‘യേശുദേവൻ സമാധാനത്തിൻ്റെ വക്താവ്’: നാദിർഷ ക്രൈസ്തവരെ അവഹേളിക്കുന്നുവെന്ന് തുഷാർ വെള്ളാപ്പള്ളി

ആലപ്പുഴ: നടനും സംവിധായകനുമായ നാദിർഷ സിനിമകളിലൂടെ ക്രൈസ്തവരെ അവഹേളിക്കുകയാണെന്ന് ബിഡിജെഎസ് അധ്യക്ഷൻ തുഷാർ വെള്ളാപ്പള്ളി. കേശു ഈ വീടിൻ്റെ നാഥൻ, ഈശോ എന്നീ പേരുകളിൽ ഇറങ്ങുന്ന അദ്ദേഹത്തിൻ്റെ ചിത്രങ്ങൾ സർക്കാർ നിരോധിക്കാൻ തയ്യാറാകണം. സമൂഹത്തിൽ ഭിന്നതയും വിഭജനവും ഉണ്ടാക്കുന്നതാണ് ഇത്തരം നീക്കങ്ങളെന്നും തുഷാർ പറഞ്ഞു.



‘പേര് ഈശോ എന്നാണെങ്കിൽ സിനിമ തിയേറ്റർ കാണില്ല; കേരളം മുഴുവൻ ഞാൻ ഇറങ്ങും’: പി സി ജോർജ്

ക്രൈസ്തവ വിശ്വാസികളെ അവഹേളിക്കാനുള്ള ശ്രമങ്ങളുടെ തുടർച്ചയായിട്ടാണ് സിനിമകൾക്ക് നാദിർഷ ഇത്തരം പേരുകൾ നൽകിയതെന്ന് സംശയിക്കുന്നുണ്ട്. യേശുദേവനെ സമാധാനത്തിൻ്റെ വക്താവായി ലോകം മുഴുവൻ അഗീകരിച്ചിരിക്കുന്നതാണ്. അതിനൊപ്പം ക്രൈസ്തവ മൂല്യങ്ങൾ വിസ്‌മരിക്കാൻ ആർക്കും സാധിക്കില്ല. അത്തരത്തിലുള്ള നീക്കങ്ങളെ ചെറുത്ത് തോൽപ്പിക്കേണ്ടതുണ്ടെന്നും പ്രസ്താവനയിലൂടെ തുഷാർ വ്യക്തമാക്കി.

ആവിഷ്കാര സ്വാതന്ത്രം എന്ന പേരിൽ മതവിശ്വാസങ്ങളെയും വിശ്വാസികളുടെയും വികാരങ്ങളെ വൃണപ്പെടുത്തുന്ന ഇത്തരം നീക്കങ്ങൾ ചെറുത്ത് തോൽപ്പിക്കേണ്ടതുണ്ട്. അതിനായുള്ള ശ്രമത്തിൽ ബിഡിജെഎസ് മുൻപന്തിയിലുണ്ടാകും. ആചാരങ്ങൾ, അനുഷ്ഠാനങ്ങൾ, വിശ്വാസങ്ങൾ എന്നിവ സംരക്ഷിക്കാൻ ശക്തമായ പ്രവർത്തനം നടത്തു. അതിൻ്റെ ഭാഗമായി വിശ്വാസികളെ അവഹേളിക്കുന്ന സിനിമകൾക്കെതിരെയും ലൗ ജിഹാദിനെതിരെയും നിയമനിർമ്മാണം നടത്തണമെന്ന് ആവശ്യപ്പെട്ട് കേന്ദ്ര ആഭ്യന്തര മന്ത്രി അമിത് ഷായെ സമീപിക്കുമെന്നും തുഷാർ കൂട്ടിച്ചേർത്തു.

ഓണത്തിനു മുമ്പ് രണ്ടു മാസത്തെ ക്ഷേമ പെൻഷൻ ഒരുമിച്ച്; 3200 കയ്യിൽ കിട്ടും

യേശുദേവനെ അവഹേളിക്കുന്ന കുടില നീക്കമാണ് സിനിമയുടെ പേരിലൂടെ നടക്കുന്നത്. വിദ്യാഭ്യാസ രംഗത്തും സാമൂഹ്യരംഗത്തും ക്രൈസ്തവ സഭകൾ നൽകിയ സംഭാവനകൾ വിസ്‌മരിക്കാൻ കഴിയുന്നതല്ലെന്നും തുഷാർ പറഞ്ഞു. നാദിർഷ സംവിധാനം ചെയ്യുന്ന കേശു ഈ വീടിൻ്റെ നാഥൻ, ഈശോ എന്നീ സിനിമകളുടെ പേര് മാറ്റണമെന്ന ആവശ്യവുമായി ക്രിസ്ത്യൻ സംഘടനകൾ രംഗത്തുവന്നിരുന്നു. ഈ സാഹചര്യത്തിലാണ് ബിഡിജെഎസ് അധ്യക്ഷൻ പ്രതികരണം നടത്തിയത്.