനം. ഈ നമ്പറുകളിലേയ്ക്ക് ബന്ധപ്പെട്ടെങ്കിലും ആരും ഫോൺ എടുത്തില്ലെന്നും യുവാവ് പറഞ്ഞു. എന്നാൽ ഒരു സ്ത്രീ ഇതിനു പിന്നാലെ വാട്സാപ്പിൽ ബന്ധപ്പെടുകയായിരുന്നു. ജോലിയുടെ പ്രതിഫലം നല്‍കാൻ എന്ന പേരിൽ യുവാവിനോട് ഒരു ഹോട്ടലിൽ മുറി ബുക്ക് ചെയ്യാൻ ആവശ്യപ്പെട്ടു. സെക്യൂരിറ്റി ഡിപ്പോസിറ്റ്, പ്രൊസസ്സിങ് ഫീസ് തുടങ്ങി പല പേരിലായി കൂടുതൽ പണം തന്‍റെ പക്കൽ നിന്നു വാങ്ങിയതായും യുവാവ് പറഞ്ഞു. പല വട്ടം ഹോട്ടൽ മുറി ബുക്ക് ചെയ്യാൻ ആവശ്യപ്പെട്ടു. എന്നാൽ പറഞ്ഞതനുസരിച്ച് ഒരിക്കൽ പോലും യുവതി സ്ഥലത്ത് എത്തിയില്ല. മൊത്തം തന്‍റെ കൈയ്യിൽ നിന്ന് 7.1 ലക്ഷം രൂപ നഷ്ടപ്പെട്ടെന്നാണ് യുവാവ് പറയുന്നത്.
താൻ വഞ്ചിക്കപ്പെട്ടെന്നു മനസ്സിലായതോടെ യുവാവ് പോലീസിൽ പരാതിയുമായി എത്തുകയായിരുന്നു. അഹമ്മദാബാദ് പോലീസിൻ്റെ സൈബര്‍ ക്രൈം വിഭാഗമാണ് കേസ് രജിസ്റ്റര്‍ ചെയ്തിട്ടുള്ളത്.
ഗൗരിനന്ദയെ സന്ദർശിച്ച് സുരേഷ് ഗോപി പറഞ്ഞതിങ്ങനെ…
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : gujarat man lost 7 lakhs as woman met on social media offered male escort job with high payment
Malayalam News from malayalam.samayam.com, TIL Network
