കെഎം ബഷീറിനെ കാറിടിച്ചു കൊന്ന കേസ്: ഒന്നര വർഷത്തിനു ശേഷം വിചാരണ ഇന്നു തുടങ്ങും

തിരുവനന്തപുരം: മാധ്യമപ്രവര്‍ത്തകനെ കാറിടിച്ചു കൊലപ്പെടുത്തിയ കേസിൽ കുറ്റപത്രം നല്‍കി ഒന്നര വര്‍ഷത്തിനു ശേഷം വിചാരണ നടപടികള്‍ ആരംഭിക്കുന്നു. തിരുവനന്തപുരം സെഷൻസ് കോടതിയാണ് ഇന്ന് കേസ് പരിണിക്കുന്നത്. മാധ്യമപ്രവര്‍ത്തകനായ കെഎം ബഷീര്‍ കാറിടിച്ചു മരിച്ചതുമായി ബന്ധപ്പെട്ട കേസ് വിചാരണ നടപടികള്‍ക്കായി സെഷൻസ് കോടതിയിലേയ്ക്ക് കൈമാറിയതിനു ശേഷം ഇതാദ്യമായാണ് കേസ് പരിഗണിക്കുന്നത്.



Also Read: ‘നല്ല പേരിട്ടങ്ങ് തുടങ്ങണം’; ആ പേരങ്ങ് മാറ്റിയേക്ക്; ജയസൂര്യയോട് പിസി ജോർജ്ജ്

ഐഎഎസ് ഉദ്യോഗസ്ഥനായ ശ്രീറാം വെങ്കിട്ടരാമനാണ് കേസിലെ ആദ്യപ്രതി. ശ്രീറാം വെങ്കിട്ടരാമനോടു രണ്ടാം പ്രതിയായ വഫ ഫിറോസിനോടും ഹാജരാകണമന്നാണ് കോടതി നിര്‍ദേശിച്ചിരിക്കുന്നത്. പ്രത്യേക അന്വേഷണ സംഘം ശേഖരിച്ച സിസിടിവി ദൃശ്യങ്ങള്‍ കേസിലെ നിര്‍ണായക തെളിവാണ്. പ്രതിഭാഗത്തിൻ്റെ ആവശ്യം പരിഗണിച്ച് മജിസ്ട്രേറ്റ് കോടതി ഈ ദൃശ്യങ്ങള്‍ ശ്രീറാം വെങ്കിട്ടരാമാനു നല്‍കിയിരുന്നു. ഇതിനു ശേഷമാണ് കേസ് സെഷൻസ് കോടതിയിലേയ്ക്ക് മാറ്റിയത്.

Also Read: മാനസ കൊലപാതകം; രാഖിലിന് തോക്കു വിറ്റ ബീഹാർ സ്വദേശികളെ കേരളത്തിലെത്തിച്ചു

2019 ഓഗസ്റ്റ് മൂന്നിനായിരുന്നു കേസിന് ആസ്പദമായ സംഭവമുണ്ടായത്. പുലര്‍ച്ചെ ശ്രീറാം വെങ്കിട്ടരാമൻ ഓടിച്ച കാറിടിച്ച് ബൈക്കിൽ സഞ്ചരിക്കുകയായിരുന്ന കെഎം ബഷീര്‍ കൊല്ലപ്പെടുകയായിരുന്നു. വാഹനം അമിതവേഗത്തിലായിരുന്നു എത്തിയതെന്നാണ് റിപ്പോര്‍ട്ടുകള്‍. കാറിൻ്റെ ഉടമയായ വഫ ഫിറോസും ഒപ്പമുണ്ടായിരുന്നു. ശ്രീറാം വെങ്കിട്ടരാമൻ മദ്യപിച്ചിരുന്നതായി ദൃക്സാക്ഷികള്‍ വ്യക്തമാക്കിയിരുന്നെങ്കിലും പരിശോധന നടത്താൻ പോലീസ് അനാസ്ഥ വരുത്തിയെന്ന് ആരോപണമുണ്ട്.