വിവാഹം കഴിഞ്ഞിട്ട് ഒരാഴ്ച; യുവാവ് ഭാര്യയെ കൊന്ന് മൃതദേഹം കത്തിച്ചു

ചെന്നൈ: ഭാര്യയെ കൊലപ്പെടുത്തി മൃതദേഹം കത്തിച്ച യുവാവ് അറസ്റ്റിൽ. തമിഴ്നാട്ടിലെ മധുര ജില്ലയിലെ ചോഴവന്താൻ എന്ന സ്ഥലത്താണ് കൊലപാതകം നടന്നത്. ഗ്ലാഡിസ് റാണി (21) എന്ന യുവതിയാണ് കൊല്ലപ്പെട്ടത്. സംഭവത്തിൽ യുവതിയുടെ ഭർത്താവ് ജോതിമണി (22) അറസ്റ്റിലായി. ഇയാൾ ജുഡീഷ്യൽ കസ്റ്റഡിയിലാണ്.



പ്രാങ്ക് വീഡിയോ: ‘വില്ലൻ ഹബ്’ അരിച്ചുപെറുക്കി പോലീസ്, കൊച്ചിയില്‍ യുവാവ് അറസ്റ്റില്‍

സ്വന്തം വീട്ടിൽ നിന്ന് കൂട്ടിക്കൊണ്ട് പോയ ശേഷമാണ് അവണിയാപുരം സ്വദേശിയായ ജോതിമണി ഭാര്യയെ കൊലപ്പെടുത്തിയത്. കോളേജ് വിദ്യാർഥിനിയായ പെൺകുട്ടി ഗർഭിണിയായതോടെ ഒരാഴ്ച മുൻപ് പോലീസ് ഇടപെട്ടാണ് ഇവരുടെ വിവാഹം നടത്തിക്കൊടുത്തത്. ഇഷ്ടമില്ലാതെ നടന്ന വിവാഹത്തിൽ നിന്നും യുവതിയെ ഒഴിവാക്കുകയെന്ന ലക്ഷ്യത്തോടെയാണ് യുവാവ് കൊല നടത്തിയതെന്നാണ് പോലീസ് പറയുന്നത്.

യുവതിയും യുവാവും പ്രണയത്തിലായിരുന്നു. പെൺകുട്ടി ഗർഭിണിയായതോടെ വിവാഹം കഴിക്കണമെന്ന് ആവശ്യം ഗ്ലാഡിസിൻ്റെ കുടുംബം മുന്നോട്ട് വെച്ചെങ്കിലും ജോതിമണി സമ്മതിച്ചില്ല. വിവാഹത്തിൽ നിന്ന് യുവാവ് പിന്മാറിയതോടെ യുവതിയുടെ ബന്ധുക്കൾ പോലീസിൽ പരാതി നൽകി. കേസെടുത്ത പോലീസ് യുവാവിൻ്റെ എതിർപ്പ് മറികടന്ന് വിവാഹം നടത്തുകയായിരുന്നു.

വിവാഹശേഷവും സ്വന്തം വീട്ടിലായിരുന്നു ഗ്ലാഡിസ് റാണി താമസിച്ചിരുന്നത്. സംഭവ ദിവസം വീട്ടിലെത്തിയ ജോതിമണി യുവതിയെ വിളിച്ചോട്ട് പോകുകയായിരുന്നു. ബന്ധുക്കളെ പരിചയപ്പെടുത്താനെന്ന വ്യാജേനെയാണ് ഗ്ലാഡിസിനെ കൂട്ടിക്കൊണ്ട് പോയത്. പിന്നാലെ യുവതി മറ്റൊരാൾക്കൊപ്പം ഒളിച്ചോടി പോയെന്ന് ജോതിമണി വീട്ടുകാരെ ഫോണിൽ വിളിച്ചറിയിച്ചു. യുവാവിൻ്റെ വാക്കുകൾ വിശ്വസിക്കാതിരുന്ന പെൺകുട്ടിയുടെ കുടുംബം പോലീസിൽ വിവരമറിയിച്ചു. അന്വേഷണം ആരംഭിച്ച പോലീസ് യുവാവിനെ പിടികൂടി.

മാനസ കൊലപാതകം; രാഖിലിന് തോക്കു വിറ്റ ബീഹാർ സ്വദേശികളെ കേരളത്തിലെത്തിച്ചു

വിശദമായ ചോദ്യം ചെയ്യലിൽ ഗ്ലാഡിസിനെ കൊലപ്പെടുത്തിയെന്ന് ജോതിമണി പോലീസിനോട് വ്യക്തമാക്കി. പിടിക്കപ്പെടാതിരിക്കാൻ യുവതിയുടെ മൃതദേഹം പെട്രോൾ ഒഴിച്ചു കത്തിച്ചതായും ഇയാൾ പറഞ്ഞു. സംഭവസ്ഥലത്ത് നിന്നും മൃതദേഹാവശിഷ്ടങ്ങള്‍ പോലീസ് കണ്ടെത്തി.