Sumayya P | Lipi | Updated: 09 Aug 2021, 02:20:00 PM
സര്‍ക്കാര്‍ മേഖലയില്‍ ജോലി ചെയ്യുന്ന 60 കഴിഞ്ഞവര്‍ക്ക് ഈ നിയന്ത്രണങ്ങള്‍ ബാധകമാവില്ലെന്നാണ് അധികൃതര്‍ വ്യക്തമാക്കുന്നത്.
നിലവില്‍ 6000ത്തോളം പ്രവാസികളാണ് സര്‍ക്കാര്‍ മേഖലയില്‍ പ്രവര്‍ത്തിക്കുന്നതെന്നാണ് സെന്‍ട്രല്‍ അഡ്മിനിസ്‌ട്രേഷന്‍ ഓഫ് സറ്റാറ്റിസ്റ്റിക്‌സിന്റെ കണക്കുകള്‍. ഇവരില്‍ ഏകദേശം 1800 പേര്‍ 65 വയസ്സ് കഴിഞ്ഞവരാണ്. കുവൈറ്റിലെ സര്‍ക്കാര്‍ മേഖലയില്‍ ചിലയിടങ്ങളില്‍ 65 വയസ്സും ചില മേഖലകളില്‍ 75 വയസ്സുമാണ് വിരമിക്കല്‍ പ്രായം.
Also Read: 
ഒളിംപിക് മെഡല്‍ ജേതാക്കള്‍ക്ക് ഊഷ്മള വരവേല്‍പ്പ് നല്‍കി ഖത്തര്‍
കുവൈറ്റിലെ 60 വയസ്സിന് മുകളില്‍ പ്രായമുള്ളവരും ബിരുദമില്ലാത്തവരുമായ പ്രവാസികളെ അവരുടെ നിലവിലെ വിസാ കാലാവധി കഴിഞ്ഞാല്‍ രാജ്യത്തിന് പുറത്തുപോവണമെന്ന് നേരത്തേ കുവൈറ്റ് സര്‍ക്കാര്‍ നിയമം പാസാക്കിയിരുന്നുവെങ്കിലും പിന്നീട് അത് പിന്‍വലിച്ചിരുന്നു. പകരം 2000 ദിനാര്‍ ഫീസ് ഈടാക്കി വിസ ഓരോ വര്‍ഷത്തേക്ക് പുതുക്കാനാണ് അധികൃതര്‍ അനുമതി നല്‍കിയിരിക്കുന്നത്. ഇങ്ങനെ ഫീസ് നല്‍കി വിസ പുതുക്കുന്നവര്‍ ആരോഗ്യ ഇന്‍ഷുറന്‍സ് എടുക്കണമെന്നും വ്യവസ്ഥ ചെയ്തിട്ടുണ്ട്. ഇഖാമ പുതുക്കുന്നതിനുള്ള 2000 ദിനാര്‍ ഫീസിന് പുറമെ ആരോഗ്യ ഇന്‍ഷുറന്‍സിനുള്ള തുകയും നല്‍കണം.
2020 സെപ്തംബറിലാണ് സെക്കണ്ടറി സ്‌കൂള്‍ വിദ്യാഭ്യാസമോ അതിന് താഴെയോ മാത്രം യോഗ്യതയുള്ള വിദേശികള്‍ക്ക് 60 വയസ്സ് കഴിഞ്ഞാല്‍ വര്‍ക്ക് പെര്‍മിറ്റ് പുതുക്കി നല്‍കില്ലെന്ന് മാനവ വിഭവശേഷി അതോറിറ്റി ഉത്തരവിറക്കിയത്. 2021 ജനുവരി ഒന്നു മുതല്‍ ഈ നിയനം പ്രാബല്യത്തില്‍ വരികയും ചെയ്തു. എന്നാല്‍ ഇതിനെതിരേ സ്വദേശികളില്‍ നിന്നു തന്നെ പ്രതിഷേധം ശക്തമായ സാഹചര്യത്തില്‍ നിയമത്തില്‍ ഭേദഗതി വരുത്താന്‍ മന്ത്രിസഭ തീരുമാനിക്കുകായിരുന്നു. എന്നാല്‍ ഇക്കാര്യത്തില്‍ അന്തിമ തീരുമാനം ഇനിയും പ്രഖ്യാപിക്കപ്പെട്ടിട്ടില്ല. അതിനിടയിലാണ് സര്‍ക്കാര്‍ ജീവനക്കാര്‍ക്ക് ഈ വ്യവസ്ഥ ബാധകമല്ലെന്ന ആശ്വാസകരമായ വിവരം പുറത്തുവന്നിരിക്കുന്നത്.
കേരളത്തിൽ നിന്നുള്ളവരെ പരിശോധിക്കുന്നത് കർശനമാക്കി തമിഴ്നാടും
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : visa restrictions for those over 60 in kuwait are restricted to the private sector
Malayalam News from malayalam.samayam.com, TIL Network
