ഇ ബുൾ ജെറ്റ് സഹോദരന്മാരെ പോലീസ് കസ്റ്റഡിയിലെടുത്തു

കണ്ണൂ‍ർ: യൂട്യൂബ് വ്ളോഗർമാരായ ഇ ബുൾ ജെറ്റ് സഹോദരങ്ങളെ പോലീസ് കസ്റ്റഡിയിലെടുത്തു. കണ്ണൂർ കളക്ടറേറ്റിലെ ആർടിഒ ഓഫീസിൽ സംഘർഷമുണ്ടാക്കിയെന്ന പരാതിയിലാണ് പോലീസ് ഇരുവരെയും കസ്റ്റഡിയിലെടുത്തതെന്ന് ഏഷ്യാനെറ്റ് ന്യൂസാണ് റിപ്പോർട്ട് ചെയ്തത്. കണ്ണൂർ സ്വദേശികളായ എബിൻ, ലിബിൻ എന്നിവരെയാണ് കസ്റ്റഡിയിലെടുത്തത്.

തങ്ങളുടെ വണ്ടി ആർടിഒ പിടിച്ചെടുത്തെന്ന് ഇന്നലെ യൂട്യൂബിൽ അപ്‍ലോഡ് ചെയ്ത വീഡിയോയിൽ ഇരുവരും പറഞ്ഞിരുന്നു. വാഹനം കസ്റ്റഡിയിലെടുത്തതുമായി ബന്ധപ്പെട്ടുള്ള തുടർനടപടികൾക്ക് ഇന്ന് രാവിലെ ഓഫീസിലെത്താൻ ഇരുവരോടും അധികൃതർ ആവശ്യപ്പെട്ടിരുന്നു. എന്നാൽ സ്ഥലത്തെത്തിയതിന് പിന്നാലെ സംഘർഷം ഉണ്ടായെന്നാണ് റിപ്പോർട്ട്.

ലിംഗമാറ്റ സര്‍ജറി: രണ്ട് ട്രാൻസ് വ്യക്തികള്‍ സംസാരിക്കുന്നു

വാൻ ആർടിഒ കസ്റ്റഡിയിലെടുത്ത വിവരം അറിഞ്ഞ് ഇ ബുൾ ജെറ്റിന്‍റെ ആരാധകരായ നിരവധിയാളുകൾ ആർടിഒ ഓഫീസിലേക്ക് എത്തിയിരുന്നു. ഇതിനിടെ ഉദ്യോഗസ്ഥരും വ്ളോഗർമാരും തമ്മിൽ വാക്ക് തർക്കം ആരംഭിക്കുകയായിരുന്നു.

പുതിയ തലമുറയെ ക്ഷണിക്കുന്ന കവിത; ദുർവ്യാഖ്യാനങ്ങൾക്ക് പ്രസക്തിയില്ലെന്ന് ജി സുധാകരൻ

സംഭവത്തിന് പിന്നാലെ കണ്ണൂർ ടൗൺ പോലീസ് സ്ഥലത്ത് എത്തിയാണ് ഇരുവരെയും കസ്റ്റഡിയിലെടുത്തത്. അൾട്ടറേഷനുമായി ബന്ധപ്പെട്ടാണ് ഇവരുടെ വാഹനം കസ്റ്റഡിയിലെടുത്തതെന്നാണ് റിപ്പോർട്ട്.