വിസ ലഭിക്കാന്‍ സ്‌പോണ്‍സര്‍ വേണ്ട
ഈ ടൂറിസ്റ്റ് വിസ സ്‌പോണ്‍സര്‍ ചെയ്യാന്‍ യുഎഇയിലെ ഏതെങ്കിലും ഒരു വ്യക്തിയോ സ്ഥാപനമോ ആവശ്യമില്ല എന്നതാണ് ഇതിന്റെ സവിശേഷത. മറിച്ച് ഓരോ ആള്‍ക്കും സ്വന്തം നിലയ്ക്ക് സ്‌പോണ്‍സര്‍ ചെയ്യാം. ഈ വിസയില്‍ രാജ്യത്തെത്തുന്ന ഒരു സന്ദര്‍ശകന് ഒറ്റ യാത്രയില്‍ 90 ദിവസം വരെ യുഎഇയില്‍ തങ്ങാന്‍ അനുവാദമുണ്ടായിരിക്കും. ആവശ്യമെങ്കില്‍ മറ്റൊരു 90 ദിവസത്തേക്കു കൂടി താമസം ദീര്‍ഘിപ്പിക്കാം. നേരത്തേ മുമ്പ് 30 ദിവസത്തേക്കോ 90 ദിവസത്തേക്കോ മാത്രമേ യുഎഇ ടൂറിസ്റ്റ് വിസ അനുവദിച്ചിരുന്നുള്ളന്നുള്ളൂ.
വിസയ്ക്ക് അപേക്ഷിക്കേണ്ടതെങ്ങിനെ?
– ഫെഡറല്‍ അതോറിറ്റി ഫോര്‍ ഐഡന്റിറ്റി ആന്റ് സിറ്റിസണ്‍ഷിപ്പിന്റെ ഔദ്യോഗിക വെബ്‌സൈറ്റായ www.ica.gov.aeയില്‍ ലോഗിന്‍ ചെയ്യുക.
– വെബ്‌സൈറ്റിലെ പ്രധാന മൊഡ്യൂളുകളില്‍ നിന്ന് ‘ഇ ചാനല്‍ സര്‍വീസസ്’ എന്നത് തെരഞ്ഞെടുക്കുക.
– ഇതില്‍ പബ്ലിക് സര്‍വീസ് ക്ലിക്ക് ചെയ്യുക.
– ഇതില്‍ മള്‍ട്ടി ട്രിപ്പ്, ടൂറിസ്റ്റ് ലോംഗ് ടേം വിസ (കാലവധി അഞ്ചു വര്‍ഷം) എന്നത് സെലക്ട് ചെയ്യുക.
– പാസ്‌പോര്‍ട്ടിലെയും മറ്റ് രേഖകളിലെയും വിവരങ്ങള്‍ പ്രകാരം ആപ്ലിക്കേഷന്‍ പൂരിപ്പിക്കുക
– പാസ്‌പോര്‍ട്ട് കോപ്പി, ഫോട്ടോഗ്രാഫ് തുടങ്ങിയവ അറ്റാച്ച് ചെയ്യുക.
– അപേക്ഷ ഒന്നു കൂടി സൂക്ഷ്മമായി പരിശോധയ്ക്ക് വിധയേയമാക്കുക.
– ആവശ്യമായ ഫീസ് ഓണ്‍ലൈന്‍ ആയി അടയ്ക്കാം.
അതോടൊപ്പം കൊവിഡിന്റെ പശ്ചാത്തലത്തില്‍ ടൂറിസ്റ്റ് വിസ അനുവദിക്കപ്പെട്ട് യുഎഇയിലേക്കുള്ള ടിക്കറ്റ് എടുക്കുന്നതിന് മുന്നോടിയായി പിസിആര്‍ നെഗറ്റീവ് ടെസ്റ്റ് സര്‍ട്ടിഫിക്കറ്റും വാക്‌സിനേഷന്‍ സര്‍ട്ടിഫിക്കറ്റും ലഭിച്ചുവെന്ന് ഉറപ്പുവരുത്തണം. നിലവില്‍ ഇന്ത്യ ഉള്‍പ്പെടെയുള്ള റെഡ് ലിസ്റ്റ് രാജ്യങ്ങളില്‍ നിന്നുള്ളവര്‍ക്ക് യുഎഇ താമസ വിസയുള്ളവരും യുഎഇയില്‍ വച്ച് വാക്‌സിന്‍ എടുത്തവരുമായ പ്രവാസികള്‍ക്കു മാത്രമാണ് യുഎഇയിലേക്ക് പ്രവേശനമുള്ളത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : how you can apply for the uae fiveyear multiple entry tourist visa
Malayalam News from malayalam.samayam.com, TIL Network
